G.Rajesh

എൺപതുകളിൽ സ്കൂൾ യുവജനോത്സവങ്ങളിൽ തന്റെ കർണാടക സംഗീതത്തിലെ കഴിവ് തെളിയിച്ച് സ്ഥിരമായി സമ്മാനം നേടിയിരുന്ന ഒരു സ്കൂൾ വിദ്യാർത്ഥി ഉണ്ടായിരുന്നു. അക്കാ ലത്ത് ദാസേട്ടൻ ആയിരുന്നു കർണാടക സംഗീതം എറ്റവും ജനപ്രിയമാക്കിയ സംഗീതജ്ഞൻ. അന്നു പത്രങ്ങൾ നിരവധി തവണ എഴുതി. വളർന്നു വരുമ്പോൾ ദാസേട്ടനെ പോലെ ഒരു വലിയ ഗായകൻ ആകുമെന്ന്. ഗൾഫിൽ നിന്നു വരുന്നവരുടെ കൈയിൽ
" പാനാസോണിക് " ടേപ്പ് റെക്കോർഡിനൊപ്പം താരംഗിണിയുടെ ലളിതഗാനങ്ങളോടൊപ്പം ദാസേട്ടന്റെയും, ശങ്കരൻ നമ്പൂതിരിയുടെയും കർണാടക സംഗീത കച്ചേരിയുടെ കാസ്സെറ്റ് കൂടി കൊണ്ട് വരുമായിരുന്നു. സംഗീത പ്രേമികൾ ഇരുവരുടെയും സംഗീത കച്ചേരികളിൽ കേൾക്കാൻ ഓടിയെത്തുന്ന കാലം!

വർഷങ്ങൾ കഴിഞ്ഞു മലയാള സിനിമ ശങ്കരൻ നമ്പൂതിരി എന്ന ഗായകനെ വേണ്ട രീതിയിൽ ഉപയോഗിച്ചില്ല. പക്ഷെ അപ്പോഴും കർണാടക സംഗീതം എന്ന വലിയ ലോകത്തെ മുൻനിരക്കാരിൽ ഒരാളായി തലയുയർത്തി പിടിച്ചു തന്നെ നിന്ന് തന്റെ സംഗീത സപര്യ തുടർന്നു.

മൂന്ന് വർഷം മുൻപ് പ്രിയ സുഹൃത്ത് ഷിജുവിന്റെ എറണാകുളത്ത് ഉള്ള "Audiogene " എന്ന സ്റ്റുഡിയോയിൽ മനോരമ മ്യൂസിക്കിന് വേണ്ടി എന്റെ രചനയിൽ ഡോക്ടർ ജയേഷ് കുമാർ സംഗീതം ചെയ്ത " അക്ഷരപ്പൂക്കൾ " എന്ന മൂകാംബിക ദേവീ ഗീതം സ്റ്റുഡിയോയിൽ ശ്രീ ശങ്കരൻ നമ്പൂതിരി ആലപിക്കുന്നത് അത്ഭുതത്തോടെ നോക്കി നിന്നത് ഓർക്കുന്നു. അദ്ദേഹത്തിന്റെ ആത്മാർത്ഥത, സമർപ്പണം ഒരു പാട് പ്രശംസ അർഹിക്കുന്നു. അമ്മ മൂകാംബികയുടെ അനുഗ്രഹം അദ്ദേഹത്തിന് എന്നും ഉണ്ടാകും .

ലോകരാധ്യനായ സംഗീത സംവിധായകൻ ആയ ഇശൈഞാനി " ഇളയരാജയുടെ " എറ്റവും ഒടുവിലത്തെ തമിഴ് ചിത്രമായ " ആന്റണി" യിൽ ശ്രീ ശങ്കരൻ നമ്പൂതിരി ആലപിച്ച
" കുത്തുവിളക്കൊളിയെ " എന്ന ഗാനം കേട്ടപ്പോൾ ഓർമ്മകൾ ഒരു പാട് പിന്നിലേക്ക് പോയി. SPB യെ പോലെ പ്രശസ്തർ ഇളയരാജക്കുവേണ്ടി ആലപിച്ച ചില നല്ല ഗാനങ്ങൾ,
" മുന്താണൈ മുടിച്ചു " എന്ന സിനിമയിലെ " അന്തിവരും നേരം " പോലെയുള്ള മനോഹര ഗാനങ്ങൾ ഓർത്തുപോയി. ശ്രീ ശങ്കരൻ നമ്പൂതിരി ഇതൊരു വഴിത്തിരുവ് ആകട്ടെ! മൂകാംബിക ദേവിയുടെ അനുഗ്രഹത്താൽ തമിഴ് സിനിമയിൽ ഇനിയും നിരവധി നല്ല ഗാനങ്ങൾ കിട്ടാനായി അവസരം ഉണ്ടാകട്ടെ....

"മീന മാസ സൂര്യനകലും
വർഷമായി നിൻ കരങ്ങൾ "...... അമ്മേ മൂകാംബികേ..

Sankaran Namboothiry
Shiju Ediyatheril
Jayesh Kumar P D
Sreeja Jayesh
Sanal Kumar Ganapriya
Manorama Music

KUTHU VILAKKOLIYE - OFFICIAL VIDEO SONG | ANTHONY TAMIL | ISAIGNANI ILAIYARAAJA | KAYAL VINCENT Kuthu Vilaakkoliye Official Video from Anthony (Tamil), In association with Kanaa Productions, DreamLine Production & Vijay Films.A Srilankan Tamil film star...