New Generation Academy

إجابات أسئلة الإنترفيو ممكن مدير مالي او مدير حسابات يسالهالك؟

---

1. إزاي كنت بتحدد التكاليف؟

كنت ببدأ بجمع التكاليف المباشرة (زي الخامات والعمالة) والتكاليف غير المباشرة (زي الكهرباء، الإيجار، المصروفات الإدارية).
بعد كده كنت بقسم التكاليف دي على الأقسام أو المشروعات حسب النشاط، باستخدام برامج زي Excel أو ERP System (زي SAP أو Odoo).
وكنت براجع كل شهر التكاليف الفعلية وأقارنها بالتكاليف المتوقعة، ولو فيه فروقات بحلل السبب وبلغ المدير المالي علشان نعدل الخطط المستقبلية.

2. إزاي كنت بتحسب الميزانية؟

ببدأ بتحليل نتائج الفترات السابقة، زي آخر 12 شهر، وبشوف معدلات الإنفاق والإيرادات.
بعد كده بتواصل مع كل إدارة (زي إدارة المشتريات، التشغيل، الموارد البشرية) وأسألهم عن التوقعات الخاصة بيهم.
بدمج التوقعات دي كلها في ملف ميزانية موحد على Excel أو ERP، وأقدمه للمدير المالي للمراجعة.
بعد اعتماد الميزانية، كنت بعمل تتبع شهري عشان أقارن "المتوقع مقابل الفعلي" وأحلل الانحرافات لو ظهرت.
---

3. اتكلم عن خبرتك في إعداد الإقرارات الضريبية؟
كنت مسؤول عن تجهيز الإقرارات الضريبية الشهرية والربع سنوية، زي ضريبة القيمة المضافة، وضريبة الخصم والإضافة.
بجمع كل الفواتير والمصروفات، وأتأكد إن البيانات متسجلة صح في السيستم، وبراجع عليها قبل التقديم.
وبقدم الإقرار الإلكتروني من خلال منظومة الضرائب المصرية.
كمان كنت بتأكد من وجود المستندات المطلوبة زي فواتير الشراء والبيع والمصروفات التشغيلية.

4. إزاي بتعمل تسوية بنكية يومية (Reconciliation)؟

كنت بفتح حساب البنك يوميًا وأطابق المعاملات الموجودة فيه مع قيود اليومية اللي على السيستم.
لو لقيت اختلاف، بشوف هل فيه شيكات لسه متخصمش، أو حوالة اتأخرت، أو عملية اتسجلت مرتين.
بحل المشكلة وأسجل التسوية، وبأكد إن الرصيد في البنك يطابق رصيد الشركة.
التسوية اليومية بتساعد إن الحسابات تفضل دقيقة وبتقلل من أخطاء نهاية الشهر.

5. إيه الفرق بين General Ledger و Trial Balance؟

الـ General Ledger (دفتر الأستاذ العام): هو سجل فيه كل العمليات المالية مفصلة حسب الحساب (زي النقدية، العملاء، الموردين، الإيرادات... إلخ).

الـ Trial Balance (ميزان المراجعة): هو تقرير بيجمع كل أرصدة الحسابات من دفتر الأستاذ علشان نراجع إن إجمالي المدين = إجمالي الدائن، وبالتالي نكشف أي أخطاء في التسجيل.

6. لما تجيك فاتورة من مورد، إيه خطوات المراجعة والصرف؟

أول خطوة بتأكد من وجود طلب شراء معتمد (Purchase Order).
بعد كده بطابقه مع إذن الاستلام (GRN – Goods Receipt Note) وفاتورة المورد.
لو كل البيانات مطابقة، براجع التوقيعات المطلوبة من المشتريات والمخازن.
بعد الموافقة، بدخل الفاتورة على السيستم (ERP)، وأجهزها للصرف سواء شيك أو تحويل بنكي.
وبعد كده بسجل القيد المحاسبي في الدفاتر.