Turning Point Bytes

അന്ധന്മാരും ആനയും
പണ്ട് ഒരു ഗ്രാമത്തിൽ ജന്മനാ കാഴ്ചശക്തിയില്ലാത്ത ആറു സുഹൃത്തുക്കൾ ഉണ്ടായിരുന്നു. ലോകത്തെക്കുറിച്ചുള്ള കാര്യങ്ങൾ തൊട്ടറിഞ്ഞും മറ്റുള്ളവർ പറയുന്നത് കേട്ടുമാണ് അവർ മനസ്സിലാക്കിയിരുന്നത്. ഒരിക്കൽ ആ ഗ്രാമത്തിൽ ഒരു ആന വന്നു. ആനയെക്കുറിച്ച് ധാരാളം കേട്ടിട്ടുണ്ടെങ്കിലും അത് എങ്ങനെയിരിക്കുമെന്ന് അവർക്ക് അറിയില്ലായിരുന്നു. അതിനാൽ, ആനയെ തൊട്ടുപരിശോധിക്കാൻ അവർ തീരുമാനിച്ചു.
ഓരോരുത്തരും ആനയുടെ ഓരോ ഭാഗങ്ങളിൽ തൊട്ടുനോക്കി:
• ഒന്നാമൻ: ആനയുടെ വശങ്ങളിൽ കൈവെച്ച അയാൾ പറഞ്ഞു, "ആന ഒരു ഭിത്തി പോലെയാണ്!"
• രണ്ടാമൻ: ആനയുടെ കൊമ്പിൽ തൊട്ടയാൾ പറഞ്ഞു, "അല്ല, ആന ഒരു കുന്തം പോലെയാണ്!"
• മൂന്നാമൻ: തുമ്പിക്കൈയിൽ പിടിച്ചയാൾ പറഞ്ഞു, "നിങ്ങൾക്കെല്ലാവർക്കും തെറ്റി, ആന ഒരു പാമ്പിനെപ്പോലെയാണ്!"
• നാലാമൻ: കാലിൽ കെട്ടിപ്പിടിച്ചുകൊണ്ട് അയാൾ വാദിച്ചു, "ആന ഒരു മരത്തടി പോലെയാണ്!"
• അഞ്ചാമൻ: ആനയുടെ ചെവിയിൽ തൊട്ടയാൾ പറഞ്ഞു, "ആന ഒരു മുറം പോലെയാണ്!"
• ആറാമൻ: ആനയുടെ വാലിൽ പിടിച്ചുകൊണ്ട് അയാൾ പറഞ്ഞു, "ആന വെറുമൊരു കയർ പോലെയാണ്!"
താമസിയാതെ അവർ തമ്മിൽ വലിയ തർക്കമായി. ഓരോരുത്തരും താൻ കണ്ടതാണ് ശരിയെന്ന് വാദിച്ചു. അപ്പോഴാണ് വിവേകിയായ ഒരു യാത്രക്കാരൻ അവിടേക്ക് വന്നത്. അവരുടെ തർക്കം കേട്ട അദ്ദേഹം ചിരിച്ചുകൊണ്ട് പറഞ്ഞു:

"സുഹൃത്തുക്കളേ, നിങ്ങൾ എല്ലാവരും പറയുന്നത് ഭാഗികമായി ശരിയാണ്. എന്നാൽ നിങ്ങൾ ഓരോരുത്തരും ആനയുടെ ഓരോ ഭാഗം മാത്രമേ തൊട്ടുനോക്കിയുള്ളൂ. അതെല്ലാം കൂടി ചേരുന്നതാണ് ഒരു ആന."

അദ്ദേഹത്തിന്റെ വാക്കുകൾ കേട്ടപ്പോൾ തങ്ങൾ കണ്ടത് പൂർണ്ണരൂപമല്ലെന്ന് ആ സുഹൃത്തുക്കൾക്ക് മനസ്സിലായി.

ഗുണപാഠം:
നമ്മുടെ അറിവ് പലപ്പോഴും പരിമിതമായിരിക്കും. മറ്റുള്ളവരുടെ കാഴ്ചപ്പാടുകൾ കൂടി മനസ്സിലാക്കാൻ ശ്രമിക്കുമ്പോഴാണ് സത്യം പൂർണ്ണമായി വെളിപ്പെടുന്നത്. യഥാർത്ഥമായ അറിവ് നേടാൻ തുറന്ന മനസ്സും സഹിഷ്ണുതയും ആവശ്യമാണ്.

വാട്ട്സപ്പ് ചെയ്യൂ... https://wa.me/7012876553?text=സൗജന്യ_പരിശീലനം

*എന്തുകൊണ്ടാണ് പലരുടെയും ക്ലാസുകൾ യൂറ്റ്യൂബിലും വാട്ട്സപ്പിലും കേട്ടതിനു ശേഷവും നമ്മുടെ ജീവിതത്തിൽ ഒരു മാറ്റവും ഇല്ലാത്തത് എന്ന് എപ്പോഴെങ്കിലും സ്വയം ചോദിച്ച് നോക്കിയിട്ടുണ്ടോ ??*

*ഉത്തരം ലളിതം. മറ്റുള്ളവരുടെ ക്ലാസ്സുകൾ കേൾക്കുമ്പോൾ ഉണ്ടാവുന്ന മാറ്റം, നല്ല കാറ്റു വീശുമ്പോൾ കടലാസ് തുണ്ടുകളും വീണു കിടക്കുന്ന ഇലകളും ഒഴിഞ്ഞ പ്ലാസ്റ്റിക് സഞ്ചികളും മറ്റും വായുവിൽ പറന്ന് പൊങ്ങുന്നത് പോലെയാണ്. കാറ്റ് അടങ്ങുമ്പോൾ അവ നിലംപതിക്കുന്നു.*

*എന്നാൽ പറവകൾ ആകാശത്തേക്ക് പറന്നുയരുന്നത് കണ്ടിട്ടില്ലേ ?? അത് യഥാർത്ഥ പറക്കൽ ആണ്. അത് ഒറിജിനൽ ആണ്. എന്താണ് വിത്യാസം ?? പറവകൾ 'സ്വയം' പറക്കുകയാണ്. ആരും അവയെ ഊതി പറപ്പിക്കുന്നതല്ല.*

*ഡ്രൈവിങ്ങും നീന്തലും അങ്ങിനെ എല്ലാം നാം ‘സ്വയം’ ചെയ്ത് നേടിയെടുത്തത് പോലെ, ലൈഫിൽ വിജയിക്കുവാനും വളരുവാനും ‘സ്വയം’ ചെയ്ത് പരിശീലിക്കാൻ പല കാര്യങ്ങളുമുണ്ട്. ഇതാ എല്ലാം ‘പ്രാക്‌റ്റിക്കലായി’ ചെയ്ത് പഠിക്കാൻ ഒരപൂർവ്വ അവസരം...*