Nerd Geek

صورة لكوكب المشتري "صاحب اعنف العواصف فى المجموعة الشمسية كلها" بإستخدام الأشعة تحت الحمراء توضح مناخ الكوكب من الداخل! 😮
لا ده احنا نقوم نحمد ونشكر فضل كوكب الارض بقا 😂

هل في فرق بين اللحام البارد واللحام الحرارى ؟؟🤔

طبعا كلنا عارفين ايه هو اللحام الحراري، وهو عملية بيتم فيها وصل مادتين عادة بيكونوا من الفلزات باستخدام الحرارة.

انما ايه هى بقا قصة اللحام البارد ده؟!😅
في اللحام البارد او ما يطلق عليه فى بعض الاحيان اللحام بالتلامس بيحصل فيه ان القطع المعدنية بتلتحم مع بعضها بمجرد تلامسها، ويتكون كتله واحدة جديدة، وده بسبب تكون روابط معدنية بين الذرات، وطبعا الحاجة المسؤولة عن ان دة يحصل هو عدم وجود أكسجين او مادة عازلة مؤكسدة على القطع المعدنية دى.

وعلشان كدة الكلام دة مبيحصلش على الأرض لأننا بنحتاج لحرارة عشان نصهر المعادن او نلصقها ولكن نقدر نشوفه فى الفضاء ودة بيرجع لأن مفيش أكسجين فى الفضاء وعشان كدة لما بيطلقوا سفن الفضاء بيبقى عليها طبقة عازلة مؤكسدة تجنبا للحام ده.

الكلام دة ممكن نستفيد منه بقا فى ايه؟ 😁👀
من اهم التطبيقات اللى ممكن نستخدم فيها الكلام ده هو مجال النانو، وده لان مقدرناش نستخدم اللحام العادى فى الأبعاد الصغيرة.

لان العلماء وجدوا أن الأسلاك النانوية المصنوعة من الذهب والفضة بتلتحم ببعضها بمجرد التلامس دون أى خسارة فى الخواص الميكانيكية والكهربية للمعادن.

لو عايز تعرف اكتر عن الموضوع تقدر تدخل على الرابط ده😃👇
https://www.aliens-sci.com/cold-welding/
ومتنساش الشير واللايك واعمل منش لصاحبك الى هتطلع معاه الفضاء عشان تعملوا التجربة دى 🤭😂

عمرك سمعت عن الرمل السحرى قبل كده؟🤔🤔

متستغربش وتعالى نفهم سوا إيه هو الرمل السحرى دة ...الى بيميز الرمل دة انه لما بيتحط فى الماية بيقرب من بعضه بشكل كبير جدا وبيبتدى يكون أشكال زى الأحجار والصخور والشعب المرجانية 😮😮

مش دى ال Problem يا جماعة ال Problem الأساسية إنك لما بترجع تطلع الرمل تانى من الماية بيرجع حبيبات كأنه زى الرمل الطبيعى بالظبط 😱😱

هو مش مجنون والله هى دى طبيعته ودة طبعا مش بيحصل فى الطبيعى لأن المفروض على الأقل لما تطلع تبقى زى الطينة طيب الناس لما فحصت الرمل دة اكتشفوا انه بيحتوى على مادة اسمها ثلاثى السيرمانول والسيليكات والمادتين دول هما المسؤولان عن انه يبقى سحرى كدة ومن هنا قدروا انهم يستخدموا المادة دى فى حماية الأنهار والمحيطات من الزيوت والنفط (البترول ).

ودة بيرجع لقدرة المادة لفصل المياه عن المركبات العضوية وليه ألوان كتيرة فى الطبيعة زى الأحمر والأصفر والأخضر وبيتحول للون الفضى فى المياه بسبب وجود طبقة من الهواء بتتكون حول الرمل

اه نسيت اقولكوا اصل سحرة الهنود زمان كانوا بيستخدموها برده فى ألعابهم عن طريق خلط الرمال دى بالشمع المذاب فتحصل الرمال على طبقة من الشمع تمنعها من الإختلاط بالماية ...😍🥰 ودة فيديو تقدر تشوف فيه التجربة ...💪💪👇👇
https://www.youtube.com/watch?v=bz1P323bHCo

ودى بقى هدية Nerd Geek لو عاوز تعمل رمل سحرى ؟🤔😍
1/هات رمل ناعم ورشه بمادة اسمها (Silicon Water Guard) (ودى مادة بتعمل على تغليف حبات الرمل الصغيرة ودة بيخلى حباتها معزولة عن الماية عشان هى مادة كارهة للماء)

2/كرر الرش 5 مرات وسيبه 24 ساعة وبعدها هتلاقى الإعجاز العلمى الى كلنا منتظرينه. وإبعتلنا صورة بالمشهد الجميل الى هتلاقيه عشان تشاركنا بيه يلا مستنى ايه روح اعمل التجربة وفيد بيها غيرك ومتنساش الشير ومنشن لإصحابك عشان غيرك يستفاد.💪💪😍

عندما يكون للالكترون حس فكاهي! 🤭
*No caption needed to describe what we feel after reading it!

ايه تقييمك لنظام التعليم عن بعد؟ 🤔
عبر عن رايك ب react وشاركنا تعليقك ومقترحاتك بكومنت😅
😢

ما هذا؟!❤👀
ده سديم راس الحصان يبلغ عرضه 4 مرات مجموعتنا الشمسية كلها! 😁