Distance Between

January 2019 Ki Baat Hai. Thand Bahut Kadake Ki Pad Rahi Thi. Tab Tak Maine Life Me Kabhi Live Snowfall Nahi Dekhi Thi. To Aise Me Khyal Aaya Ki Koi Aisi Destination Par Chalte Hai Jo New Ho aur Snowfall Bhi Mil Jaaye. To Mere Man Me Himachal Ka Khyal Aaya. Apne Hometown Mirzapur Se Tab Maine Muri Express Ki Ticket Karwai Jis Se Mai Apne Friend Ritesh Ke Sath Amritsar Tak Jaane Vala Tha. Lagbhag 24 Ghante Ki Train Journey Ke Baad Finally Amritsar Pahunche. Iske Baad Ek Din Pura Amritsar Ghume aur Agle Din Pathankot Ko By Train Nikal Gaye. Mujhe Aaj Bhi Yaad Hai Pathankot Railway Station Ke Bahar Mai aur Mera Dost Ritesh Sirf 152 Rupees Me Ek Dhaabe Me Daal, 7-8 Tandoori Roti, Sabji, Rice Khaaye The. Yaad Islie Hai Kyoki Itne Kam Price Me Jo Taste Mila Tha Vo Aaj Tak Zuban Par Hai aur Vo Expected Bhi Nahi Tha aur Ek Budhe Uncle Ne Bade Pyaar Se Khilaya Tha. Station Ke Saamne Hi Bus Stand Tha To HRTC Ki Ordinary Bus Pakdi aur Shaam Ko Pahunch Gaye Dalhousie. Hotel Jo Book Kiya Tha Vo Purana Sa Bilkul Horror Type Ka Tha. Subah Utha To Dhoop Thi To Thoda Nirash Ho Gaya Kyonki Snowfall Dekhni Thi. Par Phir Hum Khajjiar Ke Lie Nikal Gaye. Mausam Badalne Laga aur Dhoop Bhi Chali Gayi Badal Bhi Acche Aa Gaye Lekin Snowfall Pure Din Nahi Hua. Haa Humne Snow Khajjiar Me Jarur Dekh Li Par Dekhna To Snowfall Tha. Agli Subah Mausam To Bana Tha Par Snowfall Nahi Hui. Lekin Dopahar Me Jab Hum Ganji Pahadi Ki Trek Kar Rahe The Tabhi Snowfall Halki Hone Lagi aur Iske Baad Upar Tak Pahunchte Pahunchte Heavy Snowfall hui aur Finally Maine Life Ki First Snowfall Dekhi. Iske Baad Snowfall Ruki Hi Nahi Hum Mcleodganj Gaye To Vaha Bhi Snowfall Hui aur Jab Vaha Se By Bus Dharamshala Ko Ja Rahe The To Snowfall Ki Vajah Se Bus Slip Ho G*i aur Ek Ped Ke Sahare Ruki Kisi Tarah Saare Passenger Nikle aur Ab Humne Paidal Hi Aage Jaane Ka Decision Liya. Raaste Me Kai Logo Ne Lift Dena Bhi Chaha Par Humne Mana Kr Dia aur Vo Gadiya Bhi Aage Jakar Kahi Na Kahi Slip Hui Thi aur Pahad Me Takra G*i Thi. Lagbhag Shaam 7 Baje Se Raat 11 Baje Tak 8 Kilometer Snowfall Me Hum Paidal Bhige Hue Chale The aur Hotel Pahunche The. Iske Baad Humne Snowfall Rukne Ke Lie Bhagwan Se Manane Lage The.
To Kuch Is Tarah Ki Thi Apni First Snowfall Ki Kahani. 2026 Me Ek Baar Phir Se Maine Same Destinations Repeat Ki aur Kal Dalhousie Ki Video Aane Vali Hai. Jisme Maine Chamba Bhi Cover Kiya Hai aur Is Baar Bhi Kuch Yaadein Add Ho G*i Jo Shayad Kabhi air Sunaunga.
Har Har Mahadev🙏🏻