Afnan Pixels

السيشن دي ليها ذكرى جميلة اوي عندي ♥️
السيشن دي بحبها جدا . رغم أنها كانت في يوم من أصعب الايام اللي مرت عليا في حياتي.
و روحت التصوير عادي جدا. قبل مابدأ تصوير صاحبتي ال Makeup artist اللي كانت معايا و بنشتغل سوا يومها كانت بتقولي مالك كده سرحانه. فقولتلها اللي حصل . و ساعتها قالتلي و ايه اللي جابك ؟ و ازاي نازله تشتغلي كده عادي ؟
انا بصراحه ساعتها كنت عايزه انزل اصور و اشتغل عشان اهون على نفسي . مش عشان اهرب لأني خلصت التصوير و روحت اشوف حل للمشكلة عادي جدا 😂
بس فعلا الوقت اللي كنت بصور فيه كنت مرتاحه نفسيا و كنت مركزة على اني انبسط بال session و اصور صور حلوة. 😄

السيشن دي بتفكرني أن التصوير مش بس شغلي . التصوير هو الحاجه اللي بعملها و بتحسسني بالسعادة . و كمان بتقويني في اصعب المواقف اللي بتعدي عليا .

و ده مش كلام تسويق و شغل ماركتنج والله . دي حقيقة و نعمة كبيرة من ربنا.
ربنا يديم عليا نعمه التي لا تعد ولا تحصى .🤲🏼

فكروا كده ايه الحاجه اللي ممكن تعملوها و تهون عليكم الايام الصعبة ؟
و يا ريت تشاركوني بأفكاركم ☺️❤️

باسم يوسف صايع و مثقف 😃
ماسابش فرصه واحده مانتهزهاش عشان يوصل وجهة نظره
و خليني اتكلم في النقطه اللي أنا أفهم فيها كويس . و الرسائل الغير مباشرة اللي وصلها من لبسه بس . من غير اي كلام.
باسم يوسف في أول لقاء مع بيرس مورجان كان لابس semi casual
تيشيرت و عليه بليزر رمادي . و كان طالع بس في لقاء اونلاين لمدة قصيرة . و طبعا كلنا عارفين باسم قال ايه ساعتها 😂.
و بناءاً عليه تقرر تجديد اللقاء و يكون وجها لوجه مع بيرس مورجان . لقاء مدته ساعتين . 🤓
و باسم جهز نفسه كويس اوي. حتى في لبسه. 😎
باسم كان لابس casual على غير المتوقع بالنسبالي .
بما أنه لقاء رسمي لمناقشة قضية هامه . 🤔
بس هو لبس اللي يمثل شخصيته ككوميديان Casual .
ده غير أنه لبس جاكيت مأخوذ من تراث الهنود الحمر. السكان الأصليين لأمريكا . و اللي اتبادوا و اتقتلوا على يد الأوروبيين المحتلين لأمريكا في القرن ال ١٨ .
أما الوان الجاكيت و فهي اخضر و ابيض و احمر و اسود
يا ترا دول الوان علم مين ؟ 🤔 wink wink 😜
انا كأفنان لما شوفت اللبس انبهرت بالشياكه و الالوان و استغربت أنه مالبسش formal . بس اخدت بالي من الألوان و عجبني الجاكيت جدا .
و لقيت ناس كتير بتتكلم على شكل لبسه تحديدا .
و ربطوا بين السكان الأصليين لأمريكا و اللي بيحصل دلوقتي في ف/ل/س/ط/ي/ن.
نفس العن/ف . نفس المجا/زر .
تأثير اللبس قوي في توضيح وجهة نظر من غير كلام. و رسالة مباشرة يفهمها بس سكان أمريكا الحاليين. بما انهم درسوا في المدارس من و هم صغيرين إن الهنود الحمر دول ناس كويسه و زاي الفل و احنا غلطنا في حقهم زمان و تقريبا قربوا ينقرضوا بسببنا. 🤦🏻‍♀️

حطيتلكم هنا صور لبس باسم يوسف في لقاءه مع بيرس مورجان. و امثله للبس الهنود الحمر

تعديل :
ده بوست نزله باسم يوسف بيفسر ليه هو لبس الجاكيت ده .
يمكن تفسيري كان بعيد شوية عن اللي حصل بالفعل .
بس نيته في أنه يأثر بلبسه صحيح

ده لنك البوست
https://www.facebook.com/100044449478660/posts/910467887111519/?mibextid=Nif5oz