Mom Academy

السلام عليكم و رحمة الله و بركاته
بعد اكتر من 8 سنين شغل فى المعادى و بعدين حلوان
حضانة Mom Academy
احنا بنفخر اننا كمكان و ستاف بنؤمن بالاختلاف
و بنقدم بيئه صحيه و امنه لكل الاطفال اللى معندهاش مشاكل
و للاطفال اللى فى طريقها للتعافى
بنفخر و بكل حب اننا على مدار 8 سنين ساعدنا اطفال كتير مختلفين و امهاتهم
و مقفلناش الباب فى وش طفل او ام محتاجلنا
بغض النظر عن البيزينيس احنا لينا هدف
بفضل الله فقط قدرنا نساعد و نستقبل
اطفال بعد تعافيهم من عمليات قلب مفتوح
اطفال بمشاكل غذائيه و حساسيات
طفل كان عنده ميه على المخ و مركب صمام
اطفال بعد عمليات فى العين
اطفال بعد عمليه شرايح و مسامير
اطفال توحد متعافى ووصلنا رحلتنا معاهم لحد ماتكلمو و دخلو المدارس و بنتطمن عليهم
و طبعا طبعا حبايبنا الداون
ايمانا بالاختلاف خلانا بيئه امنه لكل طفل ايا كان جنسيته اتربى وسطنا اطفال من اخواتنا السوريين و السودانين و الاخوه المسيحيين حبايبنا اللى معانا فى كل حاجه
احترامنا للاخر ايا كان جنسيته
ايا كان دينه
ايا كان لونه او شكله
احتوائنا لاى طفل مهما كانت مشكلته بما لا يتعارض مع باقى الاطفال و لا يؤذيهم باى شكل
احنا بفضل الله سبحانه و تعالى نعتبر Mother's club
و كل الامهات اللى عندنا تقدر تأكد على الكلام دة
اى ام عندها مشكله مع اولادها بتيجي نتكلم و نحلها
حتى لو مشاكل ملهاش علاقه بالاولاد
احنا دايما قلب مفتوح لكل ام
و دايما معاها و بندعمها فى اى مشكله بتواجهها حتى لو ملهاش علاقه بالاطفال
يمكن اول مره نكتب الكلام ده
بس فيه اسباب جدت خليتنا لازم نقوله
انا مش هقغل بابى فى وش طفل علشان هو مختلف
حتى لو ده هيخسرنى ماديا
و اخر حاجه هقولها
التعامل مع المختلفين علمنى الرحمه فى زمن انعدمت فيه الرحمه
تحياتى لكل من يؤمن بالاختلاف
و احترامى لكل من لا يؤمن به بس مكانك مش هيكون معانا
هبه الجمل
هبه عويس