Shayer Lally Apra -Page

ਨਕਾਬੀ ਚਿਹਰਿਆਂ ਚੋਂ, ਵਫ਼ਾ ਭਾਲਦੇ ਰਹੇ ||
ਸੌਦੇ ਕੀਤੇ ਘਾਟੇ ਦੇ, ਤੇ ਨਫ਼ਾ ਭਾਲਦੇ ਰਹੇ ||

ਅਸੀਂ ਗਏ ਸੀ ਲੱਭਣ,ਉਹਦੇ ਸ਼ਹਿਰੋਂ ਓਸਨੂੰ,
ਵਾਪਸੀ ਤੇ ਆਪਣਾ ਹੀ, ਪਤਾ ਭਾਲਦੇ ਰਹੇ ||

ਬੇਵਜ੍ਹਾ ਹੀ ਸਾਹਾਂ ਦਾ ਮਕਾਉਂਦੇ ਆਏ ਸਫ਼ਰ,
ਐਵੇ ਨਹੀਂਓ ਜੀਣੇ ਦੀ, ਵਜ੍ਹਾ ਭਾਲਦੇ ਰਹੇ ||

ਕਿਉਂ ਟੁੱਟੇ ਸ਼ੀਸ਼ੇ ਵਾਂਗੂ ਲਹੇ ਉਹਦੇ ਦਿਲ ਤੋਂ,
ਕਿਹੜੀ ਇਸ਼ਕ 'ਚ ਹੋਈ, ਖਤਾ ਭਾਲਦੇ ਰਹੇ ||

ਓਹਨੇ ਸਾਹਾਂ ਦੀ ਕਿਤਾਬ ਉੱਤੇ ਲਿਖਿਆ ਨਹੀਂ,
'ਲਾਲੀ' ਚਾਹਤ ਦਾ ਅਸੀਂ, ਸਫ਼ਾ ਭਾਲਦੇ ਰਹੇ ||

✍ ਲਿਖ਼ਤ :-ਲਾ ਲੀ ਅੱ ਪ ਰਾ✍《ਜਲੰਧਰ》
087278 00720

ਮਰਨ ਦੇ ਨਾਲੋ ਜੀਣਾ ਔਖਾ !!
ਜੀਣ ਦੇ ਨਾਲੋ ਮਰਨਾ ਔਖਾ !!

ਜੋ ਗ਼ਮਾਂ ਨੇ ਖਾਲੀਪਨ ਦਿੱਤਾ,
ਨਾਲ￰ ਹਾਸਿਆਂ ਭਰਨਾ ਔਖਾ !!

ਧੋਖੇਬਾਜਾਂ ਦੀ ਦੁਨੀਆ ਵਿਚ,
ਯਕੀਨ ਕਿਸੇ ਤੇ ਕਰਨਾ ਔਖਾ !!

ਪੱਥਰਾਂ ਦੇ ਕਦਮਾਂ ਅੱਗੇ,
ਅਹਿਸਾਸ ਸ਼ੀਸ਼ੇ ਦਾ ਧਰਨਾ ਔਖਾ !!

ਜਲਦੇ ਨੇ ਕਈ ਬਿਨਾ ਅੱਗ ਤੋਂ,
ਲਿਖਿਆ ਕਿਸੇ ਦਾ ਜਰਨਾ ਔਖਾ !!

ਸੱਚ ਉਗਲਦੀ ਕਲਮ ਦਾ,
ਝੂਠਾਂ ਤੋਂ ਹੁਣ ਡਰਨਾ ਔਖਾ !!

ਨਕਾਬ ਚੜਿਆ ਚਿਹਰਾ ਕੋਈ,
ਵਾਂਗ ਕਿਤਾਬਾਂ ਪੜ੍ਹਨਾ ਔਖਾ !!

ਰੋਸਾ ਨਾ ਬੇਗਾਨੀ ਤੀਲ ਦਾ,
ਖੁਦ ਦੀ ਅੱਗ ਨਾ' ਸੜਨਾ ਔਖਾ !!

ਕੋਲ ਬੈਠਣ ਵਾਲਿਆਂ ਦਾ ਲਾਲੀ,
ਵਿਚ ਮੁਸੀਬਤਾਂ ਖੜਨਾ ਔਖਾ !!

ਪੌੜੀ ਬਣੋ, ਖੁਦ ਪਤਾ ਲੱਗੂ,
ਪੌਡਿਆਂ 'ਤੇ ਤਾਂ ਚੜਣਾ ਸੌਖਾ !!

(( ਪੌਡਿਆਂ = ਸਟੇਅਰਸ ))

ਲਿਖ਼ਤ :-✍ ਲਾਲੀ ਅੱਪਰਾ✍(ਜਲੰਧਰ)
87278-00720