Dr: Huda Ragab

القهوة أم الشاي: أيهما أفضل لبدء يومك بنشاط؟

القهوة و الشاي من المشروبات العالمية، تختلف الثقافات حول استهلاكهما، بينما تتفق على بدء اليوم
إما بالشاي أو القهوة، ولكن بعيداً عن الاعتياد، أيهما أفضل للحصول على الطاقة والنشاط؟
بين الأبحاث الطبية والنصائح الصحية، يبدو أن الإجابة ليست بهذه البساطة، فكل مشروب له
أسراره، وفوائده، ومحبوه. لكن يمكن استعراض بعض الدراسات والوصول إلى إجابة وافية؛ تفيد بأي
من المشروبين أفضل في الصباح، وأيضاً أيهما يمنح الجسم الطاقة بأقل أضرار، لا سيّما أن كليهما
يحتوي على الكافيين.

فوائد القهوة في الصباح
وفقاً لـ Harvard Health Publishing، فإن القهوة هي المشروب الأكثر
شعبية في العالم، وتمنح الجسم العديد من الفوائد؛ مثل:

التنبيه السريع
ربما لأنها تعطي دفعة تنبيه قوية في بداية اليوم، ويعود ذلك إلى احتوائها على نسبة عالية من
الكافيين، مما يتسبب في تنبيه الجهاز العصبي المركزي، ويرفع من مستوى التركيز والطاقة العقلية.

الوقاية من أمراض القلب والسكري
يقول خبراء هارفارد إن شرب كوبين إلى ثلاثة أكواب من القهوة يومياً لا يضر، بل له فوائد عديدة،
لأنه يرتبط بانخفاض مخاطر الإصابة بأمراض القلب والسكري من النوع الثاني وبعض أنواع
السرطان، وأشارت دراسات إلى أن القهوة تخفّض احتمال خطر الوفاة المبكرة بسبب الأمراض
المذكورة.

محاربة الالتهابات
يشير تقرير هارفارد كذلك إلى أن القهوة غنية بمضادات الأكسدة، وهي مركّبات تحارب الالتهابات
وتحافظ على صحة الخلايا.

تحسين المزاج
القهوة لها فوائد نفسية أيضاً، فقد أظهرت الدراسات أن تناول القهوة يساعد في تحسين المزاج ويقلل
من فرص الإصابة بالاكتئاب؛ لأنها تساعد على إفراز هرمونات السعادة، مثل الدوبامين
والسيروتونين.

أضرار الإفراط في القهوة
رغم الفوائد السابقة، ثمة أضرار تطال الشخص حال الإفراط في شرب القهوة، مثل:

تسارع ضربات القلب.
القلق.
الأرق.
تحسس المعدة لدى بعض الأشخاص.
حموضة المعدة، عند تناولها على معدة فارغة.
لذلك، فإن التوازن هو السر، يمكنك شرب كوبين إلى ثلاثة في اليوم، فهذه الكمية كافية لإيقاظ
الحواس من دون إنهاك الجسم.

فوائد الشاي
صحيح أن القهوة مشروب شعبي، لكن الشاي أيضاً هو منافس قوي، ولكنه يعد الدفعة الأهدأ من حيث
الانتباه واليقظة، ويتميز الشاي بالتالي، وفقاً لما ورد في "Healthline":

كافيين معتدل
يحتوي الشاي -وخصوصاً الأخضر والأسود- على كميات معتدلة من الكافيين.

تعزيز التركيز
يحتوي على مركّب رائع وهو حمض أميني؛ يساعد على تهدئة الذهن وزيادة التركيز في الوقت
نفسه.

يقظة هادئة تدوم أطول
بسبب المزيج السابق، فإن الشاي يعطي الجسم دفعة من اليقظة والطاقة، ولكن بتوازن واعتدال يدوم
لفترة أطول من دون الانفعال أو الهبوط الحاد في المزاج الذي قد يلي شرب القهوة.

مضادات الأكسدة
يحتوي الشاي على مضادات الأكسدة مثل البوليفينولات والكاتيكينات، التي تلعب دوراً في حماية
القلب، خفض الكوليسترول، ودعم الجهاز المناعي.
وتشير دراسة من جامعة هارفارد إلى أن تناول كوبين من الشاي الأسود يومياً؛ يرتبط بتحسن في
صحة الشرايين والدورة الدموية.

