Actor Rajni Kant Kushwaha

-:शायरी:-
सावन मास उदास मन, पिया हथीन न पास
जीउ हे बेचैन हमर, आवे न कुछ रास
बिखरल चुर पसरल सेनूर, डहक-डहक के रोवे
थकल जाइत हे पिया अब त, तोरा बिनू सांस।

-:गीत:-
रहली अनाड़ी खेलित, बितल लड़कपन
चढ़ीते जवानी कइली, तोरा हम अरपन
सभे सावन बितल, बाबा अंगनवा -२
तोर आंगन रोवे एसो, मोर नयनवा -२

हली नदान अइली, डोलिया सवार हो
कैलन स्वागत सब, आरती उतार हो -२
दउरा के डेग अब, भहराये सजनवा -२
तोर आंगन रोवे एसो...................-२

फागुन चइत रहल, रंगमहल सजल
प्रेम बगइचा के कली रहल खिलल -२
बदरा बिजुरी बरखा, छिनल चयनवा -२
तोर आंगन रोवे एसो...................-२

रजनी पहर चार, पल में ओरिया हल
लोर अंखियन में, आवे से डेरा हल -२
कहिया लौटएबऽ तूं, खुशी के खजनवा -२
तोर आंगन रोवे एसो...................-२
(२१/०६/२०२६)
#गीतकार_रजनी_कान्त #कवि_रजनी_कान्त #मगहियाछौंड़ा #मगहीलोकगीत #मगहीकजरी #मगहीगीत #मगही Actor Rajni Kant Kushwaha