Nona Kitchen

بعد ما تعملى البشاميل ويوصل لقوامه المظبوط اطفى عليه النار و سيبى حرارته تهدى شوية وبعدين ضيفي عليه نص معلقة صغيرة بيكنج بودر وقلبيها فيه كويس جدا قبل ماتوزعيه على سطح صينية المكرونة مباشرة 👌
هتاكلى بشاميل كريمى وناعم وخفيف ، ولو المكرونة إتبقى منها جزء لتانى يوم هتلاقيه لسه خفيف وناعم كأنه لسه طازه 👍👌
جربى وإدعيلى 😉
فى ڤيديو كامل بالطريقة والمقادير افتحوا اللينك 👇👇
Nona kitchen


https://yt6.pics.ee/3r5vy4

صباح الخير 🌹
يالااا نفطر بقى يوم الأجازة فطار حلو كده ولذيذ 😋
ونعمل سوى طبق أومليت حلو زى أومليت المطاعم الكبيرة 👍

🔴 تكات الأومليت 🔻😉

١- الطاسة تكون مطلية بطبقة مانعة للإلتصاق (تيفال)
٢-نسخنها كويس الأول على نار عالية
٣-سواء هنستخدم زبدة أو سمنة لازم يكون معها زيت
البيض يتقلب كويس ويكون بدرجة حرارة الجو العادى ماينفعش نخرجوا من التلاجة ساقع ونشتغل بيه.
٤-نضيف علية معلقة لبن حليب ونقلبه كويس
٥-ماننزلش بالبيض فى الطاسة كله مرة واحدة ننزل بالتدريج وعلى نار عاليه وتكون المادة الدهنية اللى حطيناها سخنت كويس
٦-اول ما حروفوا تقرمش وتاخد لون دهبى نقلل الحرارة للنص ونسيبوا ٣ دقايق يكمل سوى
٧-نقلبوا على وشه يكمل سوى دقيقتين ولو ماعرفناش نقفلوا على بعضوا نصين زى الساندوتش ونقلبوا دقيتتين على كل جهة

ممكن نقطع معاه فلفل اخضر ونرش على وشه بقدونس خفيف أثناء التقديم
وبالهنا والشفا 🙂🌹⁦❤️⁩

Nona kitchen