ABVP Mananthavady Nagar Committee

കാലിക്കറ്റ് സർവ്വകലാശാല പരീക്ഷ റദ്ദാക്കിയ സംഭവം;
കുറ്റക്കാരായ ഉദ്യോഗസ്ഥർക്കെതിരെ നടപടി സ്വീകരിക്കുക -എബിവിപി

കാലിക്കറ്റ് സർവ്വകലാശാല രണ്ടാം സെമസ്റ്റർ ഇംഗ്ലീഷ് പരീക്ഷ റദ്ദാക്കിയ നടപടി വിദ്യാർത്ഥികളോടുള്ള അനീതിയാണെന്ന് ABVP സംസ്ഥാന ജോയിന്റ് സെക്രട്ടറി യദു കൃഷ്ണൻ. സർവ്വകലാശാലയുടെ ഭാഗത്തുനിന്നുമുണ്ടായ വീഴ്ച്ചക്ക് കഷ്ടപ്പെട്ട് പഠിച്ച് പരീക്ഷയെഴുതിയ വിദ്യാർത്ഥികൾ അതേ പരീക്ഷ വീണ്ടും എഴുതണമെന്ന നിലപാട് അംഗീകരിക്കാനാവില്ല. അടുത്തിടെയാണ് കാലിക്കറ്റ് സർവ്വകലാശാലയിൽ നിന്നും മൂവായിത്തിലധികം ഉത്തരകടലാസ് നഷ്ടപ്പെട്ട സംഭവമുണ്ടായത്. തുടരെ തുടരെ സർവ്വകലാശാല ഇത്തരത്തിലുള്ള കടുത്ത അനാസ്ഥയിലേക്കാണ് നീങ്ങികൊണ്ടിരിക്കുന്നത്. കഴിഞ്ഞ തവണ പരീക്ഷക്ക് വന്ന അതേ ചോദ്യങ്ങൾ ഇത്തവണയും ആവർത്തിച്ച് വന്നത് ചൂണ്ടിക്കാട്ടിയാണ് ഈ പരീക്ഷ റദ്ദ് ചെയ്തിരിക്കുന്നത്. വിദ്യാർത്ഥികളുടെ ഭാവി വച്ച് പന്താടുന്ന സർവ്വകലാശാല പരീക്ഷ നടത്തിപ്പിലെ അപാകതകൾ പരിഹരിക്കാൻ തയ്യാറാവാണമെന്നും കുറ്റക്കാരായ അധികൃതർക്കെതിരെ നടപടി സ്വീകരിക്കണമെന്നും അദ്ദേഹം ആവശ്യപ്പെട്ടു.