رفع معدلات الحرق
الشاي الأخضر تحديداً يتميز بخصائص رفع معدل الحرق، ومساعدة الجسم على خسارة الوزن عند
تناوله بانتظام، ضمن نظام غذائي صحي.

أيهما أفضل: الشاي أم القهوة؟
قد يظن البعض أن عليه الاختيار بين أحدهما، لكن دراسات جديدة نشرتها "هارفارد هيلث" كشفت أن
الجمع بين القهوة والشاي قد يكون أكثر فائدة من الاكتفاء بأحدهما.
وأوضحت الدراسة أن الأشخاص الذين يشربون كوبين من القهوة وكوبين من الشاي يومياً؛ انخفض
لديهم خطر الإصابة بالسكتة الدماغية بنسبة 32%، كما تراجعت فرص الإصابة بالخرف بنسبة 28%
مقارنة بمن لا يشربون أيّاً منهما.

كيف تختار بين القهوة والشاي؟
البعض يظن أن التفضيل بين الشاي والقهوة يعتمد فقط على الذوق، لكن الحقيقة يتوقف التفضيل على
طبيعة الجسم ونمط الحياة.

اختار القهوة:
إذا كنت تحتاج دفعة قوية من الطاقة في بداية اليوم، تعمل في بيئة تتطلب تركيزاً فورياً أو ساعات
عمل طويلة، أو تمارس رياضة صباحية.

اختار الشاي:
إذا كنت تعاني من القلق، الأرق، أو اضطراب المعدة، أو تفضّلين طاقة هادئة تدوم من دون اضطراب
النوم ليلاً.
الحد الأقصى الآمن من الكافيين هو حوالي 400 ملليغرام يومياً، كما أن إضافة السكر أو المبيضات
أو النكهات الصناعية؛ قد تفقد المشروبين جزءاً من القيمة الغذائية وتضيف سعرات حرارية إليهما.
وفي النهاية، يبحث البعض عن دفعة تنبيه قوية، لذلك يميلون إلى بدء اليوم بكوب من القهوة، ولكن
بشرط ألا تكون هذه العادة مزعجة للمعدة. فيما يميل آخرون إلى بداية هادئة وكافيين معتدل، لذلك
يكون الشاي أفضل لهم. وكما سبق وذكرنا، فلا مانع من الجمع بين الاثنين على مدار اليوم.

قال رسول الله صل الله عليه وسلم:

كلمتان خفيفتان على اللسان، ثقيلتان في الميزان، حبيبتان إلى الرحمن:
سبحان الله وبحمده، سبحان الله العظيم.

لو بتعمل دايت وتاخد أدوية و وزنك مش بينزل أو الوزن بينزل وترجع تزيد تاني بسهولة وسرعة
طيب عندك اضطراب في الشهية بتاعتك
يبقي البوست ده ليك
النهارده الكلام عن مقاومة الأنسولين

إيه هي مقاومة الأنسولين؟

مقاومة الأنسولين معناها إن خلايا الجسم (خصوصًا العضلات والكبد والدهون) مابتستجيبش كويس لهرمون الأنسولين، فالجسم بيحتاج يفرز أنسولين أكتر علشان يحافظ على مستوى السكر في الدم طبيعي.

بمرور الوقت، البنكرياس بيتعب، وسكر الدم بيبدأ يعلى… وده ممكن يؤدي لـ:

مرحلة ما قبل السكري (Pre-diabetes)

أو النوع الثاني من السكري لو ما اتعالجتش.

🧬 أسباب مقاومة الأنسولين جزئيا تعتبر من اعراضها :

1. زيادة الوزن (خصوصًا دهون البطن).

2. قلة النشاط البدني.

3. النظام الغذائي الغني بالسكريات والنشويات البسيطة.

4. التوتر المزمن وقلة النوم.

5. العوامل الوراثية (لو في تاريخ عائلي للسكري).

6. مشاكل هرمونية (زي تكيّس المبايض عند البنات).

