Habesha Girls

ይሸውዳል!

የምታየውን ሁሉ አትመን፤
አንዳንዴ እይታም ..

ይሸውዳል!

Picture of the day 🥰🥰🥰
:
:

የፈለኩት አንድ ሰው ብቻ ነበረ
አርአያ አድርጌ ለመውሰድ አሰፍስፌ ነበረ ቅሉ እነሱም ሰው መሆናቸውን ረሳሁት

የቤታችን አምስተኛና የመጨረሻ ልጅ ነኝ

ሰዎች በፊት የመጨረሻ ልጅ ይቀብጣል ሲሉ እሰማ ነበረ የሚመስለኝ ግን እንክብካቤ በዝቶበት የሚቀብጥ ነበረ ግን ለካ መቅበጥና መበላሸቱ የሚመጣው ከእንብካቤ ሳይሆን ከመረሳት ነበረ።

እንዴት ከሰባት ሰው አንድ እንኳን ይጠፋል እሺ ፍፁም አይሁኑ ቢያንስ ምናለ እኔ ፊት ጠንካራ ቢመስሉ እና ለእነሱ ብዬ ብሟሟት ምናለበት?

እያወራን ነው ከባሌ ጋር ። እሱ አልጋው ላይ ጋደም ብሏል አልጋው ጠርዝ ላይ ቢጃማዬን ለብሼ ቀሚሴን እስከጉልበቴ ገልቤ በእጄ የቆነጠርኩትን ግሪሲሊን ጉልበቴን፣ ጭኔን ፣ ቁርጭምጭሚቴን ... እየቀባባሁ ነው።

ከላይ ነጭ ፓካውንት፣ ከስር ቱታ ለብሶ አንዴ ስልኩን አንዴ TVውን ያያል። Televisionኑ የትዝታ ዘፈን ያስመለክታል። ዘፈኑ የድሮ ቢሆንም በአዲስ ክሊፕ አዲስ ቆንጆ ድምፅ ያለው ልጅ እየዘፈነው ነው ።

🎼🎼🎼🎼

ሞት አደላድሎኝ አፈር ካልተጫነኝ
ቃሌን አላጥፈውም ካንቺ ጋር ነዋሪ ነኝ
ውበትሽ ኩራዜ ይበራል ከቤቴ
ጠረንሽ ፈውሴ ነው የፍቅር እመቤቴ
ሞት አደላድሎኝ አፈር ካልተጫነኝ ቃሌን አላጥፈውም 🎶🎶

"ክሊፑ ላይ ያለችው ልጅ የድሮ እጮኛዬን ትመስላለች።" አለ ፈገግ እያለ አፈጋገጉ እንደናፈቀችው አይነት ነው ።

ስቀብጥ ይሁን ስጃጃል፣ ወይም የጎጆ እና የትዳር ቀመር ስላልገባኝ የድሮ ፍቅረኛው ስላላት ልጅ ጠየኩት ።

ትክዝ እንደማለት አለና ሲያፈጥበት ከነበረው የሙዚቃ ክሊፕ አይኑን ነቅሎ ሲነካካው የነበረውን ስልክ አስቀመጠው ።

"እወዳት ነበር በጣም ። ስትናፍቀኝ ብንጣላም እኔ ካላሁበት ብትርቅ ፣ አላገኝህም ብትልም የትም ሄጄ አያት ነበር ...ስታኮርፈኝ የበለጠ ማግኘት እፈልግ ነበር...።" ሳቅ ነገር አለ ።

"እሷ ላይ ከቻቻ ነበርኩ ! ቀልድ ትችላለች ፣ ኩርፊያዋም፣ አሳሳሟም፣ አደናነሷ ፣ አስተቃቀፏ፣ ግልፅነቷን እወደው ነበር .... ደስስ ትላለች" ደማቅ ፈገግታ ፈገግ አለና "ናይል እኮ እብድ ነገር ነች " አለ ።

"አለ ኣ ደስ የምትል እብድ : ብዙ ደስ የሚሉ ነገሮች አሳልፈናል... " እያለ እየተመሳሰጠ ያለ ይሉኝታ አብራራልኝ ።

የእሷን እሩብ ያህል እንደማይወደኝ አይነት ነው ሁኔታው ። ላየሁት.. ላሳየኝ ማረጋገጫ ይሰጠኛል፣

ከትላንት ዛሬ አይበልጥም?

ለምኖ ላገባት ለልጆቹ እናት ይሄ ይነገራል ? ፣ የልጆች እናትስ እኔ የጠየኩትን ትጠይቃለች? ፣

የተጠየቀ ነው በሃላፊነት መመለስ ያለበት ? ወይስ ጠያቂው ነው ተጠያቂ ??

ስንት ጥልፍልፍ መንገድ አብረን መጣን አይደል? ፣ስንት የሃሳብ ዳገት ተጓዝን አይደል ?፣ የተሸከምነው የወጣነው የወረድነው የግዜ መዓት ትንሽ ይሉኝታ እንኳን እንዴት አልወለደበትም ?፣

ለጎጇችን ብዙ ገንዘብ ስለሚያመጣ ነው?፣ ዘመዶቿ አቅም የላቸውም ቢከፋት አትሄድም ብሎ ነው?፣ ወልዳለች ፈላጊ የላትም ብሎ ነው ?፣ ስለማይወደኝ ስለሚሰማኝ ስሜት ግድ ስለሌለው ነው ?፣

አይውደደኝ እንዴት አያከብረኝም ?፣

እውነት የሆነ ሁሉ ይነገራል ?፣ ሳይሰክር ሳንጣላ ሳላናድደው እንደዚህ ግዴለሽ እንዴት ይሆናል ?!፣
ይሉኝታና ብስለት ካልከለለን ልባችን ያባውን፣ ያደረግነውን ሁሉ ፣ የተሰማንን ሁሉ ቢወራ መች ኑሮ ፡ጎጆ ይመሰረታል?

ብቻ አመመኝ ...አለመወደድ በመላ አካሌ ተርመሰመሰ ማምለጫ የሌለው ህመም ተላወሰኝ ... እንደዋዛ የማይተው ሰው ሲወጋ ህመሙ ይለያል !!

የተሰማኝ ህመም እንዳልታመን ፣ እንዳልወደው፣ እንዳልጠነነቅለት ሊያደርገኝ የገፋኝ መሰለኝ ።

የቱ ጋ ነው የወጋኝ ?!

ቁስሉ ያልታየ ህመም ለመታከም ምቹ አይደለም !!

የመርሄ ወላጅ አባት ፍቅሬ እንደሆነ አላወቀልኝም !!