Sahar Eid

دي طريقة مضمونة جدًا وناجحة 100% للميني بيتزا هشة وطعمها زي الجاهزة بالضبط 👌 وناجحه جداااا

🍕 المكونات:

للعجينة:

2 كوب دقيق منخول

1 معلقة صغيرة خميرة فورية

1 معلقة صغيرة سكر

رشة ملح

2 معلقة كبار زيت (يفضل زيت زيتون أو عادي)

نص كوب لبن دافئ (ممكن تزودي شوية حسب نوع الدقيق)

ربع كوب مياه دافئة لو احتاجت

للصلصة:

2 معلقة كبار كاتشب

2 معلقة كبار صلصة طماطم

رشة زعتر + رشة سكر بسيطة + رشة فلفل أسود

سنة توم بودرة (اختياري)

للحشو:

موتزاريلا

فلفل ألوان + زيتون + سلامي أو سجق أو تونة حسب رغبتك

👩‍🍳 طريقة التحضير:

1. في بولة كبيرة، اخلطي الدقيق + الخميرة + السكر + الملح.

2. أضيفي الزيت وافركيه في الدقيق بإيدك.

3. ضيفي اللبن الدافئ شوية بشوية وابدئي العجن.

4. لو العجينة محتاجة سائل، ضيفي المياه الدافئة تدريجيًا لحد ما تبقى طرية وملساء ومتلزقش في الإيد.

5. غطيها بفوطة واتركيها تخمر في مكان دافئ حوالي نصف ساعة لساعة.

6. افردي العجينة على سطح مرشوش دقيق وقطعيها دواير صغيرة.

7. رصيها في صينية مدهونة خفيف زيت.

8. ادهني كل دائرة بصلصة البيتزا.

9. ضيفي الحشو والموتزاريلا.

10. دخليها فرن سخن مسبقًا على درجة حرارة 200 لمدة 12–15 دقيقة أو لحد ما تتحمر من تحت وتسيح الجبنة.

✨ نصائح نجاحها:

سخّني الفرن قبل الخَبز بعشر دقايق.

العجينة لازم تكون طرية مش ناشفة.

لو عايزة طراوة زيادة، غطي الميني بيتزا بفوطة بعد ما تطلع من الفرن وهي سخنة.

وبالف هنا على قلبكو ياااارب

زي اللي بناكلها في أكبر المطاعم👌😍

المكونات 👇
فلفل اخضر
طماطم
ليمون
بصل
خيار
بقدونس
شبت
بابريكا
ملح
كمون
خل
ثوم
فلفل اسمر

الطريقة 👇
هنقطع البصل والخيار وننزل عليهم برشة ملح فلفل اسود وبابريكا ونقلبهم مع بعض كويس

وبعدين نضيف عليهم الطماطم والبقدونس وحبه شبت

ونضيف خل وفص ثوم مفروم و عصير ليمون
هنقلبهم كويس مع بعض ونحط عليهم مية بتلج عشان الخضار مايدبلش

ونسيبها في الثلاجة شوية الطعم ياخد من بعضة ودوقي
احلي سلطه واحلي مية سلطه 👍😍