Mirza Tabarrayi

Masumeen (as) per dhaye gaye masaeb ka tazkera karna, masumeen (as) ki nusrat karna hai.

[Mirza Tabarayi]

Aaj maah-e-muharram ki dusri tareekh hai, khafila-e-Imam Hussain (as) zameen-e-karbala pahonchney ki tareekh!

[Mirza Tabarayi]

Youm-e-Eid-e-Mubahela ki mubarakbaad pesh karta hoon Mohammed (sawaws) wa aal-e-Mohammed (as) bil qusoos Imam-e-Zamana (as) ki khidmat mey aur tamam Momineen wa mominaat, bil qusoos Sadaat-e-Ikram ki khidmat mey.

Deen-e-Mohammad (sawaws) apni takmeel ke liye jis ka mohtaaj tha woh Ali ibn-e-Abi Talib (as) hain. Aur apni Fatah ke liye jis azeem hasti ka mohtaaj tha woh Fatima Zehra (sa) hain, Zameen per is deen ke pairokaron yaani shiyon ke wajood ki baqa jis ki mohtaaj thi woh Imam Hassan-e-Mujtaba (as) ka silam (Sulah) tha, aur phir takmeel-e-deen, Fatah-e-Islam wa Baqa-e-Shia wa shiyat (Momineen wa Iman) ke liye jis siper wa kawaj (Protection Shield) ki hajat thi usey ata kiya Imam-e-Hussain (as) ne.

[Mirza Tabarayi]