UPLG

5 RANDÉVOU POU RÉFLÉCHI ASI GWADLOUP !
Gwadloupéyen, Gwadloupéyenn,
Le moment est venu de poser les bases de notre avenir. L’UPLG vous invite à participer activement à un cycle de 5 conférences-débats cruciales pour co-construire la Guadeloupe de demain. Économie, environnement, agriculture, éducation, souveraineté : aucun sujet ne sera laissé de côté.
Parce que l'avenir de notre pays se décide avec vous, notez dès maintenant ces rendez-vous essentiels dans vos agendas :
LE PROGRAMME DES RENCONTRES (Tous les vendredis à 18h00) :
Vendredi 12 juin 2026 Saint-François (Salle de la Rotonde)*
Thématique : Ki dévlopman ékonomik pou dèmen ? (Quel développement économique pour demain ?)
Vendredi 19 juin 2026 – Vieux-Habitants (Chez Valdo)
Thématique : Konstui on politik a lanvirònman, a lanati é a litoral an sèvis a Gwadloup. (Construire une politique de l'environnement, de la nature et du littoral au service de la Guadeloupe.)
'Vendredi 3 juillet 2026– Petit-Canal
Thématique : Ki agrikilti pou on Gwadloup a dèmen ? (Quelle agriculture pour la Guadeloupe de demain ?)
Vendredi 10 juillet 2026 Gourbeyre au CGOS
Thématique :Ki lékòl pou timoun Gwadloup ? (Quelle école pour les enfants de la Guadeloupe ?)
Vendredi 17 juillet 2026– Pointe-à-Pitre
Thématique :Kouman fè Gwadloupéyen pwan an men san tranblé lavèni politik a péyi a'y ? (Comment faire pour que les Guadeloupéens prennent en main, sans trembler, l'avenir politique de leur pays ?)
Pou ki sa ?
Ces espaces de réflexion sont ouverts à tous. Que vous soyez citoyen, professionnel, étudiant ou militant, votre voix compte. Venir échanger, proposer et structurer nos forces, c'est refuser de subir et choisir d'agir pour notre territoire.
Ansanm, an nou kalkilé, an nou palé, an nou bati !**
📍 Entrée libre et ouverte à tous.👥 Partagez massivement l'information autour de vous et venez nombreux dès ce vendredi !

On gwo potomitan tonbé : Omaj pou Patrick Solvet ki monté o filao !

Loné épi rèspé !
Gwadloup an dèy, Yè oswa, nou pèd on gran nonm, on militan ki pa té jen manké goumé, é pòté mannèv pou péyi-la : Patrik Solvet.
Épi on fòmasyon a Édikatè Popilè, Patrik té ka kwè adan fòs a pèp-la, adan transmisyon é adan lèspri a Sanblé é liyanné. I té ka kouté, i té ka aprann, é i té ka gidonné jennmoun kon granmoun toulongalé.
On patriyòt angajé pou péyi a-y
Militan pou lendépandans a Péyi-Bannzil Gwadloup, Patrik pa té ka jwé èvè pawòl-lasa. Pou-y, linité é fòs a pèp-la té ka pasé osi adan on angajman solid an lari-la kon adan lézenstitisyon.
I té Konséyé minisipal adan komin Sentann, vil fondal-natal a-y, i té sitèlman enmé.
I té osi Konséyé kominotè adan CARL (Kominotè Aglomérasyon Riviéra du Levant).
I pòté vwa a moun a-y èvè fòs, wouspétans, mé toujou èvè on gran rèspé.
Sété on chouval-bwa pou kilti é tradisyon Gwadloup.
Si jòdijou GwoKa maké anlè lis a patrimwàn mondyal a limanité aka LINÈSKO, fò pa nou obliyé nonm-lasa ki pòté on bèl ganm adan konba-lasa.

Zoutifilé a Fèstival Entènasyonal GwoKa Sentann, i pèrmèt mizik, dansé, chanté é lespri a gwoka rété gaya
Gran amatè a Kousa bèf, i té enmé tradisyon a péyi a-y adan sa ki pi fò é pi fondal an rasin a-y.

Animatè si « Gpe 1ere » , i té ka limé lèspri a moun èvè on émisyon toupatou ka woulé asi tradisyon, pou kilti-la pa janmen pèd fil a-y.
Patrik té sizé an mès épi labitid Gwadloup. Limenm té agrikiltè, i té ka fouyé tè-la é i té konnèt valè a sa nou ka pwodwi. Pou-y, lendépandans té ka pasé osi pa sa nou ka mèt adan kannari an nou : i goumé san san pè, san fè dèyè pou souvrennté alimantè a Gwadloup, pou nou rété mèt a sa nou ka manjé.

« Lè on gran nonm konsa ka pati, sé on limyè ki ka étenn, sé on bibliyotèk ki ka brilé. »
Patrik Solvet kité nou, mé tras i lésé fò é i ké rété gravé adan mémwa a Sentann é adan kè a tout pèp Gwadloup.

On gwo potomitan tonbé, men gran bwa ka rété doubout gras a grenn i simé.

Fòs é kouraj ba fanmi a-y, kanmarad a-y, é tout pèp gwadloup ki ké kontinyé enmé-y.
Patrik, vwayajé adan lapé, tè-la ké ba-w fòs é ké rété léjè pou-w.

Sentann, jòdi mawdi 9 jen 2026
JanJakòb BICEP
Pou biwo politik a UPLG