SNNPR prison adminstration communication

የጂንካ ማረሚያ ተቋም ኃላፊ ም/ኩ/ር አስቻለሁ ኔሬሬ መዉሊድ በዓልን አስመልክቶ ለመላው እስልምና እምነት ተከታዮች የእንኳን አደረሳችሁ መልዕክት አስተላለፋ

መላዉ የእስልምና እምነት ተከታዮች የማረሚያ ተቋም ሠራተኞችና የህግ ታራሚዎች እንኳን ለ1498ኛው የነብዩ ሙሃመድ (ሰ.ዐ.ወ) የመውሊድ በአል በሰላም አደረሳችሁ አደረሰን!

መውሊድ የታላቁ የእስልምና ነቢይ የነብዩ ሙሐመድ የልደት በዓል ነው፡፡ ከመውሊድም ሰላምን፣ ፍቅርን፣ ትግስትን፣ አንድነትን እንማራለን።

መውሊድ መተባበርና አብሮነት፤ መተዛዘንና መፈቃቀድ በተግባር የሚገለጽበት ነው። ያለው ለሌለው የሚያካፍልበት፣ ማህበራዊ ትስስሩን የሚጠናከርበት፤ በአንድነት አብሮ የሚያሳልፍበት በዓል ነው።

በመሆኑም ሕዝበ ሙስሊሙ በዓሉን ሲያከብር የነብዩ መሐመድን መልካም አስተምህሮቶች ለትዉልዱ በማስተላለፍ ፣ የተቸገሩትን በማሰብ፣ በመረዳዳትና በመደጋገፍ ሊሆን ይገባል።

ስለሆነም እንኳን ለ1ሺህ 498ኛው የነብዩ መሐመድ መውሊድ በዓል በሰላም አደረሳችሁ፤ አደረሰን እያልኩ፦ በዓሉ የሰላም፣ የደስታ፣ የአብሮነትና አንድነት እንዲሆን እመኛለሁ።

መልካም በዓል!