Atheer

ازاي تخرج أفكارك للنور؟ 💡
عدد كبير من أفكارنا بتنتهي جوة عقولنا قبل ما تبدأ، سواء عشان بننساها أو خوفًا من الفشل والمخاطرة، رغم أنها ممكن تكون سبب في تغيير حياتنا أو حياة غيرنا للأفضل.

وقبل الفكرة ما تهرب مننا، هنقترح عليك بعض الخطوات عشان تخرج أفكارك للنور:

️- دون أفكارك أول بأول:
عقلنا بيستقبل مدخلات كتير جدًا كل لحظة، وبمجرد ما بتيجي فكرة ممكن ننساها بسهولة عشان بيغطي عليها أفكار تانية بعدها، فمهم أنك تدون أفكارك في أسرع وقت قبل ما تنساها.

- ناقش أفكارك بصوت مسموع/مع اللي حواليك:
كل ما تزود عدد الحواس اللي بتتعامل بيها مع الفكرة كل ما هتقدر تبلورها وتطورها أكتر، لأن ساعتها عقلك هيحاول يصيغ الفكرة بأبسط الطرق الممكنة، وبالتالي تقدر تعرف عيوب الفكرة وتطورها.

- حدد متطلبات تنفيذ الفكرة:
عشان الفكرة متفضلش كلام بس، مهم انك تحدد الموارد والمهارات والمتطلبات اللي محتاجها لتنفيذ لفكرة، ده هيخليك تدخل في حيز التنفيذ للفكرة ويشجعك تبدأ.

-ابدأ، ابدأ، ابدأ بقا! :
مش هتلاقي الوقت المثالي للبدء، مش هتبقى جاهز ولا فاضي للفكرة، مش شرط تبدأ بداية مثالية من غير أخطاء، بس أهم خطوة انك تبدأ عشان تبقى خرّجت الفكرة للنور، وبعد كده واحدة واحدة طور فيها مع الوقت.

قولنا بقا .. بتفكر في إيه ؟ 🤔

How you can eat elephant ?!
عمل شيء واحد فقط افضل من لاشيء فمهما كان اللي مطلوب منك كتير قسمه لإجزاء سهل إنجازها.
بدأنا معاكم تحديات ال ١٠ الأوائل عشان تكون تحديات صغيرة لمكسب عظيم ^^
التحدي الجديد نزل تابع معانا في stores .
واي رايكم ازاي تاكل فيل 🐘