EdappallyVarthakal.com

ഭാര്യയുടെ നഗ്നചിത്രം വാട്സാപ്പിൽ പ്രൊഫൈൽ പിക്ച്ചറാക്കി, യുവാവ് അറസ്റ്റിൽ

ഭാര്യയുടെ നഗ്നചിത്രം വാട്സാപ്പിൽ പ്രൊഫൈൽ പിക്ച്ചറാക്കി ഇട്ട യുവാവിനെ പെരുമ്പാവൂർ പോലീസ് അറസ്റ്റ് ചെയ്തു. എറണാകുളം കളമശ്ശേരി സ്വദേശി ഷാരൂഖ്(28) ആണ് പിടിയിലായത്.

2024 ഫെബ്രുവരി 16നാണ് കേസിന് ആസ്പദമായ സംഭവം ഉണ്ടായത്. പ്രതിയുടെ ഭാര്യ ഇയാളുമായി പിണങ്ങി പെരുമ്പാവൂർ പോലീസ് സ്റ്റേഷൻ പരിധിയിലെ വീട്ടിൽ താമസിച്ചു വരികയായിരുന്നു. അതിനിടയിലാണ് പ്രതി രാത്രിയിൽ ഭാര്യയുടെ വീട്ടിലെത്തി മൊബൈലിൽ ദൃശ്യങ്ങൾ ചിത്രീകരിച്ചത്. അതിനുശേഷം ദൃശ്യങ്ങൾ മൊബൈലിൽ സൂക്ഷിച്ച പ്രതി പിന്നീട് ഭാര്യക്ക് ഇത് അയച്ചുകൊടുക്കുകയും, തന്റെ വാട്സാപ്പിൽ പ്രൊഫൈൽ പിക്ചർ ആയി ഇടുകയും ചെയ്തു.

ഭാര്യ നൽകിയ പരാതിയുടെ അടിസ്ഥാനത്തിൽ പെരുമ്പാവൂർ പോലീസ് കേസടുത്ത് അന്വേഷണം നടത്തി വരികയായിരുന്നു. ഇയാളെ തൃക്കാക്കരയിൽ നിന്നും പോലീസ് അറസ്റ്റ് ചെയ്തു. കോടതിയിൽ ഹാജരാക്കിയ പ്രതിയെ റിമാൻഡ് ചെയ്തു