Tom-Tech

በአፍሪካ ፈጣን ኢንተርኔት ያለባቸው ሀገራት የትኞቹ ናቸው?

🎯 ኢትዮጵያ : 172ኛ ደረጃን ይዛለች

🎯 ሩዋንዳ፣ ማላዊ እና ጂቡቲ ከፍተኛ የኢንተርኔት ፍጥነት ለውጥ የታየባቸው ሀገራት ናቸው

| በአፍሪካ የተንቀሳቃሽ እና ባለገመድ ኢንተርኔት አገልግሎት ፍጥነት በ2022 ከፍተኛ እድገት ማስመዝገቡ ተገለጸ።

የኢንተርኔት ፍጥነትን የሚለካው ኦክላ መረጃ እንደሚያሳየው፥ ሰባት የአፍሪካ ሀገራት ያስመዘገቡት ውጤት በአለም አቀፉ ደረጃ ከተቀመጡበት ከአምስት በላይ ደረጃዎች እንዲያሻሽሉ አስችሏቸዋል።

በ2022 የባለገመድ ኢንተርኔት ፍጥነት ካለፈው አመት በ28 በመቶ እድገት ማሳየቱንም አለም አቀፉ የኢንተርኔት ፍጥነት ደረጃ አውጪ ኦክላ ገልጿል።

ከፍተኛ ለውጥ ካሳዩት ውስጥ ሩዋንዳ በቀዳሚነት ተጠቅሳለች፤ ከአለም አቀፍ ደረጃዋ 47 ደረጃዎችን በማሻሻል።

ለ114 የኢንተርኔት አቅራቢዎች ፈቃድ የሰጠችው ኪጋሊ፥ በኢንተርኔት መሰረተልማት ላይ ያከናወነችው ስራ በአፍሪካ እጅግ ፈጣን ኢንተርኔት ባለቤት አድርጓታል።

በባለገመድ ብሮድባንድ ኢንተርኔት በሰከንድ 38 ሜጋባይት ማውረድ የሚያስችል ኢንተርኔት ያላት ሩዋንዳ በአለም አቀፍ የኢንተርኔት ፍጥነት ደረጃ 103ኛ ላይ ተቀምጣለች።

ከሩዋንዳ በመቀጠል 9 ደረጃዎችን በማሻሻል ከፍተኛ ለውጥ ያሳየችው ማላዊ ናት። በሰከንድ 9 ነጥብ 7 ሜጋባይት ማውረድና 9 ነጥብ 26 ሜጋባይት መጫን የሚያስችል ኢንተርኔት ዘርግታለች።

ጂቡቲ እና ኮንጎም ሰባት ደረጃዎችን ማሻሻላቸውን የገለጸው ኦክላ፥ ሞሪሺየስ፣ ሌሴቶ እና ጊኒ ያሳዩት መሻሻል አምስት ደረጃዎችን ከፍ እንዲሉ ማድረጉን አመላክቷል።

የኢትዮጵያ የባለገመድ ብሮድባንድ ኢንተርኔት ፍጥነትም 5 ሜጋባይት በሰከንድ ሆኖ 172ኛ ደረጃን ይዛለች።

የገመድ አልባ ወይም ሞባይል ኢንተርኔት ፍጥነቷም (በሰከንድ 15 ሜጋባይት ማውረድ የሚያስችል) ከአለም ሀገራት 117ኛ ደረጃን እንድትይዝ አድርጓል።

ከባለፈው ወር ወዲህ ግን የኢንተርኔት ፍጥነቱ ቀንሶ 14 ደረጃዎችን ዝቅ ማለቷንም ነው ኦክላ የሚያመላክተው።

የአፍሪካ ሀገራት የኢንተርኔት ፍጥነት እንዲጨምር በኢንተርኔት መሰረት ልማት እና የ4ጂ እኛ 5ጂ ኔትወርክ ማስፋፋት ትልቅ ድርሻ እንደነበረው አፍሪካ ቢዝነስ ኢንሳይደር ዘግቧል።

