Nayan Nibir

এজন পিতৃয়ে পুত্ৰক ক'লে, "আজি তুমি সন্মানেৰে স্নাতক ডিগ্ৰী লাভ কৰিছা। মই বহু বছৰৰ আগতে কিনা এখন volkswagen গাড়ী আছে,তোমাক উপহাৰ হিচাপে দিব বিচাৰিছোঁ। ইয়াৰ বয়স কিন্তু ৫০ বছৰৰ ওপৰত, মই তোমাক দিয়াৰ আগতে বিচাৰোঁ যে -তুমি গাড়ীখন টাউনৰ ডিলাৰশ্বিপলৈ লৈ যোৱা আৰু সুধিবা এই গাড়ীখনৰ বাবদ তেওঁলোকে তোমাক কিমান টকা অফাৰ দিয়ে!"

পুত্ৰই গাড়ীৰ ডিলাৰশ্বিপলৈ গৈ দেউতাকৰ ওচৰলৈ উভতি আহি ক'লে, "তেওঁলোকে মোক ২০০০ টকা দিছিল কাৰণ ইয়াক বৰ ব্যৱহৃত যেন লাগে।" তেতিয়া দেউতাকে ক'লে, "এতিয়া বস্তু কিনা-বেচা কৰা দোকানলৈ লৈ যোৱা।"

পুত্ৰই পণ্যৰ দোকানলৈ গৈ উভতি আহি ক'লে, "দেউতা,বহুত পুৰণি বুলি কোৱাৰ বাবে মোক মাত্ৰ ১০ হাজাৰ টকা দিলে।"

অৱশেষত পিতৃয়ে পুত্ৰক গাড়ীখন ক্লাছিক কাৰ ক্লাবলৈ লৈ গৈ তাত দেখুৱাবলৈ ক’লে। পুত্ৰই গাড়ীখন ক্লাবলৈ লৈ গ'ল, উভতি আহি ক'লে, "ক্লাবৰ কিছুমান মানুহে মোক ১ৰ পৰা ২০ লাখ টকা আগবঢ়াইছিল কাৰণ ই এখন অতি পুৰণা তথা বিৰল গাড়ী আৰু গ্ৰাহকসকলৰ মাজত বিচৰা হৈছে।"

পিতৃয়ে পুত্ৰক ক'লে, "মই আশা কৰোঁ- এই ঘটনাটোৰ পৰা তুমি বুজিব পাৰিবা যে সঠিক ঠাইয়ে তোমাক সঠিকভাৱে শলাগ লয়।

যদি কোনোবাই তোমাক মূল্য নিদিয়ে, তেন্তে খং নকৰিবা, ইয়াৰ অৰ্থ মাথোঁ তুমি ভুল ঠাইত আছা। যিসকলে তোমাৰ মূল্য জানে তেওঁলোকে তোমাক সঁচাকৈয়ে শলাগ ল'বই।

কেতিয়াও এনে ঠাইত নাথাকিবা য'ত তেওঁলোকে তোমাক মূল্য নিদিয়ে !"

#সংগ্ৰহীত