Osama Studio

"أنا هنزل بمرتب قليل… بس هتعلم وهاخد خبرة"

كنت مقتنع جدًا بالكلام ده من سنتين أو تلاتة، وفعلاً دخلت شغل بنفس الفكرة.
كان في تاسك مطلوب مني وأنا مش فاهمه خالص، فالمدير قال لسينيور يتابع معايا ويعلمني.

روحت له وسألته…
قالي ببساطة: اعمل سيرش واتعلم الحاجة دي بتتعمل إزاي، وأنا عايز أشوف الفاينال.
يعني مفيش شرح، مفيش خطوة خطوة… اشتغل لوحدك.

اتضايقت وقتها، وكنت حاسس إني داخل على مرتب قليل عشان أتعلم، مش عشان أتعلم مع نفسي.

بس اللي حصل إني سكت واشتغلت.
قعدت أسبوع كامل على نفس الحاجة، كل يوم بجرب وبغلط وبصلّح، لحد ما عرفت أعملها فعلاً لوحدي.

في الميتينج، اتشكر على شغلي واتقال إني عملت حاجة كويسة في وقت قليل،
وهو كمان اتشكر إنه علمني وتابع معايا.

ماقولتش حاجة ساعتها…
لأني كنت بدأت أفهم إن اللي حصل ده علمني حاجة أهم.

علمني إن مفيش حد هيمسك إيدك ويعلمك كل حاجة،
وإن أي حاجة هتعرفها بجد… هتعرفها لما تتعب فيها بنفسك.

واللي اكتشفته بعد كده،
إني لو كنت خدت أسبوع قبل الشغل واتعلمت الحاجة دي لوحدي وحطيتها في البورتفوليو،
كنت ممكن أبدأ بمرتب أعلى من الأساس.

وقتها كنت شايفه موقف وحش،
بس بعد شوية فهمت إنه كان سبب في إني أعتمد على نفسي أكتر.

وده كان أهم من أي حاجة تانية.

#خبرة #شغل

آراء العملاء هي مدخلات قيمة تعكس تجارب العملاء مع المنتجات والخدمات، وتساعد الشركات في تحسين عروضها وزيادة رضا العملاء.

#سلة #شوبيفاي #زد