እንደ ኤም ቲ ኤን ያሉ ግዙፍ የቴሌኮም ኩባንያዎች ለኔትወርክ ማስፋፊያ ከ1 ቢሊየን ዶላር በላይ መመደባቸውንም ለዚህ ማሳያ አድርጎ አቅርቦታል።

በሩዋንዳ እንደታየው የቴሌኮም ዘርፉን ወደ ግል የማዞር ሂደት ፉክክርን በማበረታታቱ የአገልግሎት ጥራቱ ከፍ እንዲልና ወጪም እንዲቀንስ ማድረጉንም ነው የጠቀሰው።

ሰባቱ የአፍሪካ ሀገራት አለማቀፍ ደረጃቸውን ያሻሽሉ እንጂ በስታስቲካ መረጃ መሰረት የ2022 ምርጥ 10 ውስጥ የገባችው ሩዋንዳ ብቻ ናት።

10ሩ ፈጣን ኢንተርኔት ያለባቸው የአፍሪካ ሀገራት (በሰከንድ በአማካይ የሚያወርዱት) ዝርዝርም ቀጥሎ ቀርቧል፦

1. ሩዋንዳ - 52.17 ሜጋባይት በሰከንድ

2. ደቡብ አፍሪካ - 28.62

3. ማዳጋስካር - 19.29

4. ናይጀሪያ - 15.37

5. ሲሼልስ - 14.89

6. ሞሪሺየስ - 13.44

7. ቡርኪናፋሶ - 13.43

8. ኬንያ - 12.42

9. ጋና - 11.24

10. ኡጋንዳ - 11.01

ምንጭ አል- ዐይን

ቪፒኤን ስንጠቀም ማድረግ ያሉብን ጥንቃቄዎች

በኢትዮጵያ በተለይም የተወሰኑ የማህበራዊ ትስስር ገጾች ላይ ገደብ መጣሉን ተከትሎ የቪፒኤን ፍላጎት በ1430 በመቶ ጨምሯል።

በአንድ ሀገር ያለ ኔትወርክ በብዙ ምክንያቶች መደበኛ የኔትወርክ ገደብ ሲጣል ቨርቹዋል ፕራይቬት ኔትወርክ ወይም ቪፒኤን በሚል የሚጠሩ መተግበሪያዎችን መጠቀም የተለመደ ነው።

በኢትዮጵያም መደበኛው የኔትውርክ አገልግሎት ገደብ ሲጣልበት የተለያዩ የቪፒኤን መተግበሪያዎችን በማውረድ መጠቀም ተለምዷል።

በአሁኑ ወቅትም በኢትዮጵያ በተለይም የተወሰኑ የማህበራዊ ትስስር ገጾች ላይ ገደብ መጣሉን ተከትሎ ተጠቃሚዎች በቪፒኤን በመጠቀም ላይ ናቸው።

የቪፒኤን መተበሪያዎች ባጭሩ አንድ ሀገር ሆነን በሌላ ሀገር ኔትወርክ መጠቀም ማለት ሲሆን በተለይም የምንጠቀምበትን ሰርቨር፣ የምንጠቀማቸውን ዌብሳይቶች፣ የተጠቀምናቸወን ፋይሎች እና ሌሎች መረጃዎችን ሰዎች አልያም ስለ እኛ ማወቅ የሚፈልጉ አካላት መረጃውን ማግኘት እንዳይችሉ ያደርጋሉ።

ይሁንና ሁሉም አይነት የቪፒኤን መተግበሪያዎች አስተማማኝ ባለመሆናቸው የተወሰኑት በቀላሉ ለመረጃ መንታፊዎች ሊያጋልጡን ስለሚችሉ መጠንቀቅ ያስፈልጋል።

በአውስትራሊያ በተደረገ ጥናት 67 በመቶ የዓለማችን ቪፒኤን መተግበሪያዎች ቢያንስ አንድ መረጃ መመንተፊያ ቫይረስ ያላቸው ሲሆን ከተጠቃሚዎች የወሰዷቸውን መረጃዎች ለሶስተኛ ወገኖች አሳልፈው ይሸጣሉ።

