banatoffline.com

السبت الجاي ❤️❤️

✨ ✨

مساء مختلف ولمّة حلوة مع الأصدقاء 🌙

يسعدنا دعوتكم لـ دِش بارتي مميزة في أجواء رمضانية بسيطة ودافئة،نجتمع فيها على المحبة والونس

📅 السبت 7 مارس🍽 إفطار جماعي

هات طبق وماتنساش فانوسك معاك …نشارك الأكل والضحك والحكايات ليلة فيها نور، وونس، و نصنع ذكريات حلوة ✨

مستنيانكم 💚

في اطار حملة "خراط البنات " ننشر ملخص ورقة السياسات بعنوان : إدماج التربية الجنسية الشاملة في المناهج التعليمية المصرية

تسعى هذه الورقة إلى معالجة نقص في التوعية الجنسية داخل النظام التعليمي المصري، من خلال تقديم تصور عملي مبني على الأدلة العلمية والتجارب الدولية، مع احترام القيم الثقافية للمجتمع.

الورقة تنطلق من واقع مقلق: نسب مرتفعة لختان الإناث وزواج القاصرات وانتشار للتحرش الجنسي . هذه الجرائم لا تؤثر فقط على الأفراد، بل تعيق أيضًا تحقيق أهداف التنمية المستدامة، خاصة في مجالات الصحة والتعليم والمساواة.

تعتمد الورقة على تحليل شامل للسياق القانوني والاجتماعي والثقافي، وتستخدم أدوات مثل تحليل PESTLE وSWOT لفهم التحديات والفرص. وتقترح منهجًا تعليميًا تدريجيًا يناسب كل مرحلة عمرية، يركّز على مفاهيم مثل فهم الجسد، الصحة، العلاقات، الموافقة، والاحترام المتبادل.

كما تضع خطة واضحة تشمل تدريب المعلمين، التعاون بين وزارات التعليم والصحة، إطلاق حملات توعية مجتمعية، وتوفير دعم نفسي للطلاب. وتستعرض تجارب ناجحة من دول مثل تونس وهولندا وكينيا، لتؤكد أن التربية الجنسية الشاملة يمكن أن تكون فعالة ومتوافقة مع الخصوصية الثقافية

لقراءة الورقة كانلة اضغط هنا 👇🏼👇🏼

https://drive.google.com/file/d/10ZyGTg9aXx7U8bddkFHkiYLrVi5YsCrV/view?usp=drivesdk

#ذات



#مصر #التعليم #التمكين

رغم إن القانون المصري المفروض بيحمي الناس، بس الحقيقة إنه بيقدم حماية محدودة جدًا للستات اللي بيتعرضوا للعنف الأسري.
ليه؟ لأن قانون العقوبات ما بيعترفش أصلاً بالعنف الأسري كجريمة مستقلة، وكأن اللي بيحصل جوه البيت مش مهم أو مش عنف!

والأسوأ؟
في مواد في القانون زي المادة 17 اللي بتسمح للقاضي يخفف الحكم “بدافع الرأفة”، أو المادة 60 اللي بتبرر العنف لو حصل “بحسن نية”!
يعني ببساطة، القانون ساعات بيقف في صف الجاني مش الضحية، خصوصًا في اللي بيتقال عليه “جرائم شرف” أو “خلافات عائلية”.

وفي قانون الأسرة، الستات بيتحطوا في مواقف صعبة جدًا:
لو خرجت من بيتها علشان تهرب من العنف، ممكن تخسر النفقة أو الحضانة.
ولو قررت تطلب الطلاق، الطريق طويل ومعقد، وكله ضدها.

لحد النهارده، مافيش قانون واضح وشامل بيعرّف العنف الأسري أو بيحمي الستات منه.
مافيش أوامر تقييد، مافيش وحدات شرطة متخصصة، ومافيش نظام بيضمن للست إنها تلاقي أمان حقيقي.
طيب نعمل إيه؟ الإصلاح لازم يكون حقيقي ومتكامل

• لازم يكون في قانون واضح بيعرّف العنف الأسري بكل أشكاله: الجسدي، النفسي، الجنسي، والاقتصادي.
• لازم القانون يجرّم الاغ**اب الزوجي، ويقفل كل الثغرات اللي بتخلي الجاني يطلع منها بسهولة.
• لازم يكون في أوامر حماية فورية تحمي الست من الخطر، مش تستناها تتأذي.
• لازم يكون في شرطة ونيابة ومحاكم مدربة تتعامل مع الحالات دي بحساسية وإنسانية.
• والدولة لازم توفر ملاجئ، دعم نفسي، رعاية صحية، ومساعدة قانونية للناجيات، من غير تمييز.
• كمان لازم الناس تعرف إن في أماكن ممكن تروح لها، وإن في دعم حقيقي مستنيهم.



#بنات _أوفلاين