7. استخدام بعض الأدوية لفترات طويلة (زي الكورتيزون).

8. السلوك التغذوي

⚠️ طيب أعراض مقاومة الأنسولين ايه:

أعراضها مش دايمًا واضحة، بس دي علامات ممكن تبين:

زيادة الوزن بسهولة (خصوصًا الكرش).

صعوبة في نزول الوزن او ارتداد الوزن بعد النزول.

شعور بتعب أو نعاس بعد الأكل.

جوع مستمر، خاصة للحلويات.

اسمرار الجلد في الرقبة أو تحت الإبط.

مشاكل في التركيز أو تقلب المزاج.

ارتفاع ضغط الدم أو الكوليسترول.

زوائد جلدية.

🥗 إزاي أتعامل معاها بالتغذية اولا لازم تتابع مع مختص؟

✅ الحاجات اللي تساعدك:

1. قلل النشويات البسيطة:
زي العيش الأبيض، الأرز الأبيض، السكر، العصائرالمصنعه او المضاف ليها السكر حتي لو منزلية.

2. كل كربوهيدرات معقدة:
زي الشوفان، الخبز الأسمر، البطاطا، الكينوا ، الارز البسمتي والأصفر .

3. زود البروتين:
(بيض – فراخ – تونة – عدس – جبنة قريش).

4. زود الألياف:
خضار ورقي، خيار، طماطم، جزر، تفاح، شوفان.

5. قلل الأكل المقلي والمصنّع:
زي السناكس، البطاطس الجاهزة، اللحوم المصنعة.

6. اشرب مياه كتير (2-3 لتر يوميًا).

7. وجبات منتظمة وصغيرة كل 3-4 ساعات.

🏃‍♂️ الرياضة كمان ليها دور مهم جدا :

أفضل علاج طبيعي لمقاومة الأنسولين:

تمارين المقاومة (زي الجيم أو تمارين الجسم – pushups, squats)

الكارديو (مشي سريع، جري، سباحة، زومبا)

على الأقل 30 دقيقة يوميًا – 5 أيام في الأسبوع

🧠 شوية نصائح إضافية كمان :

1. نام كويس (7-8 ساعات نوم متواصل).

2. قلل التوتر (يوجا، تنفس، مشي هادي، أي نشاط بتحبه ، روح خد فنجان قهوة مثلا توليفة من بودي بيعملوا حلوة اوي بصراحه وأسأل عن بسكوت القهوة سعراته قليلة ومشبع جدا انا شخصيا بحبه).

3. تابع تحاليلك كل 3-6 شهور (سكر صائم، HBA1c، إنسولين صائم، مقاومة HOMA-IR).

4. لو في وزن زائد – لازم خطة نزول وزن منظمة ودي احنا بنعملها.

5. لو انثى وعندها اضطراب دورة أو تكيّس – لازم تتابع مع دكتورة امراض نساء.

🧪 ممكن تحتاج تعمل التحاليل دي علشان تحدد مستوي المشكله ايه وفي اوقات كتير لازم بروتوكول دوائي حسب الحاله الصحية والمختص هو الي يحدد ده مش حضرتك:

سكر صائم (FBS)

سكر بعد الأكل (PPG)

هيموجلوبين سكري (HbA1c)

إنسولين صائم

مقاومة HOMA-IR

💥 هل تعلم؟
علاج القولون العصبي مش بس دواء… بل أسلوب حياة! ✅

🔹 قلّل التوتر = قلّت الأعراض! 🧘‍♂️
🔹 ابتعد عن الأكل الدهني، المقليات، والغازيات! 🍟🥤
🔹 زوّد أليافك… لكن تدريجيًا! 🥦🍎
🔹 مارس الرياضة بانتظام، حتى لو مشي بسيط 🚶‍♀️
🔹 بعض الحالات تحتاج أدوية: مضادات تشنج أو بروبيوتيك أو مضادات اكتئاب خفيفة 💊
🔹 و الأهم؟ نومك ونفسيتك لهم تأثير مباشر على القولون! 😴🧠

📌 نصيحة ذهبية:
راقب أكلك… وراقب أفكارك، فـ القولون يسمع دماغك فيما تتحدث🧠

"الشراب الذي استعمله الملوك والسلاطين قديماً… فهل ستتجاهله أنت؟!"

