Qubee Tv

Taphoonni xumuraa Piriimeer Liigii Ingilaand har'aa hawwiin eegama.

Qubee Tv (Caamsaa 19, 2024) Finfinnee!
Taphoonni xumuraa Piriimeer Liigii Ingilaand bara 2023/24 har'aa xumura argata.

Har'a waaree booda sa’aatii 12:00 irraa jalqabee taphoonni 10 sa’aatii walfakkaatuutti ni taphatama, kanumaan Arsenaal Eevartan, Maanchiister Siitiin Weest Haam waliin morkiin taasiisan hawwiin eegama.

Waancaan liigicha osoo abbaa hin argatin tapha torbee 38ffaa qaqqabe, haata'u malee har'a Maanchiister Siitiin falmii Weest Haam waliin taasiisu injifannaan Shaampiyoonaa liigichaa ta’a.

Arsenaal Eevartan yoo injifatellee, Siitiin qixa yoo bahe yookaa yoo injifatame malee carraa shaampiyoonaa ta’uu hin argatu.

Arsenaaliifi Eevartan taphoota hanga ammaatti waliin taphatan 208 keessaa Arsenaal yeroo 104 yoo injifatu, Eevartan si’a 61 inijifachuun yeroo 43 ammoo qabxii qooddatan.

Lammiileen Itoophiyaa lakkoofsaan 1,147 ta’an Saa'uud Arabiyaarraa gara biyyaa deebi'an.

Qubee Tv (Caamsaa 18, 2024) Finfinnee!
Lammiileen Itoophiyaa Saa'uud Arabiyaatti haala rakkisaa keessa turan lakkoofsaan 1,147 ta’an har'a xiyyaara sadiin gara biyyaa deebi'an.

Ebla 4, 2016 eegalee hanga ammaatti lammiileen 25,800 gara biyyaa deebi'uu ragaan Ministeera Dhimma Dubartootaafi Hawaasummaarraa argame ni mul'isa.