Disko Line

Saaffiginnittarfimmi suleqatissatsinnik pissarsiorpugut💻☎️🙏

Disko Line Ilulissani allaffimmut saaffiginnittarfimmi sulerusuttumik pissarsiorpoq.

Inuk ujartugarput tassaavoq inerisimasoq, sullissilluarnermik pingaartitsisoq, ulapaartoqartillugu suliassanik arlalinnik ingerlatsisinnaasoq, kiisalu sulinermik nikerartunik nuannarisalik.

Ujartugarput minnerpaamik kalaallisut qallunaatullu oqalussinnaallunilu allattarsoriarsinnaassaaq.

Saaffiginnittarfimmi sulisup suliassai naatsunnguamik taallugit:

- Saaffiginnittarfimmi sulisup akisussaaffigaa Disko Line-ip angalasartuisa sullinneqarluarnissaat, taassuma ataani billetsinik pisititsinerit, paasissutissanik ingerlatitseqqiinerit, angalasartullu apeqqutaasa akisinnaanissaat.

- Saaffiginnittarfimmi sulisup akisussaaffiisa ilagaat angallavinnik malinnaaviginninneq taakkununngalu soqutiginninnermik takutitsisinnaaneq, taamaasilluni ilaasartutsinnut paasissutissat ingerlatilluarsinnaaqqullugit.

- Saaffiginnittarfimmi sulisup aamma akisussaaffiigaa ullut tamaasa sulitilluni e-mailit nakkutigineqarnissaat, akineqarnissaat ingerlateqqinneqarnissaallu.

- Saaffiginnittarfimmi sulisup akisussaaffiigaattaaq ammasarfiup avataani ilaasartunut pinartoqartillugu attaveqarfissap ikumatittuarnissaa, ilaasartullu taakkua aamma sullinneqarluarnissaat.

Qulaani taakkartorneqartut pissanganartippigit? Taamaappat immaqa tassa illit suleqatissatut ujartugarput.

Qinnuteqaatit tamarmik ugguuna quppernikkut nassiunneqassapput.

Paasisaqarnerorusukkuit angallannermik ataqatigiissaarisoq akisussaasoq, Jens Erik oqarasuaatikkut ugguuna attavigisinnaavat +299 945300 imaluunniit e-mailikkut ugguuna: [email protected].

Qinnuteqarnissamut killigititaq: Piaarnerpaamik. Ingerlaavartumik atorfinitsitsinissaq pillugu oqaloqateqartassaagut. Soqutiginnikkuit attavigitigut.

👉

diskoline.gl