የቴክኖሎጂ ኩባንያዎች ከተጠቃሚዎች መረጃዎችን በመግዛት የማስታወቂያ ስራዎቻቸውን የሚያከናውኑ ሲሆን የቪፒኤን ተጠቃሚዎች ዋነኛ ኢላማ እንደሚሆኑም ተገልጿል።

በተለይም ነጻ የቪፒኤን መተግበሪያዎች ለመረጃ መንታፊዎች የተጋለጡ ሲሆኑ 65 በመቶ ነጻ የቪፒኤን መተግበሪያዎች መረጃዎችን ከተጠቃሚዎች ወስደው ለቴክኖሎጂ ኩባንያዎች ይሸጣሉ።

ይሁንና በክፍያ የሚገኙ የቪፒኤን መተግበሪያዎች ከመረጃ መንታፊዎች የተጠበቁ ሲሆን ደንበኞች ለመረጃዎቻቸው የሚጠነቀቁ ከሆነ የክፍያ ቪፒኤን መተግበሪያዎችን እንዲጠቀሙ ይመከራል።

በአጠቃላይ ቪፒኤን መተግበሪያዎችን መጠቀም ለመረጃ ምንተፋ፣ ለቫይረስ ጥቃት፣ ለከፍተኛ የኔትወርክ ክፍያ፣ ካለፍላጎት እና ለአሰልቺ ማስታወቂያዎች እና ለኔትወርክ መዘግየት ሊያጋልጥ ይችላል ተብሏል።

ምንጭ:– አል አይን

በስልካችን ላይ ሊኖሩን የሚገባና የሚጠቅሙን መተግበሪያዎች የትኞቹ ናቸው?
በአንድሮይድ ስልኮች የሚገኙ መተግበሪያዎች ቁጥር ከ2 ነጥብ 7 ሚሊየን ደርሷል

የእለት ተዕለት ህይወትን የሚያቀሉ፣ ስራን የሚያቀላጥፉና መዝናናትን የሚፈጥሩ መተግበሪያዎች እንዳሉ ሁሉ ተጠቃሚው ላይ ችግር የሚፈጥሩትም ቀላል አይደሉም
የአንድሮይድ ኦፕሬቲንግ ሲስተምን በሚጠቀሙ ስልኮች ላይ የሚገኙ መተግበሪያዎች ቁጥር ከ2 ነጥብ 7 ሚሊየን በላይ መድረሳቸው ይነግራል።
በመላው አለም ከ6 ቢሊየን በላይ የስማርት ስልክ ተጠቃሚዎች ያሉ ሲሆን፥ በአመት ከ200 ቢሊየን በላይ መተግበሪያዎች ይጫናሉ።
እነዚህ መተግበሪያዎች የእለት ተዕለት ህይወትን የሚያቀሉ፣ ስራን የሚያቀላጥፉና መዝናናትን የሚፈጥሩ ናቸው።
አፕ ስቶር ላይ ከሚገኙ መተግበሪያዎች ውስጥ ብናወርዳቸውና ብንጠቀምባቸው ዘርፈ ብዙ ፋይዳ ይኖራቸዋል ያልናቸውን እንጠቁማችሁ:-

Sketchbook
በስዕልና ዲዛይን ላይ ለመስራት ፍላጎት ያላችሁና ባለሙያዎች ስኬችቡክን ይጠቀሙበት። በነጻ የምናገኘው ስኬችቡክ ወረቀትን ከብክነት የታደገ ምርጥ መተግበሪያ ነው ይላል አንድሮይድፖሊስ የተሰኘው ድረገጽ።

Amazon Kindle
ኤሌክትሮኒክ መጽሃፍትን የማንበብ ልምድ ካዳበሩ ደግሞ ኪንድል ቁጥር አንድ ተመራጭ መተግበሪያ ነው። የአማዞን መተግበሪያ የሆነው ይህ ኪንድል እጅግ ውድ የሆኑ መጽሃፍትን፣ ጋዜጦችንና መጽሄቶችን በኦንላይን ለመግዛትና ለማንበብ የሚያስችል ነው።

