YC KMC College Library

यशवंतराव चव्हाण के एम सी कॉलेजमध्ये लोकराजा राजश्री शाहू महाराज यांच्या स्मृतिदिनी दिनानिमित्त त्यांच्या प्रतिमेला विनम्र अभिवादन महाविद्यालयाचे प्र.प्राचार्य डॉ. प्रशांत नागावकर यांच्या हस्ते करण्यात आले त्यावेळी उपस्थित सर्व स्टाफ

दैनिक नवमहाराष्ट्र दिनांक.20/04/2026

यशवंतराव चव्हाण ( के. एम सी) कॉलेज कोल्हापूर, ग्रंथालय विभागातील कर्मचारी श्री. प्रकाश रामचंद्र टिपुगडे, हे दि 28 फेब्रुवारी रोजी ग्रंथालय परिचर म्हणून सेवानिवृत्त झाले. कॉलेजमध्ये 35 वर्षे हून अधिक सेवा त्यांनी दिली. महाविद्यालयाचे प्राचार्य डॉ .बी. एन. उलपे यांच्या मार्गदर्शनाखाली या कार्यक्रमाचे आयोजन करण्यात आले. याप्रसंगी महाविद्यालयाच्या वतीने श्री प्रकाश टिपुगडे व सौ सुषमा टिपुगडे व त्यांच्या परिवाराचा सत्कार करण्यात आला. माजी प्राचार्य डॉ. सुरेश गवळी, डॉ. जी. पी. माळी, विनायक मेस्त्री, जी. आर. हराळे, डॉ अमित रेडेकर, प्रा. पी. डी. तोरस्कर, डॉ. बी एम पाटील, डॉ सयाजीराव गायकवाड, डॉ. विकास नाईक आदी मान्यवरांनी मनोगत व्यक्त केली. या कार्यक्रमाचे प्रास्ताविक ग्रंथपाल, प्रा .आर. आर. मांगले यांनी केले तर‌ आभार डॉ संजय कांबळे यांनी मानले. डॉ. युवराज मोटे यांनी कार्यक्रमाचे सूत्रसंचालन केले. या कार्यक्रमासाठी महाविद्यालयातील आजी-माजी प्राध्यापक, प्रशासकीय कर्मचारी, व प्रकाश टिपुगडे यांचे परिवारातील सदस्य व मित्र परिवार मोठ्या संख्येने उपस्थित होते.

दैनिक तरुण भारत दिनांक.27/2/2026

कोल्हापूर महानगरपालिकेचे यशवंतराव चव्हाण (के.एम.सी.) कॉलेज, कोल्हापूर. कॉमर्स विभागाच्या वतीने आज बुधवार दिनांक 18/02/2026 रोजी "Career opportunities in computerised accounting" या विषयावर एकदिवशीय कार्यशाळेचे आयोजन करण्यात आले होते. या कार्यक्रमासाठी रिसोर्स पर्सन म्हणून श्री विकास काशीद, संचालक वक्रतुंट कॉम्प्यूटर्स, कोल्हापूर लाभले. कॉम्प्युटर अकाउंटिंग मध्ये विद्यार्थ्यांना उपलब्ध असणाऱ्या संधी याविषयी त्यांनी विद्यार्थ्यांना सखोल मार्गदर्शन केले. यावेळी कॉमर्स विभागप्रमुख डॉ. बी.एम.पाटील, प्रा. महेश डांगे, प्रा. निकिता उरुणकर, प्रा. ज्योती तरोडे, डॉ. समीना जमादार, डॉ. रोहित बारशिंगे, डॉ. सयाजीराव गायकवाड आणि विद्यार्थी मोठ्या संख्येने उपस्थित होते.

*यशवंतराव चव्हाण (के. एम. सी.)कॉलेज मध्ये वार्षिक पारितोषिक वितरण समारंभ संपन्न*

*कॉलेजमध्ये मज्जा मस्ती बरोबरच करिअर घडवणे अत्यंत महत्त्वाचे* - मा. अनिल देशमुख

कोल्हापूर महानगरपालिकेचे
यशवंतराव चव्हाण केएमसी कॉलेजमध्ये वार्षिक पारितोषिक वितरण समारंभ संपन्न झाला. यावेळी प्रमुख पाहुणे मा.अनिल देशमुख व महाविद्यालयाचे प्राचार्य डॉ‌.बाबासाहेब उलपे यांच्या हस्ते यशस्वी विदयार्थ्यांना पारितोषिके देण्यात आली. यावेळी बोलताना विद्यार्थ्यांनी मजा मस्ती बरोबरच जीवनामध्ये करिअर घडविणे देखील अत्यंत महत्त्वाचे आहे असे सांगितले. प्राचार्य डॉ. बाबासाहेब उलपे यांनी आपल्या मार्गदर्शनपर भाषणात खेळाडूंना यश मिळवायचे असेल अथक परिश्रमाशिवाय पर्याय नाही असे मत मांडले. यावेळी सांस्कृतिक विभागाच्या वतीने विविध गुणदर्शन कार्यक्रमही सादर करण्यात आला. विदयार्थ्यांनी आपली कला सादर केली.यावेळी बारावीच्या विद्यार्थ्यांना शुभेच्छा देण्यात आल्या.
या कार्यक्रमाचे प्रास्ताविक व पाहुण्यांचे स्वागत महाविद्यालयाचे प्राचार्य डॉ. बाबासाहेब उलपे यांनी केले. यावेळी कॅप्टन डॉ. अमित रेडेकर, प्रा. पी.डी.तोरस्कर, प्रा.ए.डी मुडे, डॉ.राम पोवार यांनी तसेच महाविद्यालयातील इतर प्राध्यापक, विद्यार्थी मोठ्या संख्येने उपस्थित होते. कार्यक्रमाचे सूत्रसंचालन डॉ. सयाजीराव गायकवाड व प्रा.के.डी.झिटे यांनी केले तर आभार डॉ.राम पवार यांनी मानले.