Red Devils

وجهة نظر شخصية لا قيمة لها على الاطلاق
بيبقى عندى اعتراض على أى لاعب بييجى من الزمالك للاهلى لسبب واحد فقط لاغير ..

اللاعب دا بيبقى عدى على فلسفة مختلفة عن أى نادى فى الكون كله وهى مش مهم تكسب بطولة... ولا بطولة عادى خالص ... ممكن تكسب ماتش عادى تحصيل حاصل بنتيجة وأداء كويس والجمهور هيبقى مبسوط بيك ويغنولك يابتاع النعناع يا منعنع وتبقى احسن لاعب على مر العصور الحديثة والوسطى

مش مهم تخسر بطولة اتنين عشرين كل ده بيتعوض ببطولة ودية وكأس افتتاح ملعب جديد

مش المهم المنافس بتاعك ياخدك خمسة رايح وتلاتة جاى كل موسم وتبان قدامه ملط المهم تطلع تشتم المنافس بعد الماتش والجمهور هايعتبرك كسبت عادى

لو اللاعب قدر يغير العقلية وهو فى الأهلى ويقدر يفيد فريقك فنيا فا مفيش سبب يخليك تعترض على اللاعب غير انك مغيب والجمهور المنافس بيضحك عليك فى سره

ادعم وساند فريقك فى القرار اللى بيتاخد بس ماتعمليش فيها عضو مجلس إدارة وتبقى عامل زى الدبة اللى كلت صاحبها

الأغنية كانت بتقول ايه ؟؟ اه افتكرت
الفانلة البيضا بخطين حمر ... انا هفضل بيهم طول العمر
فانلتك البيضا فين يامعلم اصلى غسلتهالك

#معلوماتي 💥

الجولة الثانية بالدوري 👇

▪٢٣ أكتوبر 👈 الأهلي * أسوان ستاد السلام
▪٢٣ أكتوبر 👈سيراميكا * الزمالك ستاد السويس

▪بعد المباراتين سيتم تأجيل مباريات الفريقين بسبب السوبر ويلعبان الجولة الثالثة أحد يومي ١ أو ٢ نوفمبر

▪رابطة الأندية ستراعي إقامة مباريات الأهلي أو الزمالك في الساعة الخامسة أو السابعة بالتناوب وبالتساوي والفريقان يلعبان في نفس اليوم قبل مباراة السوبر لتطبيق تكافؤ الفرص بينهما

▪لأول مرة سيتم الإعلان عن الجدول كاملا يوم الاثنين ١٧ أكتوبر

▪فور الإنتهاء من الإصلاحات ستعود الفرق التي تلعب على ستاد القاهرة لخوض مبارياتها عليه