GST Filing

Courtesy :-മലയാള മനോരമ

പാൻ കാർഡ് ആധാറുമായി ബന്ധിപ്പിക്കാനുള്ള സമയ പരിധി നീട്ടി
പാൻ കാർഡ് ആധാറുമായി ബന്ധിപ്പിക്കാനുള്ള സമയ പരിധി 2021 ജൂൺ 30 വരെ നീട്ടി. സമയപരിധി മാർച്ച് 31 ന് അവസാനിക്കാനിരിക്കെയാണ് സമയം നീട്ടി നൽകിയത്. കൊവിഡ് പശ്ചാത്തലത്തിലാണ് കേന്ദ്രസർക്കാർ സമയം നീട്ടിനൽകിയത്.
ആദ്യം പാൻ കാർഡും ആധാർ കാർഡും ബന്ധിപ്പിക്കേണ്ട അവസാന തീയതി ഓഗസ്റ്റ് 31, 2017 ആയിരുന്നു. പിന്നീട് ഈ തീയതി നീട്ടിക്കൊണ്ട് പോവുകയായിരുന്നു. ആധാർ-പാൻ ലിങ്ക് ചെയ്യാതെ ഐടി റിട്ടേൺസ് ഫയൽ ചെയ്യാൻ സാധിക്കുമെങ്കിലും റിട്ടേൺ പ്രൊസസ് ആവില്ലെന്നാണ് അറിയിപ്പ്.

ആധാറുമായി ലിങ്ക് ചെയ്തില്ലെങ്കിൽ ആദായ നികുതി വകുപ്പ് സെക്ഷൻ 139 എഎഎ(2) വകുപ്പുപ്രകാരം സാങ്കേതികപരമായി പാൻ അസാധുവാകും.

*വ്യാപാരികളുടെ ശ്രദ്ധക്ക്*

അടുത്ത മാസം ഒന്നാം തീയതി മുതൽ ജി എസ് ടി യിൽ ( *2021 ഏപ്രിൽ 1 മുതൽ)* ചില പ്രധാന മാറ്റങ്ങൾ നിലവിൽ വരികയാണ്..

*ഒന്ന്..ഇ-ഇൻവോയ്സ് (e-invoice)*

2017-18 മുതൽ 2020-21 വരെ ഏതെങ്കിലും സാമ്പത്തിക വർഷത്തിൽ *50 കോടി* ക്ക് മുകളിൽ വിറ്റുവരവുള്ള ഉള്ള നികുതിദായകർക്ക് 2021 ഏപ്രിൽ ഒന്നുമുതൽ അവരുടെ B2B (ചരക്കിന്റെയും സേവനത്തിന്റെയും) സപ്പ്ളെകൾക്ക് ഇ- ഇൻ വോയിസ് നിർബന്ധം ആക്കുകയാണ്. (ചില മേഖലകൾക്ക് ഇളവ് ഉണ്ട്) അതായത് അവർ നടത്തുന്ന വിൽപ്പന അഥവാ സപ്ലൈ വിവരങ്ങൾ ഈ ഇൻവോയ്സ് വെബ് സൈറ്റിൽ ഓൺലൈനായി നൽകി ക്യു ആർ കോഡ് ഉള്ള ഒരു *ഇൻവോയിസ് റഫറൻസ് നമ്പർ അഥവാ ഐ ആർ എൻ(IRN)* ജനറേറ്റ് ചെയ്യേണ്ടതാണ്. ഇതുകൂടാതെ ചരക്ക് കൊണ്ടു പോകുമ്പോൾ ജി എസ് ടി ചട്ടം 138 പ്രകാരം ആവശ്യമെങ്കിൽ e way bill എടുക്കേണ്ടതാണ് . അതിനാൽ ഇ- ഇൻവോയ്സ് നിർബന്ധമാകുന്ന വ്യാപാരികൾ പ്രത്യേകിച്ച് സോഫ്റ്റ്‌വെയർ മുഖേന ഇൻവോയ്സ് തയ്യാറാക്കുന്ന നികുതിദായകർ തങ്ങളുടെ സോഫ്റ്റ്‌വെയറിൽ ആവശ്യമായ മാറ്റം വരുത്തേണ്ടതാണ് . ഇ ഇൻവോയ്‌സ് തയ്യാറാക്കുവാൻ ഉള്ള ടൂൾ e invoice site ഇൽ(Gepp Tool) ലഭ്യമാണ്. കൂടാതെ third party സോഫ്ട്വെയർ ഉപയോഗിച്ചും IRN തയ്യാറാക്കാം.