عصير البقدونس… هذا المشروب الأخضر البسيط، لا يليق أن نستهين به، فقد عُرف منذ العصور القديمة كسرّ من أسرار الطب الملكي، استخدمه الملوك والسلاطين للعلاج والتقوية، واليوم يقدمه لنا العلم الحديث كواحد من أقوى المشروبات الطبيعية التي تجمع بين الوقاية والعلاج!

🔸 ينقّي الكليتين ويطهر المجاري البولية
يساعد عصير البقدونس في تطهير الكلى، تفتيت حصى الكلى والمثانة، وتخفيف التهابات المسالك البولية، كما يمنع تكون الصديد في البول ويحفّز الجسم على طرد السموم.

🔸 ينقذ الجسم من احتباس السوائل والدهون
يُعتبر مدرًا طبيعيًا للبول، مما يساهم في تقليل الانتفاخات وتراكم السوائل في الأرداف والساقين، ويُساعد في التخلص من الدهون العنيدة.

🔸 رفيق مثالي في رحلة إنقاص الوزن
يساهم في تعزيز عملية الأيض وحرق الدهون، ما يجعله خيارًا مثاليًا لمن يرغب في خسارة الوزن بطريقة طبيعية وآمنة.

🔸 ينشّط البنكرياس ويدعم مرضى السكري والضغط والنقرس
يحفّز البنكرياس على إنتاج الأنسولين، ويُساعد في ضبط مستويات السكر، ويُخفف من أعراض النقرس وضغط الدم المرتفع.

🔸 راحة فورية للمعدة والمثانة
يساعد على الهضم، ويخفف من آلام الكلى والمثانة، ويُعالج حالات الإمساك وسوء الهضم.

🔸 للسيدات... تنظيم طبيعي للدورة الشهرية
يساعد على نزول الحيض في حالة تأخره، ويعزز تدفقه، ما يجعله مفيدًا في بعض حالات اضطراب الدورة الشهرية.

🔸 يعالج فقر الدم ويحارب رائحة الفم
غني بالحديد وفيتامين (أ)، مما يجعله مثاليًا لعلاج الأنيميا، كما يُستخدم كغسول طبيعي للفم للقضاء على رائحة الفم الكريهة.

🔸 درع مناعي طبيعي
يقوّي المناعة، يُغذي القلب والدماغ، يُنشّط الذاكرة، يُساعد على النوم، ويُحسن المزاج، مما يجعله سلاحًا طبيعيًا لمحاربة الاكتئاب والأرق.

🔸 محارب قوي للسرطان والكوليسترول
يحتوي على مضادات أكسدة قوية تقي من السرطانات، وتُقلل من الكوليسترول الضار، وتنقّي الدم من السموم.

💧طريقة التحضير:
1. اغسل باقة من البقدونس جيدًا.

2. قطّعها وضعها في الخلاط مع كمية قليلة من الماء النقي.

3. اخلط جيدًا ثم صفّ العصير.

4. يُحفظ في الثلاجة.

5. يُشرب نصف كوب صباحًا، وظهرًا، وقبل النوم، يوميًا لمدة أسبوع.

،🌹🌹🌹🌹🌹🌹🌹🌹🌹

يا تري ايه فوائد الزنجبيل الصحية 🤔
،👇👇👇👇🙂

🔊 . بس لازم ناخد بالنا أن الإكثار من تناول الزنجبيل يوميا ممكن يسبب
🖋️هبوط في مستويات سكر الدم
🖋️تمييع ولزوجه ف الدم
🖋️الإصابة بحموضه في المعدة
🖋️الغثيان والقيئ

❌كمان مينفعش ناخده مع
البقدونس ..الحلبه..القرنفل..الفلفل الاحمر ...الثوم ...البصل ...العرق سوس
لانه ممكن يتعارض معهم ويسبب نزيف
،❌الناس اللي بتعاني من السكري أو مرض السكر يجب تجنب تناول كميات كبيره منه لأنه ممكن يؤدي إلى خفض مستويات السكر في الدم الي الحد غير الطبيعي
❌مرضي المراره لعدم حدوث أي مضاعفات
❌مرضي القلب وضغط الدم لانه بيسبب خفقان القلب ويؤثر على الضغط
❌مرضي التخثر وميوعة الدم

