Dimple v Mehta

🗓️ दिनांक: ११ जुलै २०२६ |📍 स्थळ: पंडित भीमसेन जोशी रुग्णालय

मी आज पंडित भीमसेन जोशी रुग्णालयात भेट देऊन गोविंद नगर, मिरा रोड येथील एक्वारिया इमारतीत झालेल्या आग दुर्घटनेत धुरामुळे बाधित होऊन उपचार घेत असलेल्या २१ नागरिकांची विचारपूस केली.

शुक्रवारी मध्यरात्री घडलेल्या या दुर्घटनेत इमारतीच्या मीटर बॉक्सला लागलेल्या आगीमुळे मोठ्या प्रमाणात धूर पसरला होता. या धुरामुळे बाधित झालेल्या २१ नागरिकांवर सध्या रुग्णालयात उपचार सुरू असून त्यांच्या प्रकृतीची माहिती घेतली.
रुग्णांना तातडीने व सर्वोत्तम वैद्यकीय उपचार उपलब्ध करून देण्याबाबत रुग्णालय प्रशासनाला आवश्यक सूचना दिल्या. तसेच पालिका प्रशासनामार्फत आवश्यक ती सर्व मदत उपलब्ध करून दिली जाईल, अशी ग्वाही यावेळी दिली.
याप्रसंगी उपमहापौर श्री. ध्रुवकिशोर पाटील, नगरसेवक श्री. भगवती शर्मा व श्री. सुरेश खंडेलवाल उपस्थित होते.

देशाच्या सुरक्षेसाठी दृढ नेतृत्व, राष्ट्रहिताला सर्वोच्च प्राधान्य आणि अथक कार्य यासाठी ओळखले जाणारे भारताचे संरक्षणमंत्री मा. श्री. राजनाथ सिंह जी यांना वाढदिवसानिमित्त हार्दिक शुभेच्छा! उत्तम आरोग्य, दीर्घायुष्य आणि निरंतर यश लाभो, हीच सदिच्छा.

मिरा-भाईंदर शहरातील नागरिकांच्या सुरक्षिततेसाठी रस्ते दुरुस्ती व वाहतूक व्यवस्थापनास सर्वोच्च प्राधान्य

पावसाळ्याच्या पार्श्वभूमीवर मिरा-भाईंदर शहरातील नागरिकांच्या सुरक्षिततेस सर्वोच्च प्राधान्य देत शहरातील खराब झालेल्या रस्त्यांची तातडीने दुरुस्ती, वाहतुकीस अडथळा ठरणाऱ्या बाबी दूर करणे तसेच मेट्रो प्रकल्पाच्या कामांमुळे निर्माण झालेल्या अडचणींवर प्रभावी उपाययोजना करण्यासाठी आज माझ्या अध्यक्षतेखाली संबंधित विभागांची आढावा बैठक आयोजित करण्यात आली.

बैठकीत शहरातील विविध रस्त्यांची सद्यस्थिती, पावसामुळे निर्माण झालेले खड्डे, रस्त्यांची झालेली दुरवस्था, वाहतूक कोंडी तसेच नागरिकांच्या सुरक्षिततेशी संबंधित विविध बाबींचा सविस्तर आढावा घेण्यात आला.

यावेळी MMRDA, महानगरपालिका व वाहतूक पोलिस विभागास शहरातील सर्व खड्डे तातडीने बुजविणे, रस्ते दुरुस्तीची कामे युद्धपातळीवर पूर्ण करणे, काम सुरू असलेल्या ठिकाणी आवश्यक त्या ठिकाणी सुरक्षित बॅरिकेडिंग करणे तसेच मेट्रो प्रकल्पासाठी रस्त्यालगत ठेवण्यात आलेली यंत्रसामग्री, बांधकाम साहित्य व इतर साहित्य तात्काळ हटवून वाहतुकीसाठी रस्ते मोकळे ठेवण्याचे स्पष्ट निर्देश दिले.

तसेच रस्त्याच्या दुतर्फा होणाऱ्या अनधिकृत वाहन पार्किंगवर कठोर कारवाई करण्याच्या सूचना देण्यात आल्या. मेट्रो पुलाखालील मोकळ्या जागांमध्ये काही बेघर व्यक्ती वास्तव्यास असून तेथे स्वयंपाक करणे तसेच नागरिकांकडून विनानियोजितपणे रस्ता ओलांडला जात असल्याने गंभीर अपघात होण्याची शक्यता लक्षात घेता संबंधित विभागांनी समन्वय साधून आवश्यक त्या प्रतिबंधात्मक उपाययोजना तातडीने राबवाव्यात, असे निर्देशही यावेळी देण्यात आले.

