TriGo Consultancy Services

പല ബാങ്കുകളും ധനകാര്യ സ്ഥാപനങ്ങളും ലോൺ തുക മുഴുവൻ ലഭിച്ച ശേഷം ഈട് വച്ച രേഖകൾ തിരിക നൽകാതെ വച്ച് താമസിപ്പിക്കുന്നത് സംബന്ധിച്ച് പരാതികൾ നിരവധി ലഭിച്ച പശ്ചാത്തലത്തിൽ, ലോൺ തുക മുഴുവൻ തിരിച്ചടയ്ച്ചു കഴിഞ്ഞാൽ 30 ദിവസത്തിനുള്ളിൽ ഈട് വച്ച പ്രമാണങ്ങൾ ഉൾപ്പെടെയുള്ള രേഖകൾ ബാങ്കുകൾ കടം വാങ്ങിയ ആളിന് തിരികെ നൽകണമെന്ന് റിസർവ് ബാങ്ക് ഉത്തരവ്‌ ഇറക്കി.

30 ദിവസത്തിനുള്ളിൽ തിരികെ നൽകാത്ത പക്ഷം രേഖകൾ തിരികെ നല്കുന്നത് വരെയുള്ള ഓരോ ദിവസത്തിനും 5000 രൂപ വീതം കടം വാങ്ങിയ ആളിന് പിഴ നൽകണം.

രേഖകൾക്ക് കേടുപാട് ഉണ്ടായാലോ അവ നശിച്ചാലോ ബാങ്ക്‌ സ്വന്തം കാശ് മുടക്കി പുതിയ രേഖകൾ തയ്യാറാക്കി കൊടുക്കണം. അതിന് 30 ദിവസത്തെ സമയം കൂടി ബാങ്കിന് ലഭിക്കും.

പുതിയ ലോൺ കരാറുകളിൽ രേഖകൾ എത്ര സമയത്തിനുള്ളിൽ ഏത് ഓഫീസിൽ നിന്നും തിരികെ ലഭിക്കുമെന്ന വ്യവസ്‌ഥ ഉണ്ടായിരിക്കണം എന്നും ആർ ബി ഐ ഉത്തരവിൽ പറയുന്നു.

മരണാനന്തരം അവകാശികൾക്ക് രേഖകൾ കൈമാറാനുള്ള നടപടിക്രമവും ആർ ബി ഐ നിർദ്ദേശിച്ചിട്ടുണ്ട്.
www.trigoloans.in
wa.me/+919495321101/