IVSA-KFS

✨ بمناسبة اليوم العالمي للطب البيطري ✨
حبّينا نحتفل بطريقتنا بشكل مختلف، وزُرنا شلتر "روح" عشان نقضي وقت مليان رحمة، واهتمام، ووعي.

طبعا حابّين نوجّه شكر كبير لشلتر Rouh ‘Help association for animals care and protection’ على الاستضافة اللطيفة، وبنشكر كل الاطباء والمساعدين المشرفين على الشلتر وعلى مجهودهم واهتمامهم وحبهم للحيوانات بلا مأوى ❤🐾

وكمان كانت معانا في اليوم دا د/ سلمى فرج، صاحبة عيادة Pet Ville Clinic ،
اللي شرحتلنا ال physical examination، وازاي نتعامل مع أمراض وحالات مختلفة.
وفي آخر اليوم جرّبنا بنفسنا، وكشفنا وادّينا التطعيمات اللى الحيوانات محتاجينها 🥼💉
كان يوم جميل جدًا بوجود دكتورة Salma
وبنوجّه ليها كل الشكر على مجهودها وتعاونها معانا وعلى الخبرة اللي قدمتها لينا واللي بجد فرقت معانا جدًا 💙🐶

زيارتنا كانت reminder جميل إن الطب البيطري مش مجرد مهنة… ده رحمة، ومسؤولية، ورسالة.
Happy World Veterinary Day! 🌍🐾

🐱✨ قطة شكلها مش بخير… تعالوا نشوف الحكاية!
(Case History)

• Excessive drooling
• Halitosis (bad breath)
• Oral ulcers
• Nasal discharge
• Sneezing
• Mild dyspnea
• Lameness / leg pain

يا ترى إيه المرض اللي بيجمع العلامات دي كلها؟ 🤔
اكتبوا إجابتكم… والبوست اللي بعده هنكشف السر 👀👇

هنتكلم النهاردة عن مرض مهم جدا وناس كتير بتتلغبط فيه وهو HIV
الفيروس اللي ناس كتير بتخاف منه، مع إن أغلب الخوف ده سببه معلومات غلط ومفاهيم قديمة جدًا.

طيب… تعالا نحكي من الأول 👇
🦠 إيه هو HIV؟
HIV هو فيروس بيهاجم جهاز المناعة، وبيستهدف خلايا معينة مسؤولة عن الدفاع عن الجسم.
ومع الوقت – من غير علاج طبعًا – المناعة بتبدأ تضعف.
بس المهم تعرفه إن زمان غير دلوقتي…
العلاج الحديث خلّى HIV يتحول من حاجة مرعبة لحاجة ممكن تتعايش معاها بشكل طبيعي جدًا.
🤔 بينتقل إزاي؟
خلّينا نقفل باب الشائعات:
❌ مش من اللمس
❌ مش من الأكل والشرب
❌ مش من الكوبايات
❌ مش من البوس العادي
❌ مش من الناموس
✔️ بينتقل بس من 4 سوائل:
الدم – السائل المنوي – الإفرازات المهبلية/الشرجية – لبن الأم…
ولازم يدخلوا للجسم بطريقة مباشرة.
يعني الموضوع مش بالسهولة اللي الناس فاكرينها.
❤️ طب إيه اللي بيحصل لو حد اتصاب؟
الفيروس يدخل… يبدأ يقلل المناعة…
بس هنا بقى دور الحاجة اللي قلبت موازين الطب:
💊 حاجة اسمها ART
ده علاج بياخده الشخص يوميًا…
واللي بيحصل معاه؟
التحميل الفيروسي ينزل جدًا… لدرجة إنه يبقى غير مُكتشف.
ووقتها الشخص ميقدرش ينقل الفيروس جنسيًا!
المبدأ ده اسمه:
✨ U = U
Undetectable = Untransmittable
= غير مُكتشف = غير مُعدي.
حرفيًا… العلاج ده أنقذ ملايين.
🛡️ طب نمنع الإصابة إزاي؟
عندي كذا طريقة، أهمهم...
1️⃣ الواقي الذكري
فعال جدًا لو استخدمناه صح.
2️⃣ PrEP
ده بقى بطل الوقاية!
دواء بياخده الشخص قبل التعرّض…
وبيقلل فرصة الإصابة لحد 99%.
يعني وقاية محترمة جدًا!
💬 طب نصدّق إيه ونكذّب إيه؟
متخليش شائعة تمشيك
ولا خوف يمنعك تسأل
ولا كلام الناس يكسّفك تتعلم
العِلم موجود… والعلاج موجود… والوعي أهم من أي حاجة.
وبكده نكون حكينا ببساطة عن HIV ❤️
لو عندك أي استفسار… اكتبه في الكومنتات وهنرد عليك♥️