Slack
ስላክ በቢዝነሱ አለም ያሉ ሰዎችን የሚያገናኝና ስራን የሚያቀል መተግበሪያ ነው። በመላው አለም የሚገኙ በንግድ አለም የሚገኙ ስዎች እንደ አንድ ቡድን እንዲሰሩ እድል የሚፈጥር መልዕክት መለዋወጫ መተግበሪያ ነው።

ZOOM Cloud Meetings
የቪዲዮ ስብሰባን ለማድረግ ተመራጭ የሆነው ዙም አሁንም ተመራጭ መተግበሪያ ሆኖ ቀጥሏል። እስከ 1 ሺህ ሰዎችን በአንዴ ከያሉበት የሚያገናኘው ዙም በነጻ (እስከ 40 ደቂቃ) እና በክፍያ አማራጭ የቀረበ ሲሆን፥ ተአማኒ የመገናኛ መድረክ ነው። የኮቪድ 19 መከሰት ይበልጥ ተፈላጊነቱን የጨመረው ይህ መተግበሪያ ከኮቪድ ወረርሽኝ ማግስትም ተፈላጊነቱ መጨመሩ ተነግሯል።

Samsung Internet Browser
የሳምሰንግ የኢንተርኔት ብሮውዘር ከክሮም በተሻለ ፈጣን ፍለጋን ለማድረግ እንደሚያስችል አንድሮይድ ፖሊስ ድረገጽ ያነሳል። በክሮም ላይ የሚታየውን መንቀራፈፍ እና አላስፈላጊ የፋይሎች ጥርቅም የሚያስቀረው ሳምሰንግ ኢንተርኔት ብሮውዘር ከሳምሰንግ ውጭ ባሉ ስልኮችም አገልግሎት ላይ መዋል ይችላል።

Tor Browser
የጎግል ፍለጋ ውጤታችሁ ሚስጢራዊነቱ የተጠበቀ እንዲሆን ከፈለጋችሁ ቶር ብሮውዘር ተመራጭ ነው። የፍለጋ ውጤቶችን ከሶስተኛ ወገን ስለላ የሚታደገው ይህ መተግበሪያ በነጻ የቀረበ ሲሆን ከቪ ፒ ኤን በተሻለ መልኩ የኢንተርኔት ደህንነትን ለማረጋገጥ ያግዛልም ነው የተባለው።

Khan Academy
በእውቅ ባለሙያዎች የተዘጋጁ ኦንላይን ኮርሶችን ለመውሰድ የካን አካዳሚ መተግበሪያን ማውረድ እንዳይዘነጉ። በፈለጉት ዘርፍ የተዘጋጁ ማጣቀሻ መጽሃፍትን፣ ቪዲዮዎች እና አጫጭር ፈተናዎችን ያካተተው መተግበሪያው፥ በነጻ የቀረበ ሲሆን ለተማሪዎችም ሆነ ለመምህራን ሰፊ እድሎች አሉት።

Duolingo
አዲስ ቋንቋን መማር የምትፈልጉ ደግሞ ዶሊንጎን ይሞክሩት። ከ35 በላይ ቋንቋዎችን ያካተተው ዶሊንጎ ከሀገር ሀገር ለጉብኝትም ሆነ ለስራ ለሚንቀሳቀሱ ሰዎች በአጭር ጊዜ የመግባቢያ ቋንቋዎችን መገብያ መድረክ ነው። የየእለት ልምምዶችን እየመዘገበ ውጤት መስጠቱም በአካል የመማር አይነት ስሜት ይፈጥራል። ችግሩ ግን ከ14 ቀናት የነጻ ሙከራ በኋላ ክፍያ መጠየቁ ነው።

Telegram ቻናሉን በመቀላቀል ስለ ቴክኖሎጂ ይወቁ

https://t.me/+T0kptuiIB6mcfQO4

ምንጭ

https://am.al-ain.com/article/best-android-apps-2023

https://t.me/tomtech740/14