SSD LIVE

कै. बाजीराव देशमुख विद्यालयात लोकनेते स्व. विलासराव देशमुख यांच्या जयंतीनिमित्त अभिवादन कार्यक्रम संपन्न
शेळगाव महाविष्णु : महाराष्ट्राचे माजी मुख्यमंत्री तथा लोकनेते स्वर्गीय विलासराव देशमुख यांच्या जयंतीनिमित्त शेळगाव महाविष्णु येथील कै. बाजीराव देशमुख विद्यालयात अभिवादन कार्यक्रमाचे आयोजन करण्यात आले. यावेळी त्यांच्या प्रतिमेस पुष्पहार अर्पण करून विनम्र अभिवादन करण्यात आले.
विद्यालयाचे संस्थापक अध्यक्ष तथा माजी जिल्हा परिषद सदस्य श्री लक्ष्मीकांत देशमुख यांच्या हस्ते प्रतिमापूजन करण्यात आले. कार्यक्रमास मा. सभापती विलास कोकाटे, मा. सरपंच रफीक कुरेशी, मा. सरपंच प्रविण काळे, देविकांत देशमुख, पो.पा. सुनिल गोरे, शिवाजी घात, अच्युत चव्हाण, सत्यम मुलगीर, शिवाजी पंचागे आदी मान्यवर उपस्थित होते.
तसेच विद्यालयाचे मुख्याध्यापक राजकुमार धबडे, भक्तराज गांगर्डे, धम्मानंद खंदारे, ओमप्रकाश लष्करे, रमेश हेंडगे यांच्यासह शिक्षक व कर्मचारी उपस्थित होते.

यावेळी उपस्थित मान्यवरांनी स्व. विलासराव देशमुख यांच्या राजकीय, सामाजिक व शैक्षणिक कार्याचा गौरवपूर्ण उल्लेख केला. सामान्य कार्यकर्त्यापासून राज्याच्या मुख्यमंत्रीपदापर्यंतचा त्यांचा प्रेरणादायी प्रवास, सर्वसामान्यांशी असलेली नाळ आणि विकासाभिमुख नेतृत्व आजच्या पिढीसाठी आदर्श असल्याचे मत व्यक्त करण्यात आले.

उष्माघातापासून बचाव करा!

उष्माघाताची लक्षणे दिसल्यास त्वरित डॉक्टारांचा सल्ला घ्या.
#उष्माघात