Sara Adam

الست الزعلانة مش نكدية 🙄، الست الزعلانة عايزة تتراضى؛ مَفيش ست في الدُنيا بتحب الخِصام والمشاكل، هي بس محتاجة تحس إن زعلها فارق معاك، عايزة تدلّع عليك، عايزة تشوف إنتَ هتعمل إيه لما تلاقيها متضايقة، هل زعلها هيفرق معاك ولا مش هتهتم أصلًا؟ وأي مُحاولة بسيطة منّك عشان تراضيها هتبقى عندها بالدُنيا وما فيها، الست بسيطة وسهلة الإرضاء فَفتّح مُخك إنتَ بس وما تبقاش قِفل.😉👌

الراجل اللي بيعلم مراته تعمل كل حاجة لوحدها... بيعلمها هي وعياله يستغنوا عنه! ✋

لما الراجل بيخلي مراته تشيل البيت والولاد والشغل وكل مسؤولية على كتافها لوحدها ، بيعلمها تدبر أمورها من غيره، تحل مشاكلها بنفسها، وتاخد قراراتها من غير ما ترجعله.

والأخطر من كده، إنه بيعلم أولاده إن الأب دوره ثانوي أو ممكن الاستغناء عنه.
بيشوفوا أمهم بتعمل كل حاجة، والأب موجود بس مش فعال في حياتهم اليومية ومشاكلهم الأساسية. فبيتعودوا إنهم يستندوا على الأم بس، والأب بيكون مجرد صورة أو مصدر للمادة وبس .
الحياة الزوجية مشاركة.
الأب مش مجرد لقب، هو سند وظهر وشريك أساسي في كل تفصيلة في البيت وتربية الأولاد. لما بتشارك مراتك وبتحسسها إنك معاها في كل خطوة، ده بيقوي العلاقة وبيخلي البيت مستقر.
لكن لما بتسيبها تواجه الدنيا لوحدها وانت مكتفي بس ب انك بتشتغل بره عشان تجيب فلوس وخلاص وشايل ايدك من باقي الحاجات ، فانت كده بتجهزها وبتحضر ولادك إنهم يستغنوا عنك تدريجيًا.

#سارةـادم