Islamic way

🍀വെള്ളം നൽകലാണ് ഏറ്റവും നല്ല ദാനം എന്ന് പരിശുദ്ധ നബി സല്ലല്ലാഹു അലൈഹിവസല്ലം നമ്മെ പഠിപ്പിക്കുന്നു.

നമ്മുടെ ഇപ്പോഴത്തെ സാഹചര്യത്തിലും അറേബ്യയിലെ സാഹചര്യത്തിൽ വിശേഷിച്ചും വളരെ പ്രധാനപ്പെട്ട ഒന്നാണ് വെള്ളം. ജനങ്ങൾക്ക് ആവശ്യമുള്ളത് ആവശ്യമുള്ള സമയത്ത് നൽകുമ്പോഴാണ് സഹായ പ്രവർത്തനങ്ങൾ മഹത്തരം ആകുന്നതെന്ന് പ്രസ്തുത ഹദീസ് നമ്മോട് പറയുന്നു.

മരണപ്പെട്ട തന്റെ ഉമ്മാക്ക് വേണ്ടി എന്ത് നല്ല പ്രവർത്തനമാണ് ചെയ്യുവാൻ കഴിയുക എന്ന് ഒരു ശിഷ്യന് ചോദിക്കുമ്പോൾ അതിനു മറുപടിയായി നബിസല്ലല്ലാഹു അലൈഹി വസല്ലമ അദ്ദേഹത്തോട് പറഞ്ഞത് കിണർ കുഴിച്ച് കൊടുക്കാനാണ് .

മനുഷ്യ ജീവൻറെ നിലനിൽപ്പിനു പോലും അത്യാവശ്യ ഘടകമായ വെള്ളം ദാനം ചെയ്യുന്നതിന്റെ മഹത്വമാണ് ഇസ്ലാം ഇതിലൂടെ പഠിപ്പിക്കുന്നത്.

പാവങ്ങൾക്ക് ഭക്ഷണം കൊടുക്കാൻ പ്രേരിപ്പിക്കാത്തവനെ മതത്തെ നിഷേധിച്ചവൻ എന്ന് ഖുർആൻ വിശേഷിപ്പിക്കുന്നു. പ്രയാസം അനുഭവിക്കുന്നവരുടെ കണ്ണീരൊപ്പാനും അവർക്ക് ആശ്വാസം നൽകാനും ഒരു വിശ്വാസി എങ്ങിനെ ഇടപെടണമെന്ന് ഈ ഹദീസിലൂടെ നമുക്ക് വായിച്ചെടുക്കാം.

ഭൂമിയിൽ ഒരാളുടെ പ്രയാസം നീക്കിയാൽ മരണാനന്തര ലോകത്ത് അവൻറെ പ്രയാസം അല്ലാഹു ഒഴിവാക്കുമെന്ന് ഇസ്ലാമിക പഠനങ്ങളിൽ നമുക്ക് വായിച്ചെടുക്കാനാവും.

ഭക്ഷണം, വെള്ളം ,പാർപ്പിടം തുടങ്ങിയ മാനുഷിക ആവശ്യങ്ങൾ ലഭിക്കാതെ പ്രയാസപ്പെടുന്നവർക്ക് അത് ലഭ്യമാക്കൽ ദൈവത്തോടുള്ള ആരാധനയുടെ ഭാഗമായി ഇസ്ലാം കാണുന്നു.

🤲 നന്മകൾ പഠിക്കാനും, സഹജീവികളെ സഹായിക്കാനും അല്ലാഹു നമുക്ക് തൗഫീഖ് നൽകി അനുഗ്രഹിക്കട്ടെ .... ആമീൻ

👉 തുടർന്നും ഉപകാരപ്രദമായ അറിവുകൾക്കായി Islamic way എന്ന ഈ പേജ് ഫോളോ ചെയ്യുക.
🔁 അറിവുകൾ മറ്റുള്ളവരിലേക്ക് എത്തിക്കാൻ ഇത് ഷെയർ ചെയ്യുമല്ലോ...