BEKI Square

የዲጂታል ንግድ ወይም ኢኮሜርስ በቀጣይ ዓመት ወደ ስራ እንደሚገባ ተገለፀ

አዲስ አበባ፣ ሰኔ 4፣ 2011 (ኤፍ.ቢ.ሲ) የዲጂታል ንግድ ወይም ኢኮሜርስ በቀጣይ ዓመት ወደ ስራ የሚገባ መሆኑን የኢኖቬሽን እና ቴክኖሎጅ ሚኒስቴር ሚኒስትር ዶክተር ኢንጅነር ጌታሁን መኩሪያ ገለጹ።

ኢኮሜርስ ማንኛውንም ግዥ እና ሽያጭ በኤሌክትሮኒክስ መሳሪያዎች ወይም በኢንተርኔት ማከናወን ሚያስችል ስርዓት ነው።

በዓለም ላይ በተለይም ትልልቅ የሚባሉ እና ስመጥር ኩባንያዎች የሚጠቀሙበት የንግድ ስርዓት ነው ኢኮሜርስ።

የኢኖቬሽን እና ቴክኖሎጅ ሚኒስትሩ ዶክተር ኢንጅነር ጌታሁን መኩሪያ ከጣቢያችን ጋር ባደረጉት ቆይታ የኢኮሜርስ ስርዓት የሚጠቀሙ አለማቀፍ ኩባንያዎች ውጤታማ መሆናቸውን ያነሳሉ።

የኢኮሜርስ ስርዓት የግብይት ስርዓቱን ፍትሃዊ እንዲሆን በማድረግ ረገድ ጉልህ ሚና እንዳለው ነው የሚነገረው።

በሀገራችን አሁን ያለውን ግብይት ዘመናዊ እና ወደ ዲጂታል እንዲቀየር ከማድረጉም በተጨማሪ በሸማቹ እና በነጋዴው መካከል ለሚኖረው ተጠቃሚነት የሚኖረው አስተዋፅኦ ቀዳሚውን ቦታ የሚይዝ መሆኑን ነው ሚኒስትሩ የሚያብራሩት።

የተለያዩ የዓለም ሀገራት የሚተገብሩው ይህ ስርዓትም በግብይት ስርዓት ላይ የሚታዩ ያላግባብ የግብይት ሰንሰለቶችን የሚያስወግድ ነው ተብሏል።

ተጨማሪ ያንብቡ፦https://fanabc.com/2019/06/የዲጂታል-ንግድ-ወይም-ኢኮሜርስ-በቀጣይ-ዓ/