Barelvi

Prayer Times | Dawat E Islami


Ab koi Sahab ye keh sakte hain k Awaam ke gumaan se 'Prayer Times' App banane walon par kya ilzaam jaari ho sakta hai, unhone to updated version me ehtiaat ka zikr kar dia hai!

Toh is silsile me aap khud agar ghaur karein toh ye payenge k aksar Awaamun-Naas k liye banaya gaya hai jo Aksar Ilmut Tauqeet se naawaaqif hain. Aur usse qata' nazar, app walon ne toh apne latest updated version me ye likha hai k is app me 'Sahar-o-Iftaar' me elevation ka iste'maal kia gaya hai, halanke 'Sahar' me qat'an apne elevation iste'maal nahi kia lihaza jo aapne likha, '1 minute in Sehri' wahi reh gaya.

Ab 1 minute ki ehtiaat ye apke nazdeek kaisi ehtiaat hai? Phir jab ek hi minute se kaam ban jata hai toh Aala Hazrat aur deegar Akaabireen ne 4-5 minute ki ehtiaat kyunkar iste'maal farmaai?

Raha wo mas'ala jo Pahadi ilaaqon me pesh aayega, jaisa k Almora, India ka, jiske muta'alliq Aala Hazrat ne Elevation k liye waqt lene k baad uspe 4-5 minute ki ehtiaat shaamil farmaai usme apke yahan ehtiaat ki kya banegi?

Alhasil ye k ehtiaati system is app me bada ajeeb hai aur ba'z wo jagahein jaise Indio, USA jiska elevation hi 'Zero' feet hai, wahan toh app me ehtiaat zero hui aur uspe ghaayat 1 minute notes k hisaab se badha bhi liye toh wahi baat aa g*i k ye konsi ehtiaat hai?