Ensemble Rustavi

მერაბ კოსტავა და ანზორ ერქომაიშვილი.

9 აპრილი საქართველოს უახლესი ისტორიის ერთ-ერთი ყველაზე ტრაგიკული და ამავდროულად დიდი ერთობის დღეა.

1989 წლის 9 აპრილს რუსთაველის გამზირზე შეკრებილი მშვიდობიანი აქციის მონაწილეები საბჭოთა არმიამ ძალისმიერი მეთოდებით სასტიკად დაარბია. ამ ტრაგედიას 21 უდანაშაულო ადამიანის სიცოცხლე შეეწირა.

მათი თავგანწირვა და თავისუფლებისთვის ბრძოლა გახდა ის ძალა, რომელმაც ჩვენი ქვეყნის დამოუკიდებლობის გზა კიდევ უფრო გაამყარა.

1991 წლის 9 აპრილს საქართველომ ოფიციალურად გამოაცხადა სახელმწიფოებრივი დამოუკიდებლობის აღდგენა. სწორედ ამიტომ, ეს თარიღი ჩვენი ისტორიის ფურცლებზე დარჩა როგორც ტრაგედიის, ტკივილის, მაგრამ ამავე დროს თავისუფლებისა და გამარჯვების დღე.

ვიხსენებთ და პატივს მივაგებთ იმ გმირების ნათელ ხსოვნას, რომლებმაც საკუთარი სიცოცხლის ფასად გაგვიკვალეს გზა თავისუფლებისკენ.

ანსამბლი „რუსთავი“ მწუხარებას გამოთქვამს ჩვენი ანსამბლის სამხატვრო ხელმძღვანელის, მიშო ჯავახიშვილის დედის, ქალბატონი ლალი ჯავახიშვილის გარდაცვალების გამო, ვიზიარებთ თქვენს დიდ ტკივილს, ვუთანაგრძნობთ ოჯახს, ახლობლებს და მეგობრებს. უფალმა მოგცეთ ძალა ამ განსაცდელის გადასატანად.