M K Raghavan

പുതുയുഗം പിറന്നു

ആദ്യ മന്ത്രിസഭാ യോഗത്തിൽ തന്നെ കേരളത്തിന്റെ മനം നിറച്ച് മുഖ്യമന്ത്രി ശ്രീ. വി ഡി സതീശൻ നയിക്കുന്ന ടീം UDF

ചരിത്ര വിജയം നേടിയ ടീം യുഡിഎഫിനെ, കേരളത്തെ ഇനി വി.ഡി സതീശൻ നയിക്കും.

വിദ്യാർത്ഥി പ്രസ്ഥാനത്തിലൂടെ കടന്നുവന്ന്, മികച്ച നിയമസഭാ സമാജികനായി തിളങ്ങി, അഞ്ചുവർഷക്കാലം ജനദ്രോഹ സർക്കാരിനെതിരെ പോരാടിയ വി.ഡിയ്ക്ക് പുതിയ നിയോഗത്തിലും ശോഭിക്കാൻ സാധിക്കുമെന്ന് ഉറപ്പാണ്.

വി.ഡി സതീശനും പുതിയ ടീമിനും അഭിവാദ്യങ്ങൾ...

കോഴിക്കോട് റെയിൽവേ സ്റ്റേഷന്റെ പുനർനിർമ്മാണവുമായി ബന്ധപ്പെട്ട പ്രതിസന്ധികൾക്കും, യാത്രക്കാർ നേരിടുന്ന കടുത്ത യാത്രാക്ലേശത്തിനും പരിഹാരം കാണുന്നതിനായി കഴിഞ്ഞ ദിവസം സതേൺ റെയിൽവേ ജനറൽ മാനേജറുമായി കോഴിക്കോട് റെയിൽവേ സ്റ്റേഷനിൽ വെച്ച് കൂടിക്കാഴ്ച നടത്തി.

റെയിൽവേയുടെ വികസനവുമായി ബന്ധപ്പെട്ട പ്രധാന വിഷയങ്ങൾ ചർച്ചയായി

വൈകുന്നേരം 6.30-നും 10-നും ഇടയിൽ കണ്ണൂർ ഭാഗത്തേക്ക് ട്രെയിനുകളില്ലാത്തത് വലിയൊരു പരാതിയായിരുന്നു. ഇതിന് പരിഹാരമായി രാവിലെ മംഗലാപുരത്ത് നിന്ന് ആരംഭിച്ച് വൈകുന്നേരം തിരിച്ചുപോകുന്ന രീതിയിൽ പുതിയ സ്പെഷ്യൽ ട്രെയിൻ സർവ്വീസ് ആരംഭിക്കാമെന്ന് ജനറൽ മാനേജർ ഉറപ്പുനൽകി. ഇത് വിദ്യാർത്ഥികൾക്കും യാത്രക്കാർക്കും വലിയ ആശ്വാസമാകും.

കോഴിക്കോട് റെയിൽ വേ സ്റ്റേഷൻ പുനർനിർമ്മാണം ഇഴഞ്ഞുനീങ്ങുന്നതിലുള്ള ശക്തമായ പ്രതിഷേധം അറിയിച്ചു. ഇതിനെത്തുടർന്ന് നിർമ്മാണക്കമ്പനിക്ക് ഉടൻ കാരണംകാണിക്കൽ നോട്ടീസ് നൽകാനും, മറുപടിയുടെ അടിസ്ഥാനത്തിൽ തുടർ നടപടികൾ സ്വീകരിക്കാനും, നിർമ്മാണം വേഗത്തിലാക്കാനും ജനറൽ മാനേജർ നിർദ്ദേശം നൽകി.

ഫറോക്കിലും കടലുണ്ടിയിലും കൂടുതൽ ട്രെയിനുകൾക്ക് സ്റ്റോപ്പ് അനുവദിക്കണമെന്ന ആവശ്യവും, മറ്റു റെയിൽവേ വികസന വിഷയങ്ങളും ചർച്ചയിൽ ഉന്നയിച്ചു.

യാത്രക്കാരുടെ സൗകര്യം മുൻനിർത്തിയുള്ള ഇത്തരം വികസന പ്രവർത്തനങ്ങൾ എത്രയും വേഗം നടപ്പിലാക്കുന്നുണ്ടെന്ന് ഉറപ്പുവരുത്താൻ എല്ലാ ഇടപെടലുകളും തുടരുന്നതാണ്.

മെയ് ദിനാശംസകൾ..

ഇന്ന് കേരളത്തിലെ സാമൂഹിക പരിഷ്കരണ പ്രസ്ഥാനങ്ങൾക്ക് അടിത്തറ പാകിയ ചട്ടമ്പിസ്വാമികളുടെ സമാധി ദിനം.

നമുക്ക് ചുറ്റുമുള്ള ലോകത്തെ സ്നേഹിക്കാനും അറിവ് കൊണ്ട് സ്വയം ശാക്തീകരിക്കാനും അദ്ദേഹത്തിന്റെ ജീവിതം ഇന്നും പ്രകാശമായി നിലകൊള്ളുന്നു.

സർവ്വജീവികളും ഒന്നാണെന്ന" അദ്വൈത ദർശനം ജീവിതത്തിലൂടെ കാണിച്ചുതന്ന ആ പുണ്യപുരുഷന്റെ ഓർമകൾക്ക് മുൻപിൽ പ്രണാമം.