ORing

💡اتكلمنا في البوست اللي فات عن الفرق بين السيور والجنازير ومميزات وعيوب كل حاجة فيهم هتلاقيها هنا:
https://www.facebook.com/share/p/19YPr5zqy9/
✅النهاردة هنشرح ازاي تحافظ على العمر الافتراضي للسيور والجنازير من خلال 5 إجراءات أساسية:

أولًا بالنسبة للسيور
1️⃣شد السير مظبوط:
✅علشان تتأكد إن السير مشدود صح استخدم الـ Tension Gauge / مقياس الشد متعتمدش على التقدير (ودي محتاجة شرح تفصيلي أكتر هنتكلم عنها في بوست لوحده).

✅اتأكد إن الشد ثابت على طول السير مش في نقطة معينة، علشان ميحصلش أي خلل في التوازن.

2️⃣ فحص السير باستمرار علشان لو في أي قطع أو تآكل في الأطراف.
✅ مهم جدا تفحص الطبقة الداخلية للسير عشان لو فيه تشقق تلحقو بدري.
✅ مهم تفحص السير بعد أي ضغط أو تحميل زائد.

3️⃣ التنظيف المستمر
✅مهم جدا تستخدم فرشاة ناعمة علشان التراب الموجود في المناطق الدقيقة.
✅ لو في زيت متسرب على السير لازم تتعامل معاه فورًا علشان هيأثر على السير

4️⃣ التأكد من المحاذاة
✅ استخدم أدوات قياس المحاذاة (Alignment Tools) عشان تتأكد إن البكرات كلها في نفس المستوى.

✅خلي بالك لو فيه ميل ولو بسيط، هيسبب ضغط مش طبيعي على السير وهيستهلكه بسرعة.

5️⃣اختيار النوع المناسب
✅ السيور ليها أنواع (V-belts, Flat belts, Timing belts)، وكل نوع مخصص لشغل معين.

✅ دايمًا اختار النوع اللي يناسب الحمل والسرعة المطلوبة، لأن النوع الغلط هيقلل الكفاءة ويستهلك أسرع.

ثانيًا: الجنازير
1️⃣ التشحيم بصفة دورية
✅ استخدم زيت تشحيم خفيف لو الجنزير سريع الحركة، أو زيت تقيل لو التحميل عالي.
✅ شيل الزيت القديم باستخدام منظف مخصص قبل إضافة الزيت الجديد لتجنب التراكم.
✅ خلي بالك من التشحيم المفرط لأنه بيجذب التراب وبيزود الاحتكاك بدل ما يقلله.

2️⃣ افحص درجة التمدد بشكل دوري، لأن الجنزير بيطول مع الوقت بسبب الاحتكاك.
(وده ليه اكتر من طريقة عشان نعرفها وهنتكلم عنها في بوست مخصص ليه)

✅ وخلي بالك لو في صوت زنّة أثناء التشغيل لأن ده عادةً بيكون بسبب شد مش مظبوط أو احتكاك زيادة.

3️⃣ فحص اجزاء الجنزير والتروس
✅ تابع الروابط والتروس لو فيها أي شروخ صغيرة.
✅ افحص الزوايا الحادة في التروس علشان لو فيها تآكل.
✅ قارن شكل التروس بوضعها الطبيعي لو فيه أي انحراف أو ميل.

4️⃣ التنظيف الدوري
✅ استخدم سائل تنظيف مخصوص للمعادن عشان تشيل التراب والزيوت القديمة.
✅لو الجنزير بيشتغل في بيئة فيها رطوبة عالية، فكر في استخدام مواد مضادة للصدأ (Rust Inhibitors).

5️⃣اختيار النوع المناسب
✅ فيه أنواع من الجنازير زي Roller Chains أو Silent Chains كل واحد فيهم مناسب لنوع معين من الماكينات.

✅استخدم النوع اللي يتحمل سرعة الدوران وحمل التشغيل، عشان متحتاجش تغيير متكرر.

💡ودلوقتي هنقولك على 3 إجراءات عامة للاتنين:

1️⃣خلي بالك إن بالك ارتفاع درجة الحرارة سواء من الجو أو من المُعدة نفسها ممكن يأثر على مرونة السيور وقوة الجنازير فممكن تستخدم أنواع مقاومة للحرارة.

2️⃣ الأحمال المفاجئة زي إنك تشغيل الماكينة على أقصى سرعة ممكن تسبب ضغط على السيور والجنازير.

3️⃣ لو عندك سيور أو جنازير احتياطي خزنها في مكان جاف وبعيد عن أشعة الشمس علشان تحافظ على جودتها.

💡اللي أنت قريته دلوقتي أقل من 10% من اللي لازم تكون عارفه كمهندس صيانة عن أي مكوّن من المكونات الميكانيكية..

✅علشان كده إحنا عاملين خصم 3000 جنيه على أهم مسارين هتحتاجهم في شغلك وهمّا
مسار هندسة المكونات الميكانيكية ومسار الرولمان بلي، هيكونوا بسعر 5000 جنيه بدل من 8000 لو أنت طالب أو حديث تخرج.

✅سجّل بيناتاتك في الفورم هنا علشان نتواصل معاك في أقرب وقت.
https://forms.gle/wMUnMLStUFjkahUD9

أقوى إيفنت هتقدمة Oring السنادي هيكون الإيفنت دا ..

حبايبنا الطلبة اللي خلاص داخلين رابعة وتالتة، واللي ناقشوا المشاريع وداخلين على سحلة تانية علشان الجيش و التدوير على شغل مناسب والدنيا كلها كانت جاية عليهم إحنا بنجهزلكم مفاجأة..

