Professionals

انت مسؤول كا أب
و إنتي مسؤولة كا أم

لازم تعرف ابنك او بنتك بتدرب سباحة او كرة قدم فين ومين الكوادر الفنية (المؤهلة) اللي بتدربهم.

مينفعش نطبخ محشي في كباية الشاي !!

لاحظت ان الرياضة اصبحت في الاسماعيلية بيزينيس ( نشاط لجلب فلووووس و بس) تدريب السباحة و كرة القدم بشكل خاص
اماكن غير مجهزة و افراد غير مؤهلين و للاسف اولياء الامور بيشجعوا داه و ميعرفوش المصيبه اللي منتظرة اولادهم علي المدي البعيد.

لاحظت ان معظم المدارس الخاصة المُجهزة بأماكن رياضية زي ملاعب الكرة و المسابح بتأجر الاماكن دي لافراد و كيانات خاصة بمبالغ كبيرة و الهدف هو ربحي فقط. و الدليل علي كلامي ، و انت بتقراء كلامي داه اسال نفسك الاسئلة دي:-
-ابنك او بنتك اثناء تواجدهم بالتدريب هل هناك اي معايير فنية (إلزامية) لتشغيل المكان؟
-هل اولادي بأمان في مكان يتم سكب كميات كبيرة من الكلور في المياة بدون اي قياسات و معاير تتناسب مع سلامة اطفالنا؟
-هل اولادي تعرضوا لاصابات او اتعرضوا لامراض نتيجة عدم وجود كوادر فنية حقيقية لادارة المكان؟
-هل المدربين مؤهلين نفسياً اولا للتعامل مع الاولاد و بالفعل بيضيفوا ليهم؟
-هل الالفاظ و المفردات المستخدمة تتناسب مع بيئتنا الاجتماعية و تربيتنا؟
-هل الهدف الحقيقي من وراء تشغيل حمام سباحة او ملعب كرة هو ممارسة النشاط الرياضي و ابراز الكوادر الموهوبة و ثقلها فنيا من قبل مدربين يمتازون بتاريخ رياضي و تدريبي ؟
-هل هناك ابسط معايير للسلامة العامة ؟
-هل هناك مُسعف او كادر طبي متواجد بصفة دائمة للتعامل مع اي حالات طارئة ؟
-هل هناك طاقم امني مؤهل لكشف كل الخوارق الامنية و التي بدورها تعرض اولادنا للدمار؟
-هل هناك سجلات جاهزة للعرض علي اي ولي امر للتاكد من ان كل المعايير الاساسية تم الاخذ بها؟
انت تعرف او تعرفي ان ولادك في مكان آمن و ايدي امينة؟ حرام عليكم! انتوا مسؤلين.

اللي شفته ما هو الا كيانات لإضاعة الوقت و المجهود و الموارد.
عائلات كامله تودي و تجيب اولاد لتدريب الكرة و السباحة و كل يوم رايح جاي و مفيش نتايج؟

و مش عايز اكون بضيع حق حد
اكيد المدربين بيبذلوا مجهود كبير، و لكن مجهود بدون حرفيه ولا معاير قياس فردية لكل طفل لقياس مقدار تطورة و العمل علي ايجاد حلول للمشاكل الفردية وتحسين اداء كل مشارك عمره ما هايضيف شيء.

و لو بصينا للحالات القليلة الفردية الناجحة هانعرف بكل وضوح نحدد انهم في الاساس موهوبين و داه ساعدهم بشكل كبير اكبر من التدريب الغير فعال.

و الحقيقي ان في اماكن تانيه تمتاز بتواجد مدربين متميزين بيضيفوا بشكل تقني و فني و مهني لكل مشارك و داه اللي بندور علية و كمان اماكن التدريبات بتكون مؤهله بشكل كبير لداه

طيب نعمل ايه
لازم تجاوب علي كل الاسئلة دي و تعرف و تاخد قرار، هل انت جاهز انك تجازف بعمر و مستقبل ابنك او بنتك و امانهم عشان نروح نقعد نقابل صحابنا و نضيع وقت و نتكلم مع داه و دي و نفضفض و نرفه عن نفسنا و نطلع من البيوت علي حساب اولادنا.
و لو اجاباتك كانت مُرضية، فاكيد ابنك ان شا الله مستقبله الرياضي و حياتة في أمان.

انت مسؤل.
H