Top Corner

عماد النحاس عمل ماتش هو الافضل في تاريخة ضد الزمالك

النحاس طبق الضغط العالي من بعد هدف الزمالك الاول والشوط انتهي وهو ضاغط وبيقول أنا لسه مستسلمتش ولا رميت المنديل

الشوط التاني بدء والضغط مازال مستمر والزمالك متراجع

ومع تبديلة حسين الشحات اللي أنا شايفها مش مجرد تغير عادي ده تغير تكتيكي خصوصا أن حسين بيتألق في ماتشات الديربي

وفي الدقيقة 71 من عمر المباراة النادي الاهلي يستثمر ضغطه ويستغل تراجع الزمالك ويسجل هدف التعادل اللي خلي الاهلي يرجع ويقدر يكسب كمان في قمة الدوري

شابوه عماد النحاس ♥️

الرجولة مواقف
التاريخ يحفظ أصحاب المواقف والحق
ولا عزاء للمتخازلين

جندوجان ده مجنون والله حرفيا أخر تلت أو أربع مواسم للسيتي في الجولات الأخيرة أكتر لاعب ينقذ السيتي هو جندوجان
من أهداف حسم السيزون للأهداف اللي تأهل السيتي لدوري الأبطال
×

رحيل لوكا مودريتش ليس كأي رحيل ..

لوكا مودريتش لا يغادر فقط ريال مدريد بل يغادر مرحلة كاملة من كرة القدم الحديثة.

احنا بنتكلم عن لاعب أعاد تعريف مركز الوسط، لاعب لا تقرأ أرقامه فقط بل تشعر بأثره في كل تمريرة كل تحرّك بدون كرة، كل لحظة صمت قبل صناعة هدف.

مودريتش لم يكن نجمًا تقليديًا، بل كان العقل المدبّر لخط وسط ريال مدريد الرابط بين الدفاع والهجوم… رئة خط وسط ريال مدريد

رحلته من زغرب إلى قمة أوروبا لم تكن مجرد قصة نجاح، بل كانت درسًا في الإصرار وفن السيطرة على إيقاع المباراة.

اليوم لا يخسر ريال مدريد لاعبًا فقط… بل تخسر كرة القدم قائد أوركسترا.

شكراً لوكا، الكرة لن تكون كما كانت بعدك.

المكنة بدأت تطلع قمااش 🔥
أول هاتريك لمرموش في مسيرة مع السيتي في البرميرليج ضد نيوكاسل

مرموش لاعيب عالي وصاحب إمكانيات كبيرة والماتش ده هيكون بداية التأقلم والدخول في جو الدوري الانجليزي بشكل رسمي

أنا فرحان لمرموش ومبسوط من دخوله في الاجواء 🔥♥️

الراجل ده كل ماتش بيقدمه بيتفوق فيه علي نفسه
أداء ممتاز وروح عالية وقتالية في ارض الملعب ولعيب يسد معاك في اي حاجه ويقدم كل الحلول اللي تساعد الفريق

أمام أحسن لاعيب في مصر

ما شاء الله عليه ربنا يحمية من الاصابات

صفقة جراديشار

نفس تجربة وسام لاعب كويس وموهوب محدش يعرفه قدرت تخلص معاه بكل هدوء ودخل في الاجواء بتاعت النادي بسرعه وانسجام

لاعيب متأسس كورة صح وما شاء الله فينش وباص أكتر من رائع ودليل علي إنه خامه كويسه وهيضيف للفريق كتير في الفترة الجاية

ضم الاعب محترف كويس زي جراديشار بيكسر قاعدة إن تعاقدات النادي مع اللاعيبه الاجانب ديما بتكون فاشلة ومش بتنجح في الفريق
فبصراحه شابوة لكل اللي ساهم في مجيء جراديشار للنادي الأهلي

فيديو تقديم بن شرقي في الزمالك في 2019 جاب 122 الف ريأكت

التيك تاك فيديو السرينة على صفحة الاهلي اللي هو فيديو تمهيد بس اصلاً للاعلان عن الصفقة داخل على 300 الف ريأكت في ساعة

ڤيديو الإعلان الرسمي عن إعلان صفقة بن شرقي وصل لنص مليون رأكت و5 مليون مشاهدة بعد ساعة واحدة بس من الاعلان الرسمي

فرق شعبية كاسح

إنتقال تريزيجية الغير متوقع نهائي للنادي الاهلي

الإدارة بتشير للجمهور بشكل غير مباشر إنها عارفه إنهم زعلانين علي رحيل أكتر من لاعب داخل الفريق
عشان كده شوفنا تدعيمات قوية زي جراديشار والعش

صفقة تريزيجية هتكون إضافة قوية للفريق اللي داخل علي بطولات كتير أهمها كاس العالم

تريزيجية هيكون إضافة قوية لإسكواد النادي الأهلي