Shafeer

😊ഇത്രയേറെ ഗ്രാമീണ ഭംഗി നിറഞ്ഞു നിൽക്കുന്ന കേരളത്തിൽ മറ്റൊരു സ്ഥലം ഉണ്ടോ എന്ന് സംശയമാണ് ! നമ്മുടെ പാലക്കാട്ടെ സ്വന്തം കൊല്ലങ്കോട് !
കേരളം-തമിഴ്നാട് അതിർത്തിക്കു സമീപം, നെല്ലിയാമ്പതി മലനിരകളുടെ താഴ്‌വരയിലുള്ള ഗ്രാമമാണ് കൊല്ലങ്കോട്.
നെൽവയലുകളുടെ പച്ചപ്പരപ്പ്, പാടവരമ്പുകളിൽ പീലി വിരിച്ചതുപോലെ തെങ്ങുകളും കരിമ്പനകളും, ഓല മേഞ്ഞ പുരകൾ, ഇല്ലിയും പൂച്ചെടികളും കൊണ്ട് തീർത്ത വേലിക്കെട്ട്... സഞ്ചരിക്കുന്ന വാഹനം ടൈം മെഷീൻ ആണോ എന്നു സഞ്ചാരികൾക്കു തോന്നിപ്പിക്കുന്ന പാലക്കാടൻ ഗ്രാമക്കാഴ്ചകൾ. ഇന്നലെകളിലെ കേരളത്തിന്റെ ഗ്രാമത്തനിമ ഇന്നും നിലനിർത്തുന്ന കൊല്ലങ്കോട് ഇന്ത്യയിലെ ഏറ്റവും സുന്ദരമായ പത്തു ഗ്രാമങ്ങളിൽ ഒന്നാണ് . ഒരു പ്രാവശ്യമെങ്കിലും കണ്ടിരിക്കേണ്ട പ്രത്യേകിച്ച് ഈ മഴക്കാലത്ത് പോകാൻ പറ്റിയ ഒരിടം !!