#دهدي رجب
#دمتم بصحه 🙂

النهارده هتكلم معاكو عن موضوع مزعج كنا زمان بنشوفو مع الناس الكبيرة فى السن الوقتى للأسف الشباب الصغير بقا عنده المشكلة الرخمة دى مشكلة فرط نشاط المثانه .فيه ناس بقت بتدخل الحمام كل نص ساعه ومنهم كتير خاصة الكبار فى السن مبقوش بيعرفو يمسكو نفسهم تعالو يلا نعرف ونفهم سبب المشكلة و حلها الله المستعان .
١- الشاى الإفراط فى شرب الشاى الفتلة بيزود المشكلة دى جدا لأنك بنقعك للشاى فى الميه السخنه بيطلع الكافيين بس أما العباقرة الصعايده اللى بيغلو الشاى غلى محترم بيطلع من النبات التانينات اللى بتقوى المثانة وتمنع جفاف الجسم وعدم المشورة للحمام يبقى عاوز تشرب شاى اشربه مغلى صعيدى او زرده مطروحى عاوز تشرب قهوة احسن قهوة طبعا القهوة العربى غير كده مش هتخلص من حوار البول ده .
٢- اقطع القمح فى اكلك القمح فيه مواد فعالة بتضعف عضلة المثانه خليك ميال اكتر ناحية العدس الحمص الشوفان الفول المدمس .
٣- الفواكه نوعين نوع حمضى ونوع غير حمضى الفواكه الحمضية زى البرتقال اليوسفى بيزودو المشكلة دى أما الغير حمضية زى التفاح والموز و الفراولة علاج للمشكلة دى يبقى نعمل ايه بلاش حمضيات بليل خليهم الصبح قبل النوم لو حبيت فاكهة خليك فى تفاحة او فراولة .
٤- نفس موضوع الفواكه الطماطم بتزود المشكله انما الجزر بيعالجها .
٥- نقص فيتامين دال بيسبب المشكلة دى .
٦- وأخيرا نقص هرمون الانوثه للسيدات بعد انقطاع الطمث وزياده هرمون الذكورة الضار المسبب لتضخم البروستاتا لدى الرجال والاتنين حلهم السمسم مع بذور القرع تناولهم بانتظام يومى بيحد كتير من المشكلة دى و بيعالج جذر المرض .
لو أنت الحمد لله دخولك الحمام منتظم شير للى عندهم المشكلة دى وهم كثر والله وانصح الناس ان الشاى الصعيدى المغلى هو أكثر صحة من المنقوع بشرط بعده عن الوجبات مباشرة عشان ترسيب الحديد وممكن تخليه اكثر صحة باضافة القرنفل المريمية الزعتر الليمون كلهم ممتازين او تشرب شايك الاخضر زرده أو تشرب القهوة عربى .
دمتم بصحة ❤️

الدكتور أحمد أبو النصر

السلام عليكم
تعالو نتكلم النهارده علي الترايكتين ما له وما عليه 👌
اولا الترايكتين الماده الفعاله فيه هي ( هيدروكلوريد السيبروهيبتادين )
الماده دي لما بتدخل جسمنا بتقفل مستقبلات الهيستامين

ودا معناه ايه. 🤔
دا معناه أنها مضاد للهيستامين يعني يتستخدم كمضاد للحساسيه
ازاي !!.َ...دا الناس بنستخدمه في زيادة الوزن 🙄
ما. أنا جيالكو ف الكلام اهو 😅
ليه الدكاتره بتكتبه ف روشتات زيادة الوزن
لأنه وجد بردو انه بيقفل مستقبلات السيريتونين فبيحفز مركز الجوع في المخ
يعني بيتخن ؟!َ
لا !... هو مش بيتخن لكنه بيفتح الشهيه
علاقته بزيادة الوزن أنه فقط بيفتح الشهيه للاكل ..ولما بتاكل هيزيد الوزن
وزيه زي اي دوا بيدخل جسمنا له اعراض جانبيه المفروض لا نفرط ف استخدامه
علي الاكثر 3 شهور ونوقف
طيب الجرعه ايه ؟!!
بناخده 3 مرات قبل الوجبات ...والافضل عشان نتجنب الآثار الجانبيه بتاعته نزود الجرعه بالتدريج ..ممكن اول اسبوع ناخده مرتبين قبل الوجبات تاني اسبوع ناخد 3, مرات قبل الوجبات
#كل يوم معلومه
#د هدي رجب
#دمتم بصحه 🙂