या बैठकीस मा. आयुक्त श्री. राधाबिनोद अ. शर्मा (भा.प्र.से.), मा. उपमहापौर श्री. ध्रुवकिशोर पाटील, मा. स्थायी समिती सभापती श्री. हसमुख गहलोत, मा. पोलीस उपायुक्त श्री. राहुल चव्हाण (भा.पो.से.), मा. सभागृह नेते श्री. रवि व्यास, शहर अभियंता श्री. दीपक खांबित, MMRDA च्या अधीक्षक अभियंता सौ. योजना पाटील, सहाय्यक पोलीस आयुक्त (वाहतूक) श्री. सतीश शिवरकर, वरिष्ठ पोलीस निरीक्षक (वाहतूक) श्री. प्रफुल्ल वाघ, जे. कुमार कंपनीचे प्रतिनिधी तसेच महानगरपालिकेचे कार्यकारी अभियंते, उपअभियंते व संबंधित कंत्राटदार उपस्थित होते.

आज, दि. ७ जुलै २०२६ रोजी माझ्या अध्यक्षतेखाली मीरा-भाईंदर महानगरपालिकेत दोन महत्त्वपूर्ण बैठका आयोजित करण्यात आल्या.

नुकत्याच सुरू झालेल्या पावसाच्या पार्श्वभूमीवर संभाव्य आपत्तीजन्य परिस्थितीला प्रभावीपणे सामोरे जाण्यासाठी स्थायी समिती सभागृहात आढावा बैठक घेण्यात आली. या बैठकीत आपत्कालीन परिस्थितीत तात्काळ प्रतिसाद, विविध विभागांची सज्जता, परस्पर समन्वय तसेच नागरिकांच्या सुरक्षिततेसाठी आवश्यक उपाययोजनांचा सविस्तर आढावा घेण्यात आला.

तसेच आगामी आषाढी एकादशी निमित्त राष्ट्रीय महामार्गावरील काशीगाव जरी मारी तलाव तसेच भाईंदर (पूर्व) नवघर येथील तलावाशेजारील उद्यानात उभारण्यात आलेल्या श्री विठ्ठल मूर्तीच्या महापालिकेतर्फे होणाऱ्या पूजा, अभिषेक व आरती कार्यक्रमाच्या नियोजनाबाबत बैठक आयोजित करण्यात आली. कार्यक्रमाच्या सुरळीत व सुरक्षित आयोजनासाठी आवश्यक सुविधा, विभागनिहाय जबाबदाऱ्या आणि समन्वयाबाबत संबंधित अधिकाऱ्यांना आवश्यक सूचना देण्यात आल्या.

यावेळी आयुक्त राधाबिनोद शर्मा, उपमहापौर ध्रुवकिशोर पाटील, स्थायी समिती सभापती हसमुख गहलोत, विरोधी पक्षनेत्या आफरीन हुसेन, अतिरिक्त आयुक्त संभाजी पानपट्टे, अतिरिक्त आयुक्त प्रियंका राजपूत, शहर अभियंता दीपक खांबित, तहसीलदार प्रथमेश भुर्क, सर्व उपायुक्त, विविध विभागांचे अधिकारी-कर्मचारी तसेच प्रभाग समितीचे अधिकारी उपस्थित होते.

नागरिकांच्या सुरक्षिततेला सर्वोच्च प्राधान्य देत पावसाळ्यातील आपत्ती व्यवस्थापन तसेच आषाढी एकादशी निमित्त होणाऱ्या धार्मिक कार्यक्रमांचे नियोजन प्रभावी, सुरक्षित आणि सुव्यवस्थित पद्धतीने राबविण्यासाठी महानगरपालिका प्रशासनाने आवश्यक तयारी पूर्ण करण्याच्या सूचना यावेळी देण्यात आल्या.

#मीराभाईंदरमहानगरपालिका #महापौर #आपत्तीव्यवस्थापन #आषाढीएकादशी #श्रीविठ्ठल #नागरिकसुरक्षा #जनसेवा