*രണ്ട്. എച്ച് എസ് എൻ കോഡ് HSN code*

ജി എസ് ടി ആരംഭിച്ചതിനുശേഷം വന്ന വലിയൊരു മാറ്റം *വിറ്റ് വരവ് ഭേദമെന്യേ* എല്ലാ വിഭാഗം വ്യാപാരികൾക്കും ഇൻവോയ്‌സ് ഇൽ എച് എസ് എൻ കോഡ് നിർബന്ധിതമാകുന്നു എന്നുള്ളതാണ്. അതായത് *അഞ്ച് കോടി വരെ വിറ്റുവരവുള്ള* എല്ലാ വ്യാപാരികളും അവരുടെ *B2B* വ്യാപാരത്തിന് (അതായത് ഒരു രെജിസ്റ്റർഡ് വ്യാപാരി നികുതിദായകൻ മറ്റൊരു രെജിസ്റ്റർഡ് വ്യാപാരിക്കു (നികുതി ദായകന്) ചരക്കിന്റെ (Goods) സപ്പ്‌ലെ നടത്തിയാൽ നിർബന്ധമായും ഇൻവോയിസിൽ വിൽപ്പന നടത്തുന്ന ചരക്കിൻറെ *നാല് അക്ക* എച്ച് എസ് എൻ കോഡ് നിർബന്ധമായും രേഖപ്പെടുത്തേണ്ടതാണ്. *B2C* വ്യാപാരത്തിന് താല്പര്യമെങ്കിൽ _ഓപ്ഷണൽ_ ആയി എച്ച്എസ്എസ് കോഡ് ചേർക്കാവുന്നതാണ്.

എന്നാൽ *അഞ്ച് കോടിക്ക് മുകളിൽ വിറ്റുവരവുള്ള* ഉള്ള എല്ലാ വ്യാപാരികളും അവരുടെ എല്ലാ ചരക്കിന്റെ സപ്പ്‌ലെ ക്കും ( *സപ്പ്‌ലെ B2C അല്ലെങ്കിൽ B2B ആയാലും)* *ആറക്ക* എച്ച് എസ് എൻ കോഡ് നിർബന്ധമായും ഇൻവോയ്‌സ് ഇൽ ഉൾപ്പെടുത്തേണ്ടതാണ്. അല്ലാത്തപക്ഷം പ്രസ്തുത ഇൻവോയിസ് നിയമപ്രകാരം സാധു അല്ലാതെ ആകാൻ സാധ്യതയുണ്ട്. അതിനാൽ തന്നെ പെനാൽറ്റി ഉൾപ്പെടെയുള്ള നടപടികളിലേക്ക് പോകാനും സാധ്യതയുണ്ട് . സോഫ്റ്റ്‌വെയർ ഉപയോഗിച്ച് ഇൻവോയ്സ് തയ്യാറാക്കുന്നവർ ഇപ്പോൾ തന്നെ അതിന് ആവശ്യമായ മാറ്റം വരുത്തുന്നത് നന്നായിരിക്കും കൂടാതെ എഴുതി തയ്യാറാക്കുന്ന ഇൻവോയ്സ്കളിലും ഈ മാറ്റം വരുത്താൻ പ്രത്യേകം ശ്രദ്ധിക്കുക.

*കോമ്പോസിഷൻ സ്കീം.*

കോമ്പോസിഷൻ സ്കീമിലേക്ക് ഓപ്റ്റ് ചെയ്യാൻ ആഗ്രഹിക്കുന്നവർക്ക് *മാർച്ച് 31* വരെ ഓപ്ഷൻ കൊടുക്കാൻ സൗകര്യമുണ്ട്

*ക്യൂ ആർ എംപി സ്കീം*

ക്യു ആർ എം പി സ്കീമിൽ ഇപ്പോൾ നിലവിലുള്ള ഉള്ള ഓപ്ഷൻ മാറ്റാൻ ആഗ്രഹിക്കുന്നവർക്ക് *ഏപ്രിൽ 30* വരെ സമയം ഉണ്ട്. ഇങ്ങനെ മാറ്റം വരുത്തിയാൽഏപ്രിൽ റിട്ടേൺ ഫയൽ ചെയ്യുന്ന മുറക്ക് (മെയ് മാസം മുതൽ) പ്രസ്തുത മാറ്റം പ്രാബല്യത്തിൽ വരുന്നതാണ്.

നിലവിൽ ക്യു ആർ എം പി ഓപ്ററ് ചെയ്തവർക്കും തനിയെ ഓപ്ററ്(auto miigration) ആയവർക്കും അതിൽ നിന്ന് പുറത്ത് വരാനോ അല്ലെങ്കിൽ ക്യു ആർ എം പി സ്കീമിൽ ഉൾപ്പെടാത്തവർക്ക് പുതുതായി സ്കീമിലേക്ക് ഓപ്ററ് ചെയ്യാനോ ഉള്ള അവസരമാണ് ഏപ്രിൽ 30 വരെ ഉള്ളത് . എന്നാൽ നിലവിൽ ഉള്ള സ്ഥിതി യിൽ മാറ്റമൊന്നും വേണ്ടെങ്കിൽ ഓപ്ഷൻ കൊടുക്കേണ്ടതില്ല.