Addo Media Initiative - ADI

Isbeddel kasta oo adduunka ka dhacay waxa u sal ahaa fikrad iyo mabaadi. Haddaba bulsho bilaa fikrado iyo aragtiyo ah, sidee ayay u rajayn kartaa isbeddel, soo dhalanteed ma aha? Mar kale, bulsho aamusiisa, caburisa oo marin habaabisa dadka fikradaha u saaxiibka ah, isbeddelka ma si mucjiso ah ayuu korka ugaga soo dhacayaa? Waa maya. La yaabka kale, bulsho marka aragtiyaha iyo adduun'aragga, horu'socodka iyo isbeddelka looga warramo cabsanaysa amq jeclaysanaysa xaaladda ay qabatintay ee fashilka ah, soo haddana isdiiddo ma aha inay isbeddel fudud oo aan dadaal iyo naf'hur lahayn rajayso? Waxay lamid tahay bulsho bukta, oo dhakhtarkeedii diidan!

Mucaaradnnimada, dhaliisha iyo sixitaanka waa wax dowladnimada muhiim u ah. Xukuumaddaan hada joogta waxa ay halkan ku soo gaartay waa toosintii iyo mucaaradnimadii ay sanadihii h**e soo wadday, waana lagu raystay oo waataa isbedalku ka dhashay ee meeshii markaa la joogay ee gurracnayd laga soo noqday. Marka ay sidaa tahay, waa in aanad mucaaradnimada danbi ku dareemin, dhaliisha qofka siyaasiga ahna ee deegaankaaga maamula ama si guud shaqo ummadeed hayana aanad uga habran ee aad ogaatid in isaguba raggii ka horreeyay mucaaraday, dhaliilay oo saxayay. Hal wax baa muhiim ah waa in aanay dhaliishaadaasi ku uruurayn dano shakhsi ah ee ay ka ballaaran tahay.