Boranchu Srikanth Reddy

5కే మారథాన్‌లో పాల్గొన్న మార్కెట్ కమిటీ చైర్మన్ బోరంచు శ్రీకాంత్ రెడ్డి*

ఆదిలాబాద్ పట్టణంలో సోమవారం నిర్వహించిన “ప్రజా పాలన – ప్రగతి ప్రణాళిక” 5కే మారథాన్ కార్యక్రమంలో ఆదిలాబాద్ వ్యవసాయ మార్కెట్ కమిటీ చైర్మన్ బోరంచు శ్రీకాంత్ రెడ్డి పాల్గొన్నారు. జిల్లా యువజన మరియు క్రీడాశాఖ ఆధ్వర్యంలో నిర్వహించిన ఈ మారథాన్‌లో జిల్లా అదనపు కలెక్టర్ రాజేశ్వర్ రావు, మున్సిపల్ చైర్ పర్సన్ బండారి అనూషతో కలిసి ఆయన పాల్గొని యువతలో ఆరోగ్య చైతన్యం, క్రీడాస్ఫూర్తి పెంపొందించాల్సిన అవసరాన్ని తెలిపారు.ఈ సందర్భంగా బోరంచు శ్రీకాంత్ రెడ్డి మాట్లాడుతూ యువత ఆరోగ్యంగా ఉండాలంటే క్రీడలకు ప్రాధాన్యం ఇవ్వాలని అన్నారు. ఇలాంటి కార్యక్రమాలు యువతను మంచి మార్గంలో నడిపించడంలో కీలక పాత్ర పోషిస్తాయని పేర్కొన్నారు. కార్యక్రమంలో యువత, క్రీడాకారులు, అధికారులు తదితరులు పాల్గొన్నారు.

ఆదిలాబాద్ మార్కెట్ పరిధి రైతుల జొన్నలకే ప్రాధాన్యం*
షెడ్యూల్ ప్రకారమే జొన్నలు తీసుకురావాలి : మార్కెట్ కమిటీ చైర్మన్ బోరంచు శ్రీకాంత్ రెడ్డి*

ఆదిలాబాద్: ఆదిలాబాద్ వ్యవసాయ మార్కెట్ పరిధిలోకి వచ్చే రైతులు మాత్రమే జొన్నలను ఆదిలాబాద్ మార్కెట్ యార్డుకు తీసుకురావాలని వ్యవసాయ మార్కెట్ కమిటీ చైర్మన్ బోరంచు శ్రీకాంత్ రెడ్డి సూచించారు.దళారులు ఇతర ప్రాంతాల నుండి జొన్నలను ఆదిలాబాద్ మార్కెట్‌కు తీసుకువస్తున్నారనే సమాచారంతో ఈ నిర్ణయం తీసుకున్నామని ఆయన వెల్లడించారు. ముందుగా ఆదిలాబాద్ వ్యవసాయ మార్కెట్ పరిధిలోని రైతుల జొన్నల కొనుగోలు పూర్తిచేసిన అనంతరం జిల్లాలోని ఇతర ప్రాంతాల రైతుల జొన్నల కొనుగోలు చేపడతామని స్పష్టం చేశారు.షెడ్యూల్ ప్రకారం జొన్నలు తీసుకువచ్చిన రైతుల కొనుగోలు ప్రక్రియను వేగంగా పూర్తి చేస్తామని తెలిపారు. ప్రతి రైతు తప్పనిసరిగా అధికారులు కేటాయించిన షెడ్యూల్ ప్రకారమే మార్కెట్ యార్డుకు జొన్నలను తీసుకురావాలని కోరారు.
శనివారం మార్కెట్ యార్డును సందర్శించిన శ్రీకాంత్ రెడ్డి కొనుగోలు ప్రక్రియను పరిశీలించి రైతులతో మాట్లాడారు. రైతులకు ఎలాంటి ఇబ్బందులు కలగకుండా చర్యలు తీసుకుంటామని, మార్కెట్‌లో పారదర్శకంగా కొనుగోళ్లు నిర్వహిస్తామని తెలిపారు.

రాజీవ్ గాంధీ జ్యోతి యాత్రకు ఘన స్వాగతం*
రాజీవ్ గాంధీ ఆశయాలు యువతకు స్ఫూర్తి : బోరంచు శ్రీకాంత్ రెడ్డి*

ఆదిలాబాద్: స్వర్గీయ మాజీ ప్రధాని రాజీవ్ గాంధీ దేశ అభివృద్ధికి చేసిన సేవలు చిరస్మరణీయమని ఆదిలాబాద్ వ్యవసాయ మార్కెట్ కమిటీ చైర్మన్ బోరంచు శ్రీకాంత్ రెడ్డి అన్నారు. తమిళనాడులోని శ్రీపెరంబదూర్ నుంచి ఢిల్లీలోని వీరభూమి వరకు కొనసాగుతున్న రాజీవ్ గాంధీ జ్యోతి యాత్ర ఆదివారం ఆదిలాబాద్‌కు చేరుకుంది.
ఈ సందర్భంగా నియోజకవర్గం ఇంచార్జి కంది శ్రీనివాస్ రెడ్డి, మాజీ మార్కెట్ కమిటీ చైర్మన్ అల్లూరి సంజీవరెడ్డితో కలిసి బోరంచు శ్రీకాంత్ రెడ్డి డీసీసీ కార్యాలయంలో జ్యోతి యాత్ర బృందానికి ఘన స్వాగతం పలికారు. రాజీవ్ గాంధీ దేశంలో సమాచార సాంకేతిక రంగానికి పునాది వేసిన దూరదృష్టి కలిగిన నాయకుడని కొనియాడారు. యువతకు కొత్త అవకాశాలు కల్పిస్తూ ఆధునిక భారత నిర్మాణానికి ఆయన విశేష కృషి చేశారని తెలిపారు.రాజీవ్ గాంధీ మృతి దేశానికి తీరని లోటని పేర్కొన్నారు. ఆయన ఆశయాలు, సిద్ధాంతాలను కాంగ్రెస్ పార్టీ ముందుకు తీసుకెళ్తుందని తెలిపారు. ప్రతి ఏడాది రాజీవ్ గాంధీ స్మారక జ్యోతి యాత్ర నిర్వహిస్తున్న శామ్యూల్ ద్రవ్యం మరియు యాత్ర బృందాన్ని అభినందించారు.ఈ కార్యక్రమంలో కాంగ్రెస్ నాయకులు, కార్యకర్తలు, ప్రజాప్రతినిధులు పాల్గొన్నారు.