GameLab Iliauni

4 მაისს, ილიას სახელმწიფო უნივერსიტეტის G106 აუდიტორიაში ცნობილმა პოლონელმა გეიმდიზაინერმა, არტურ მაკსარამ (Artur Maksara), წაიკითხა საჯარო ლექცია თამაშების ინდუსტრიის თემაზე.

ლექცია ჩატარდა ილიაუნის კომპიუტერული და მობილური თამაშების ლაბორატორიის ორგანიზებით და Polish Embassy Tbilisi-ის მხარდაჭერით.

25-27 ნოემბერს, ილიაუნის კომპიუტერული და მობილური თამაშების ლაბორატორიის ორგანიზებით, ჩატარდა Quantum GameJam 2016 - თამაშების შექმნის ჰაკათონი ილიაუნიში, რომელიც 2014 წლიდან ყოველწლიურად ერთდროულად რამდენიმე ქვეყანაში მიმდინარეობს.
კონკურსში გაიმარჯვა თამაშმა - სახელწოდებით, „PinGate“, რომელიც, თავის მხრივ, წარმოადგენს ცნობილი „პინბოლის“ კვანტურ ვარიაციას. გამარჯვებული გუნდის წევრები, კახა ჭავჭავაძე და ლუკა ნადირაძე, 7-9 თებერვალს ბერლინში (გერმანია), Casual Connect-ზე გაემგზავრებიან. საგზურის ღირებულებაა 550$ და მოიცავს ყველა ღონისძიებაზე დასწრების, კვებისა და სასტუმროს საფასურს.

გამარჯვებული თამაში „PinGate“ იხილეთ ბმულზე: https://bartho.itch.io/pingate