Bhakti Typing & Computer Institute Govt.recognised

अभिनंदन
महाराष्ट्र राज्य परीक्षा परीषद पुणे यांचे मार्फत
मार्च 2021 मध्ये घेण्यात आलेल्या
शासकिय GCC-TBC काॅम्प्युटर टायपिंग स्पिड परीक्षेचा
निकाल नुकताच ऑनलाईन जाहिर झाला.
त्यामध्ये आमचे
"शासनमान्य भक्ती काॅम्प्युटर टायपिंग इन्स्टिट्युट, अकलुज" या संस्थेतील विद्यार्थ्यांनी
उज्ज्वल यश संपादन केले.
सदर परीक्षेचे प्रमाणपत्र शासकिय तसेच निमशासकिय
खात्यांमध्ये लिपिक (क्लार्क) पदांसाठी अनिवार्य असते.
सर्व यशस्वी विद्यार्थ्यांचे अभिनंदन.

भक्ती टाईपरायटिंग अँड कॉम्प्युटर टायपिंग इन्स्टिट्यूट, अकलूज या संस्थेच्या वतीने रक्तदान शिबिर संपन्न

भक्ती कॉम्प्युटर टायपिंग इन्स्टिट्यूट अकलूज या शासनमान्य संस्थेच्या रौप्यमहोत्सवी वर्षानिमित्त आयोजित रक्तदान शिबिरमध्ये 25 रक्तदात्यांनी रक्तदान केले.
या शिबिराचा प्रारंभ अहिल्याबाई होळकर कनिष्ठ महाविद्यालय इंदापूर चे प्रा. जावेद शेख, आतापर्यंत 36 वेळा रक्तदान केलेले श्री. किशोर घोडके, रोटरी क्लब अकलूज चे अध्यक्ष डॉ. बाहुबली दोशी, कायदेतज्ञ भारत गोरवे, रक्तदाते विद्यार्थी आदेश टिळेकर यांच्या शुभहस्ते श्री गणेश प्रतिमा पूजन व दीपप्रज्वलनाने झाला.
प्राध्यापक जावेद शेख यांनी सध्याच्या कोविड परिस्थितीत गरजू रुग्णांसाठी रक्तदानाची नितांत गरज असल्याचे लक्षात घेऊन भक्ति कॉम्प्युटर टायपिंग इन्स्टिट्यूट अकलूज या संस्थेने रौप्य महोत्सवी वर्षानिमित्त हा स्तुत्य उपक्रम राबवीला असल्याचे सांगत या संस्थेतील 1995-96 सालचा प्रथम विद्यार्थी या नात्याने माझ्या हस्ते या शिबिराचे उद्घाटन केले याचा मला मोठा अभिमान वाटत असल्याचे सांगत जुन्या आठवणींना उजाळा दिला.

श्री.किशोर घोडके यांनी या शिबिरात 37 व्या वेळा रक्तदान करत गरजू रुग्णाला तातडीने जर रक्त उपलब्ध झाले तर त्याचा प्राण वाचू शकतो, रक्तदान ही एक चळवळ बनून रक्तदानासाठी पात्र असणाऱ्या व्यक्तीने किमान वर्षातून दोन वेळेस का होईना रक्तदान केले पाहिजे असे मत व्यक्त केले.
रोटरी क्लब, अकलूज चे अध्यक्ष डॉक्टर बाहुबली दोशी यांनी रक्तदानाचे महत्त्व विशद करत रक्तदात्यांच्या मनात रक्तदाना बाबत असणारी भीती/अंधश्रद्धा चे निराकरण करत रक्तदाता व्यक्ती दर तीन महिन्यांनी रक्तदान करू शकतो असे सांगत तसेच बहुतांशी महिलांच्या बाबतीत हिमोग्लोबिनचे प्रमाण कमी असल्याने त्या रक्तदानासाठी सक्षम नसल्याचे सांगत हिमोग्लोबीन विषयी जागृकता निर्माण केली.
कायदेतज्ञ भारत गोरवे यांनी भक्ति कॉम्प्युटर टायपिंग इन्स्टिट्यूट अकलुज ह्या संस्थेने विद्यार्थ्यांना टायपिंगचे-कॉम्प्युटरचे अद्यावत प्रशिक्षण देण्याबरोबरच विद्यार्थ्यांसाठी ग्रंथालय, विविध व्याख्याने, स्पर्धा परीक्षा मार्गदर्शन, व्यक्तिमत्व विकास, रक्तदान शिबिर अशा माध्यमातून सामाजिक बांधिलकी जपल्याचे सांगत संस्थेचे प्राचार्य गजानन जवंजाळ, नितीन दुरणे सर यांचे हे कार्य कौतुकास्पद असल्याचे सांगितले.
आदेश टिळेकर, किरण भगत, शिवाजी बागव, गणेश जाधव, शैलेश रेळेकर, पांडुरंग पवार, किशोर घोडके, आशीर्वाद सूर्यवंशी, शाहरुख शेख, अनिकेत गोंदकर, संतोष मुळे, सलीम बागवान, तुषार वाघमोडे, परितोष अधटराव, आकाश महादार, वैभव जामदार, नवनाथ गेजगे, गोविंद जाधव, मंगेश पवार, स्वप्नील साठे, प्रा संदीप कांबळे, हनुमंत घोडके, अस्लम मुजावर, अमोल लोखंडे आणि स्नेहल उरणे यांनी रक्तदान करत या सामाजिक कार्यात हातभार लावला.