Zinash Tayachew

የቡሩንዲ ቀዳማዊት እመቤት አንጀሊን ንድያይሺሚዬን ከቡሩንዲ ፕሬዝዳንት ክቡር ኢቫሪስቴ ንድያይሺሚዬጋ ለይፋዊ የስራ ጉብኝት ወደ ኢትዮጵያ በመጡበት ወቅት በብሄራዊ ቤተመንግስት ተቀብዬ ጉብኝት ያደረግን ሲሆን በነበረን ቆይታም በምንሰራቸው ስራዎች ዙሪያ ፍሬያማ ውይይት ነበረን፡፡

መጪውን የትንሳኤ በዓል ምክንያት በማድረግ በአዲስ አበባ እና ዙሪያዋ ለሚኖሩ ለ150 አቅመደካማና ዓይነስውራን ወገኖቻችን ማእድ አጋርተናል፡፡

የትንሳኤ በዓል ጌታችን ኢየሱስ ክርስቶስ ለሰው ልጆች መዳን ፍቅሩን የገለጸበት በመሆኑ በዓሉን የምናከብር የክርስትና እምነት ተከታዮች በሙሉ ማዕድ በማጋራት ድጋፍ ለሚሹ ወገኖቻችን ያለንን ፍቅር በተግባር የምንገልጽበት ይሁን እያልኩ መጪው የትንሳኤ በዓል የሰላም፣የፍቅር እና የአብሮነት እንዲሆን ምኞቴን እገልጻለሁ፡፡

ለመላው የእስልምና እምነት ተከታዮች እንኳን ለዒድ አል ፈጥር በዓል በሰላም አደረሳችሁ፡፡

የቁንድዶ ተራራ እና የተራራው ልዩ የዱር ፈረሶች አስደናቂ ውበት ያየንበት ጉብኝት

በአስደማሚ ውበት የተሞላው በምስራቅ ሐረርጌ ዞን መልካ በሎ ወረዳ የሚገኘው ናሲኦል ዋሻ

ከጠቅላይ ሚኒስትር ዶ/ር አብይ አሕመድ ጋር በአዘርባጃን በካሄድነው የኦፊሻላዊ ጉብኝት ወቅት፣ ከአዘርባጃን ቀዳማዊት እመቤት ክብርት መህሪባን አሊዬቫ ጋር ፍሬያማ ውይይት አድርጌያለሁ።

በቢሮአችን ቅድሚያ ሰጥተን በምንሰራባቸው ተጋላጭ ማህበረሰቦች በተለይም ሴቶች፣ ሕፃናት እና የአካል ጉዳተኞች ላይ ስላሉን ፕሮጀክቶች ማብራሪያ ሰጥቻለሁ። በማህበራዊ ልማት ዘርፍ በጋራ ለመስራት ተስማምተናል፡፡

ተዛማጅ ማዕከላትን በመገንባትና የክህሎት ስልጠና በማመቻቸት ለመርዳት ዝግጁነታቸውን ገልጸውልኛል።

በቆይታዬ ወቅት በባኩ አቅራቢያ ያለውን ጋላ የአርኪኦሎጂና የባህል ሙዚየም እንዲሁም የአካል ጉዳተኞች የእደ ጥበብ ማምረቻ ማዕከልን ጎብኝቻለሁ። ጉብኝቱ በቢሮአችን በተጋላጭ ዜጎች ላይ የምንሰራውን ሥራ ለማጠናከር ጠቃሚ ልምድ አግኝቸበታለሁ።

30ኛው የአፍሪካ ቀዳማዊ እመቤቶች የልማት ተቋም ጉባኤ መሪ ቃል "የአፍሪካን ሴቶች ፈተናዎችን የመቋቋም ዐቅም መገንባት፡- የአየር ንብረት፣ግጭቶች እና ዘላቂ ነገ” የሚል እንደመሆኑ የመሪ ቃሉ ዓላማ በጾታ እኩልነት፣ በጤና እና በትምህርት መርሐ ግብሮች፣ በኢኮኖሚው ዘርፍ እና በአየር ንብረት ለውጥ ላይ የአፍሪካ ሴቶችን ዐቅም የበለጠ ማሳደግ ጠቃሚ ሚና አለው፡፡
በተለይ ደግሞ ሴቶችን ማዕከል ያደረጉ የማኅበራዊ ልማት ተግባራት የሴቶችን ዐቅም የበለጠ ስለሚያጎለብቱ ይሄንን ታሳቢ በማድረግ በፅ/ቤታችን ባለፉት ስድስት ዓመታት 37 ሁለተኛ ደረጃ ት/ቤቶችን በተለያዩ አካባቢዎች ገንብቶ የሴቶችን እና የሕጻናትን የትምህርት ተደራሽነት ከፍ ለማድረግ ሰርተናል፡፡
በተጨማሪም ለሴቶች የሞያና የንግድ ክሂሎት ሥልጠና፣ የመሥሪያ ቦታ፣ ግብአትና የመነሻ ካፒታል በማመቻቸት ሴቶች በገቢ ማስገኛ ሥራ ላይ ተሠማርተው የራሳቸውንና የቤተሰባቸውን ሕይወት እንዲቀይሩ አድርገናል፡፡

ሴቶችን በየዘርፉ ማሳተፍም ሀገርን በሙሉ እንደ ማሳተፍ ይቆጠራል፡፡ የኢትዮጵያ አረንጓዴ ዐሻራ ሊሳካ የቻለው ብዙ ሚሊዮን ሴቶች በፈቃደኝነት ስለተሳተፉበት ነው፡፡ የአየር ንብረት መዛባትን ለመቋቋምም ሆነ ሌሎችንም የአፍሪካ ችግሮች ለመቅረፍ፤ ሴቶች ወሳኙን ቦታ የሚያገኙበትን ዐውድ መፍጠር አለብን፡፡ ለዚህ ደግሞ እኛ ቀዳማዊ እመቤቶች ከፍ ያለ ኃላፊነት አለብን፡፡

ከውድ የአፍሪካ ቀዳማዊ እመቤቶች እህቶቼ ጋር የአድዋ መታሰቢያ ሙዚየምን ጎብኝተናል፡፡ በአድዋ ድል የተመዘገበውን ታላቅ ታሪክ እያደነቅን በአፍሪካዊነት መንፈስ እርስ በእርስ ልናጠነክረው ስለሚገባን የአንድነትና የጽናትን ሀይል እየተወያየን በአድዋ ሙዚየም ውስጥ የምሳ ጊዜ በማሳለፋችን እጅግ ደስ ብሎኛል።

Together with my dear sisters, the African First Ladies, we visited the Adwa Victory Memorial Museum.
As we admired the great history recorded through the Victory of Adwa, we reflected on the power of unity and resilience, and on our responsibility to strengthen one another in the spirit of African solidarity.
I was truly delighted to spend our luncheon time together at the Adwa Museum.