Prayas NGO

১৪ জুলাই ২০২৪ঃ স্বেচ্ছাসেৱী অনুষ্ঠান প্ৰয়াস আৰু মৈত্ৰীৰ বান সাহাৰ্য প্ৰদান
-আজি বানাক্ৰান্ত অঞ্চল হাতীগড় মৌজাৰ বালিচাপৰি বাৰপাইক গাঁৱৰ প্ৰায় ত্ৰিশটা পৰিয়ালক স্বেচ্ছাসেৱী অনুষ্ঠান প্ৰয়াস আৰু মৈত্ৰীৰ যৌথ উদ্যোগত বান সাহাৰ্য প্ৰদান কৰা হয় । সমাজকৰ্মী জগন্নাথ অগ্নি বৰাৰ পদক্ষেপত প্ৰয়াসৰ সভাপতি অমৰ জ্যোতি বৰঠাকুৰ, সঞ্চালক ৰাজীৱ কুমাৰ দত্ত, অভিজিত বৰঠাকুৰ, হিমানীশ বৰুৱা, মৈত্ৰীৰ সম্পাদক নৰেণ চন্দ্ৰ বৰা, ৰাতুল ৰাজকুমাৰ, শ্যামলীমা ভূঞা , জিণামণী গগৈ য়ে খাদ্য সামগ্ৰীৰ লগতে চাবোন , মম, ধুপ আৰু নতুন বস্ত্ৰ, চেন্দেল আদি প্ৰদান কৰি বানাক্ৰান্ত ৰাইজৰ দুখৰ সমভাগী হয়। স্থানীয় সমাজকৰ্মী দুৰ্লভ চেতিয়া , গ্ৰাম প্ৰধান লীলা গগৈয়ে পূৰ্ণ সহযোগ কৰাৰ লগতে বান সাহাৰ্য লাভ কৰা সকলৰ উপৰিও উপস্থিত ৰাইজে এনে কাৰ্য্যৰ বাবে ধন্যবাদ আৰু প্ৰশংসা জ্ঞাপন কৰে ।