السلام عليكم ..
ليه مينفعش مريض القلب أو الضغط الغير منتظم ياخد أدوية الانفلونزا والبرد والرشح 🤔
تعالو نعرف مع بعض ،👌

اولا كدا كلهم عبارة عن مضادات للهيستامين،،كافيين
،،والسودوإيفيدرين.طيب دول مالهم يعني بيعملو ايه 🤥
🤔🤔🤔
السودوايفيدرين يرفع ضغط
الدم ويسارع دقات القلب وعدم انتظامها

مضادات الهيستامين تسبب تسارع في دقات القلب

والكافيين تزيد حيوية القلب تزود الضربات و يسبب زيادة بالضغط
وبس كدا 🙂
#دـ هدي رجب
#دمتم بصحه

يا تري الكاركديه الساقع بينزل الضغط ولا بيرفعه 🤔
طيب الكاركديه السخن بيرفع الضغط ولا ينزله 🤔
طيب لو الكركاديه لا هو ساقع ولا سخن هيعمل ايه 🫤🤔
ولا الكاركاديه اصلا ملوش علاقه بالضغط 🤔🤔

طيب خليني اقولك أن
الكاركديه سواء ساقع او سخن بينزل الضغط المرتفع اللي بيكون مثلا 145/90 👌
طيب لو 170/110 ،😳
كدا حضرتك تبقي محتاج طوارئ مش كركاديه خالص 🙃

سلام عليكم 🙂
يا تري ايه الفرق بين نوعين الفيتامينات اللى فالصوره دوووووول؟!!!!🤔🤔🤔
تعالي أما اقلك 🫵
الاتنين مجموعة فيتامينات ب
و الاتنين نفس التركيبه تقريبا

يا سلام 🤔..اومال ا يه الفرق بقي؟!
الفرق أن اللى من فوق اسمه نيوروفيت و بيحتوى على مادة الكحول البنزيلى (Benzyl alcohol)
و اللى من تحت اسمه نيوروتون و لا يحتوى على مادة الكحول البنزيلي
طيب و بتعمل ايه الماده دى يا داكتوره؟؟!🤔
🔴 الماده دى ليها استخدامين
بتستخدمي كمخدر موضعى مكان الحقن و عشان كدا تلاقي النيوروتون بتحرق شويه أثناء أو بعد الحقن أما النيوروفيت مبيحرقش
والحاجه التانيه بتستخدم فى بعض الاحيان كماده حافظه للدوا
طيب ايوه يعني عايز ه تقولي ايه
اللي عايزه أقوله أن بوجود الماده دي في النوع الأول بيخليه
ممنوع للحوامل و المرضعات او اى واحده بتخطط لحدوث حمل يعني ف ال 3 حلات دي متاخديهوش❌️❌️
ليه 🤔
لانه بيسبب تشوهات للجنين او بينزل من خلال لبن الام للرضيع و جسم الرضيع بيبقا لسه غير قادر على التعامل معاه و اخراجه من جسمه
فبيتراكم فالجسم و بيسبب تسمم او ممكن يأثر على القدرات العقليه للطفل

وايضا ممنوع لمرضى الكبد و الكلى❌️❌️
و دا تحذير صريح مكتوب فالنشره بتاعته

🤡 لكن النوع التاني اللى من تحت ( النيوروتون ) لا يحتوى على الكحول البنزيلى و لذلك يمكن استخدامه بامأن للحوامل و المرضعات و اللى بتخطط لحدوث حمل و كمان لمرضى الكبد و الكلى 🙂
دمتم بصحه 🤝