Chippy Angamaly

👌ബീഫ് കട്ട്ലെറ്റ്👌
------------------------

ആദ്യം വലിയ ഉരുളക്കിഴങ്ങ് (കാല്‍ കിലോ) കുക്കറില്‍ നല്ല പോലെ വേവിച്ചു ചൂടാറാന്‍ വെക്കുക. അരക്കിലോ ബീഫ്, മസാലകള്‍ എല്ലാം ചേര്‍ത്ത് നല്ലപോലെ വെള്ളം വറ്റിച്ചു വേവിച്ചെടുക്കുക. വേവിച്ചെടുത്ത ബീഫ് ചീനച്ചട്ടിയില്‍ നല്ലപോലെ വറുത്തു കോരുക.
വറുത്തു കോരിയ ബീഫ് മിക്സിയില്‍ അരച്ചെടുക്കുക. (വളരെ അരയാതെ, തരി തരി പോലെ അരച്ചെടുക്കുക.)മൂന്നു - രണ്ടു സവാളയും പച്ചമുളക്, ഇഞ്ചി, വെള്ളുത്തുള്ളി കറിവേപ്പില എന്നിവയും കൂടെ, സവാള നന്നായി വേവുന്നവരെ വഴറ്റി എടുക്കുക. (ഇതില്‍ എണ്ണ കൂടാതെ നോക്കണം. എണ്ണ കൂടിയാല്‍ പിന്നെ കത്ലട്റ്റ് മാവിന് ലൂസ് വരും.)ഇതിനിടയില്‍ നേരത്തെ മാറ്റി വെച്ച ഉരുളക്കിഴങ്ങ് തൊലി കളഞ്ഞു ഒരു മരതവിയുടെ സഹായത്തോടെ ഉടച്ചു ഉടച്ചു എടുക്കുക.(മിക്സിയില്‍ ചേര്‍ത്ത് അരക്കരുത്) ഇനി സവാള വേവിച്ചത് എടുത്തു മിക്സിയില്‍ വെച്ച് അരക്കുക. ശേഷം, ഉരുളക്കിഴങ്ങ് പൊടിച്ചതും, ബീഫ് പൊടിച്ചതും മസാല പൊടിച്ചതും കൂടെ മാനുവല്‍ ആയി മിക്സ് ചെയ്യുക. ഇഷ്ട്ടമുള്ള രൂപത്തില്‍ പരതി എടുത്ത്, മുട്ടയുടെ വെള്ളയില്‍ മുക്കി, റസ്ക് പൊടിയില്‍ ഉരുട്ടി എടുത്ത്, ചൂടുള്ള എണ്ണയില്‍ ഇട്ടു വറുത്തു കോരുക.

🍴പിസാദോശ🍴
--------------------

ചേരുവകള്‍:
1. അരി മാവ് - 1 കപ്പ്
2. സവാള ചെറുതായി അരിഞ്ഞത് - 1 കപ്പ്
ഇഞ്ചി അരിഞ്ഞത് - ഒരു ചെറിയ കഷണം
തക്കാളി ചെറുതായി അരിഞ്ഞത് - 2 വലുത്
ഉപ്പ് - പാകത്തിന്
വെള്ളം - പാകത്തിന്
3. മുട്ട - 2
4. എണ്ണ - ആവശ്യത്തിനു
5. മല്ലിയില അരിഞ്ഞത് - പാകത്തിന്

പാകം ചെയ്യുന്ന വിധം:
ഇത്രയും സാധനങ്ങള്‍ ഒരുമിച്ച് കുഴച്ച് ദോശയ്ക്ക് മാവ് കലക്കുന്നതിനെക്കാള്‍ അല്പം കൂടി കട്ടിയായി കലക്കുക
ദോശക്കല്ലില്‍ എണ്ണ പുരുട്ടി മാവിന്‍റെ കൂട്ടൊഴിച്ചു തിരിച്ചും മറിച്ചുമിട്ട്‌ ചുട്ടെടുക്കുക .
അലംകരികാനായി പകുതി കുക്ക് ആകുമ്പോള്‍ മുകളില്‍ നീളത്തില്‍ അരിഞ്ഞ തകളിയും ,ഉള്ളിയും , ക്യപ്സികവും .. ഇടവുനതാണ് ..