هنعمل علشانكم مخصوص workshop طويلة شوية ترتب دماغكم في يومين الضغط اللي هيكونوا الفترة دي..

في الـ workshop هتفهم "يعني إيه صيانة"..

- هنساعدك تكون جاهز للسوق اللي داخل فيه.
- هنقولك محتاج إيه ( سواء مهارات فنية أو شخصية) علشان تبقى على أول الطريق الصح.

- هنعرفك تدوّر فين على فرص الشغل المناسبة في المجال أو القطاع اللي عايز تشتغل فيه سواء دلوقتي، أو حتى بعد الجيش علشان متضيعش وقت بعدها وتكون جاهز.

يعني باختصار هنساعدك ترتّب دماغك أكتر وتحدد أولوياتك الفترة الجاية علشان تعرف أنت داخل على إيه.

وعلشان نعمل ده كويس هنلعب كلنا كام دور شطرنج، وفي الآخر هيبقى فيه مفاجأة مش هنقولك عليها دلوقتي، لكن متأكدين إنها هتكون خطوة مهمة هتفرق معاك جدا.

مش محتاج تكون حريف شطرنج علشان تيجي، بس محتاج تتابعنا الفترة الجاية علشان هنقولك حاجات تساعدك تكمل لحد آخر جيم شطرنج

وحاجة تانية مهمة جدا لازم تملى الفورم دلوقتي علشان العدد قليل آوي.
https://forms.gle/Wtf8TYC21DK5AUSz6

كورس النيوماتيك جاهز 😁😍

حجز كورس النيوماتيك بدأ!

كورس النيوماتيك واحد من أهم الكورسات اللي هنبدأها الفترة دي في ORing.

بعد كورس النيوماتيك هتبني أساس قوي يخليك تفهم كل تفصيلة عن الأنظمة النيوماتيكية وإيه المشاكل اللي ممكن تحصل فيها وازاي تقدر تتجنبها.

في الكورس هنشرح:
1- Pneumatic Systems Basics
وهنا هتفهم أساسيات منظومات الهواء بالغازات، وأساسيات الهواء المضغوط والحسابات الخاصة بيه علشان تقدر تحدد امتى تستخدم أي نظام وليه؟

2- Compressors Types
في الفصل ده هنتكلم عن ضواغط الهواء عموما، وأشهر الأنواع الموجودة في السوق والمصانع وازاي تختارها و تحسب القدرة الخاصة بيها.
3- Tanks
في الفصل ده هنتكلم عن خزانات الهواء والمعايير المُتحكمة فيها وازاي تتعامل معاها.
4- Actuator
في الفصل ده هندرس ونفهم أنواع المشغلات النيوماتيكية المختلفة سواء كانت أسطوانات أو مواتير علشان تقدر تختارها وتحسب استهلاك الهواء الخاص بيها وتتوقع المشاكل اللي ممكن تحصل فيها.

5- Air Preparation & Service Units
الفصل ده من أهم فصول الكورس لأن تجهيز الهواء داخل الأنظمة النيوماتيكية أهم خطوة علشان تحافظ على المنظومة وهنا هتتعلم ازاي بيتم التجهيز وإيه هي العمليات الخاصة بكل دايرة من فلترة وتنظيم ضغط وتزييت.
بالإضافة لإنك هتعرف كل التفاصيل عن وحدات التحضير والخدمة وأنواعها والمعايير المرتبطة بيها.

6- Valves
هنا هنتكلم عن جزء مهم جدا من الأنظمة النيوماتيكية وهي الـ Valves وأنواعها المختلفة زي:

1- صمامات التحكم في الاتجاه.
2- صمامات التحكم في السرعة.
3- صمامات التحكم المنطقي.
4- المؤقتات .
وهتشوف تطبيقات كتير لكل صمام علشان تفهم وظيفته وتعرف المشاكل اللي ممكن تحصل فيه.

7- Circuits examples & Simulation program “FluidSim”

وهنا هنتكلم عن الدواير النيوماتيكية بالأمثلة وهتتعلم ازاي تستخدم برامج المحاكاة.

8- Designing Pneumatic System
في الفصل ده هتتعلم ازاي تصمم نظام نيوماتيك وده من خلال Case Study حقيقية هتعرف من خلالها ازاي تحلل وتختار متطلبات نظام النيوماتيك على أساس هندسي.

9- Troubleshooting of Pneumatic System
في الفصل ده هتدرس Case Studies بس، وهتناقش في أكبر قدر من المشاكل اللي ممكن تحصل في شغلك وازاي توصلها وتحلّها بشكل سليم.

10- Vacuum Systems
هنا هندرس منظومات الفاكيوم بكل تفاصيلها لأنها من أكتر الأنظمة المشهورة في خطوط الإنتاج والمصانع وهندرس آلات وخطوط حقيقية في الشغل وازاي تحلل المشاكل والأعطال فيها.

مدة الكورس هتكون 32 ساعة متقسمة على 8 محاضرات.

تقدر تحجز مكانك في كورس النيوماتيك دلوقتي لأن العدد محدود من خلال الفورم دي:

https://forms.gle/sfKtcbei4WkoKoq46

طرق تأكيد الحجز :
تحويل المبلغ 3000 على رقم 01066567466 عن طريق خدمة فودافون كاش من اى فرع لفودافون او فوري وبعدين تتصل تأكد الحجز وناخد بياناتك.

من تدريب ORing في العراق ..