I-Fix For Computer Service & Maintenance

جديد وحصري لدينا لو معاك اي جيمينج هاند هيلد عايز تقلبه ويندوز 10 متاح من خلالنا ووتمت التجربه ع لنوفو ليجيون جو وتم تسطيب الليجيون اسبيس وكافه التعريفات وتفعيل النسخه نسعى لتقديم المتميز والجديد تابعونا

رايي الشخصي في شركه ايه ام دي واللي يزعل يزعل وارجع واقول ده رايي الشخصي تمام
كون انك شركه متطوره كما يتم ترويجه وزعمه ومش عارف توصل لقوه انتل تبقي خايب وجاتك خيبه ونيله عليك وع دماغك واقولك ليه حاليا انتا بتقول انا وانا وانا اسرع كاش واوعى الدبابه يلا حلو اعلى بروسيسور في انتل 24 كور 32 مسار في حين اعلى بروسيسور 16 كور 32 مسار وده نقطه لصالح انتل محدش واخد باله منها غير فرق المعماريه اللي في الرايزن 4 نانو ميتر والانتل لسه عتيقه 10 نانو ميتر وده نقطه كمان لصالح انتل ان بروسيسور بمعماريه بيمرمط اجدعها في بروسيسور ع احدث معماريه حاليا وبيتم الترويج ليه انه هوبا هاي مفيش منه اتنين
كلام علمي كده بما اني مهندس كمبيوتر والحمد لله املك من الخبره ما يكفي للرد ع اسئله اي حد
اولا حيث انك مهتم ب الريندر والمونتاج وكل الكلام اللطيف اللي طالع ع الساحه بقاله كام سنه يبقي انتا عايز معالج كيه سيريس وليه كيه سيريس عشان هيتم تفعيل ميزه اسمها انتل ديوال لينك ودي بتعمل ايه يا هندسه بتعمل انك في حاله الريندر بياخد الانتل والانفيديا وليه انفيديا مش ايه ام دي لان انفيديا الوحيده اللي تملك انكودر ادوبي فقط ومفيش غيرها اخد الانكودر ده اذن دلوقتي يعني انا ياهندسه دلوقتي عشان اشتغل ريندر وجرافيك ومونتاج محتاج كارت من انفيديا ايوه واللي يقولك غير كده بكف ايدك الكريمه وع قفاه عدل وقوله بطل هبد يا هباد والكلام ده هيزعل كتير من عندي ع فكره بس انا زهقت من الهبل اللي ع الساحه بصراحه ولازم نحط حد للموضوع ده فهمنا كده اول موضوع الكيه سيريس وكارت انفيديا ليه بعد كده اللي يقولك هات دي دي ار 5 بكف ايدك الكريمه برده وع قفاه برده واقولك ليه انتا عندك اهم من الرامه انها سرعته 3000 او 4000 او ايان كان الرقم في رقم اهم منه وهوه اساس الرامه واللي ع اساسها سعرها بيغلى او يرخص وهوه في الدي دي ار 4 وصل لسعر مقبول نظير معدل تاخير 16 ملي ثانيه حلو الكلام طب في الدي دي ار 5 وصلنا لكام يا هندسه لا في هبل وتخلف رسمي في الدي دي ار 5 هتلاقي 40 و 45 ملي ثانيه يعني كده يا هندسه الرامات بقت ابطئ مش اسرع هقولك اه بقت ابطئ بس محدش هيقولك كده غيري انا وليه انا مش شكرانيه في نفسي ولا حاجه بس انا واحد مهندس كمبيوتر في حالي يوم ما باخد قطعه من مورد ولا غيره بيكون عنده حسابها ب الكامل فا هوه لا مجاملني في شئ ولا هيجبرني اقول حاجه مش ع هوايا انا بقول اللي مقتنع عايز تسمع بيه اهلا وسهلا مش عايز عنك ما سمعت ولا عنك عرفت حاجه غير اني دايما بعتبر التجميعه اللي بعملها كانها تجميعتي الشخصيه يعني بشتغلك فيها كانها بتاعتي وعايزها تطلع ع اكمل وجه توهتكم مني انا عارف بس نرجع لموضوعنا بتاع انتل وايه ام دي بقى تاني ايه ام دي لجئت لاعتماد الذواكر الاسرع صاحبه الرقم الخزعبلي من التاخير واللي كل ما الرامات زادت رقم التاخير كل ما بقى ادائها اسوء لانها كده هتحتاج وقت اكتر في معالجه البيانات فا اللي يقولك ايه ام دي اقوى كا بروسيسور قوله جاك خيبه عشان نقول الحق برده اللي لينا واللي علينا ايه ام دي ممتازه في فئه المعالجات المسرعه اليكترونيا اللي هيا ايه يا هندسه اللي هيا اي معالج اخره جي في ايه ام دي وهينفع ايه في العاب فقط انسى منه جرافيك انسى مونتاج انسى اي صناعه محتوى الكارت مش هيتقري ع برامج ادوبي اصلا يا غالي يبقي كده ايه ايه ام دي حلوه في الايه بي يو فقط فاشله كا سي بي يو واه نسينا مشكله اليو اس بي وده اللي عاصرتها بنفسي مع اخويا حسام يونس اما راح جاب تجميعه رايزن 9 5900 وكان سريع جدا ولكن كان رافض انه يقرا اي يو اس بي بعد ما النسخه اتسطبت ومنعرفش السبب والبورده راحت الوكيل ورجعت زي ماهيا في الاخر اتضطر يجيب اي ناين 11900 كيه عشان يعرف يعمل شغله طب بذمتك مش عيب يعني اما بروسيسور يكون قوي ب المنظر وحاجه زي دي تفوت عليه احكمو انتو والنقاش مفتوح من اي حد عايز يتكلم

يا اخوانا بقى نبطل فتي شويه لاب ايه بجيل رابع ايه اللي هيشغل اوتوكاد 2024 ولا ثري دي ماكس 2024 ولا ريفت 2024
البرامج ده يدوب هتفتح ع اي سيفن تامن بكارت 4 يعني ايه يا هندسه يعني اللي يقولك خد 5510 ولا 5520 ولا زد بوك جي 2 وهيفتح معاك قوله اه والبروجكت هيخلص في قد ايه بقى ان شاء الله السنه الجايه نفس النهارده يكون خلص صح ويتسحسن لو جبت حاجه اي سيفن تاسع او عاشر بكارت 4 هتفرق معاك جدا خصوصا انه ع العاشر هيشغل الرامات ال 3200 ع سرعه 2933 ده غير ان اصلا لو حصلت معجزه والاب فتح اي برنامج من دول هتلاقيه واخد ع عينه وهيفصل منك حراره فانرجع ونقول ايه بقى اولك كا مهندس الاصدارات الاتيه 7730 7530 7540 5540 5530 غير كده لاء مش هينفع وعهد الله اللهم بلغت